ရန်ကုန်မြို့၊ အလုံမြို့နယ် သစ်တောရပ်ကွက်၊ ကမ်းနားလမ်းနှင့် အလုံလမ်းထောင့်ရှိ SKY WAY Club & KTV ယနေ့ (ဇွန်လ ၂၉)ညပိုင်း၌ မီးလောင်ကျွမ်းမှုဖြစ်ပွားနေကြောင်း ရပ်ကွက်နေပြည်သူများမှ တစ်ဆင့်သိရသည်။
“၁၀ နာရီမခွဲခင်လောက်က စလောင်တာပါ။ Sky Way နဲ့ Queen star စားသောက်ဆိုင်ကြားထဲကနေ စလောင်နေတာလို့ သိရတယ်။ မီးတော့တော်တော်များတယ်။ လူတွေ ပြေးထွက်လာတာလဲ တွေ့တယ်။ ထိခိုက်မှု မရှိဘူးလို့တော့ ကြားပါတယ် “ဟု အလုံမြို့နယ်နေ ပြည်သူတစ်ဦးက ဆိုသည်။
SKY WAY Club & KTV သည် ယနေ့ ည၁၀နာရီခွဲဝန်းကျင်အချိန်က မီးလောင်မှု ဖြစ်ပွားခဲ့ခြင်းဖြစ်ပြီး အလုံမြို့နယ် မီးသတ်တပ်ဖွဲ့က သွားရောက်ငြှိမ်းသက်ခဲ့ရာ ည ၁၁ နာရီဝန်းကျင်တွင် မီးငြိမ်းနိုင်ခဲ့ကြောင်း နိုင်ငံမီးသတ်တပ်ဖွဲ့က ထုတ်ပြန်ထားသည်။
မီးလောင်ကျွမ်းသည့် အကြောင်းအရင်း အတိအကျကိုမူ ထုတ်ပြန်ထားခြင်း မရှိသေးပေ။
Public Service Announcement
