စစ်ကိုင်းတိုင်း၊ ကောလင်းမြို့နယ်၊ ရွှေဘို-မြစ်ကြီးနားလမ်းပိုင်းတွင် စစ်ရေးအခြေအနေတင်းမာနေသဖြင့် ခရီးသွားပြည်သူများအနေဖြင့် သတိပြုသွားလာရန် ကောလင်းမြို့နယ်ပြည်သူ့ကာကွယ်ရေးအဖွဲ့ (ပကဖ)က သတိပေးကြေညာသည်။
ပြည်သူအများအနေဖြင့် ရွှေဘို – မြစ်ကြီးနားလမ်းပိုင်းအသုံးပြုရာတွင် စစ်ရေးအခြေအနေတင်းမာနေသဖြင့် ကောလင်းမြို့နယ်နမိတ်အတွင်း ဖြတ်သန်းမည်ဆိုပါက ကုန်တင်ယဥ်များအနေဖြင့် (မိုးရွာနေချိန်မှအပ) မိုးကာအုပ်ပြီး မောင်းနှင်ခြင်းမပြုရန်၊ လိုအပ်ချက်အရရှောင်တခင်စစ်ဆေးခြင်းများတွင် ပူးပေါင်းပါဝင်ပေးကြရန်၊ နံနက် ၆နာရီ မှ ည ၈နာရီထိသာဖြတ်သန်းခွင့်ပြုမည်ဖြစ်ကြောင်း ကောလင်း(ပ.က.ဖ)က ယနေ့ (သြဂုတ် ၁၇ရက်)တွင် ကြေညာသည်။
အထက်ပါ အချက်သုံးချက်ကို လိုက်နာခြင်းမရှိပါက ပြင်းပြင်းထန်ထန် အရေးယူမည်ဖြစ်ကြောင်း ကောလင်း(ပ.က.ဖ)က သတိပေးသည်။
