'/%3E%3C/svg%3E){kind=small}
မကွေးတိုင်း စလင်းမြို့အဝင် စစ်ဆေးရေးဂိတ်၌ ဗုံးပေါက်ကွဲ၍ ဒဏ်ရာရခဲ့သည့် စစ်ကောင်စီလက်ပါးစေ ရဲ နှစ်ဦး သေဆုံးသွားကြောင်း ဒေသခံကတစ်ဦးက ပြောသည်။
ဩဂုတ် ၁၇ရက် နံနက်က စလင်း – မင်းဘူးလမ်းပိုင်း စလင်းအဝင်ဂိတ်တွင် ဗုံးပေါက်ကွဲခဲ့ရာ ရဲတစ်ဦးသေဆုံးပြီး နှစ်ဦး ဒဏ်ရာပြင်းထန်ခဲ့သည်။
“ဟိုတစ်နေ့က စလင်းက သုံးယောက်စလုံးသေသွားတာ။ သုံးယောက်စလုံးသေတော့ သူတို့မိသားစုတွေကို ထောက်ပံ့ကြေးတွေပေးနေကြတယ်။စစ်ဆေးရေးဂိတ်ကတော့ ဘာမှမရှိတော့ဘူး။ လောလောဆယ် အဲဒီဂိတ်က ယာယီပျက်သွားတာပေါ့” ဟု ဒေသခံက ပြောသည်။
အဆိုပါ ပေါက်ကွဲမှုသည် ပြင်းထန်ခဲ့၍ စစ်ဆေးရေးဂိတ်ရှိ အဆောက်အအုံနှင့် သဲအိတ်များပါ ပျက်စီးမှုများပြားခဲ့သည်။ ယင်းပေါက်ကွဲမှုကို မည်သည့်အဖွဲ့က လုပ်ဆောင်သည်ဆိုခြင်းကို သတင်းထုတ်ပြန်မှု မတွေ့ရသေးပေ။
Public Service Announcement
