ကလေးဝမြို့နယ် မစိန်နယ်မြေရဲစခန်းကို PDF တိုက်ခိုက်သိမ်းပိုက်

စစ်ကောင်စီရဲခုနစ်ဦးသေ၊ လက်နက်၈ လက်နှင့်ခဲယမ်းများသိမ်းဆည်းရရှိပြီးယစခန်းအားမီးရှို့ဖျက်ဆီး

စစ်ကိုင်းတိုင်း ကလေးဝမြို့နယ် မစိန်ကျေးရွာနယ်မြေရဲစခန်းအား ဝင်ရောက်စီးနင်းတိုက်ခိုက်ရာ စစ်ကောင်စီရဲတပ်သားခုနစ်ဦးထက်မနည်းသေဆုံးပြီး လက်နက်ခဲယမ်းများသိမ်းဆည်းရရှိကြောင်းPeople’ s Defence Force – က​လေးဝ က ယနေ့(စက် တင်ဘာ ၂၀ ရက်) ထုတ်ပြန်သည်။

စက်တင်ဘာ ၁၈ ရက် နံနက် ၆ နာရီ ၅ မိနစ်ခန့်တွင် က​လေးခရိုင် ပြည်သူ့ကာကွယ်​ရေးတပ်မ​တော်-တပ်ရင်း (၉)ဖြစ်​သော PDF – ကလးဝ တပ်ဖွဲ့ဝင်များက အကြမ်းဖက်စစ်ကောင်စီ၏ နယ်မြေရဲစခန်းအား စီးနင်းသိမ်းပိုက်နိုင်ခဲ့သည်ဟု ​ဖော်ပြထားသည်။

တိုက်ပွဲနေရာတွင် စစ်ကောင်စီရဲတပ်ဖွဲ့ဝင် ၇ ဦး သေဆုံးခဲ့သည့်အပြင် ထွက်ပြေးသွားခဲ့သော ရဲအချို့မှာလည်း ထိခိုက်ဒဏ်ရာပြင်းထန်စွာရရှိ ခဲ့ကြောင်း ဖော်ပြသည်။

PDFတပ်ဖွဲ့ဝင်များဘက်မှ အထိအခိုက်အကျ အဆုံးမရှိခဲ့ဘဲ စခန်းအား မီးရှို့ဖျက်ဆီး၍ အောင် မြင်စွာ ပြန်လည်ဆုတ်ခွာနိုင်ခဲ့ကြောင်း အသိပေးသည်။

Public Service Announcement

အဆိုပါ စခန်းသိမ်းတိုက်ပွဲမှ G3 သေနတ် ၅ လက် ၊Uzi သေနတ် ၂ လက် ၊M79 လောင်ချာ ၁ လက် ၊ လက်ပစ်မိုင်း ၃ လုံး ၊7.62ကျည် ၂၉၇ တောင့် ၊Uzi ကျည် ၁၄၉ တောင့် ၊125 ဆိုင်ကယ် ၄ စီး ၊ဆက်သွယ်ရေးအထိုင်စက် နှစ်လုံး ၊ဆက်သွယ်ရေးစကားပြောစက် ၃ လုံး ၊ဖုန်း ၁၀ လုံး ၊ဖုန်းအားသွင်းတုံး တစ်ခု၊Laptop တစ်လုံး ၊ပိုက်ဆံအိတ် နှစ်လုံး ၊ပိုက်ဆံ ၁၃,၀၀၀ကျပ် ၊လက်ထိပ် နှစ်ခု ၊ရွှေဆွဲကြိုး တစ်ကုံး ၊ကျောပိုးအိတ် တစ်လုံး ၊ဘေးလွယ်အိတ် သုံးလုံး ၊ဓါးတစ်ချောင်း တို့ သိမ်းဆည်းရရှိခဲ့သည်။

အဆိုပါတိုက်ပွဲအတွင်း ဒေသခံအရပ်သားပြည် သူ အမျိုးသမီးတစ်ဦး ထိခိုက်သေဆုံးသွားသည်ဟု ကြားသိရသည့်အတွက်လည်းအထူးစိတ်မကောင်းဝမ်းနည်းဖြစ်ရပြီး ဖြစ်စဉ်အတွက် ကာ ယကံရှင်မိသားစုအား လေးလေးနက်နက် တောင်းပန်ကြောင်းလည်း People’s Defence Force – Kalewa တပ်ရင်းက ဆိုသည်။

“ကလေးဝမှာ ငြိမ်နေတာ ကြာပြီမို့ တော်လှန်ရေးအတွက် အားမလို အားမရဖြစ်မိသေးတယ်။ ကျွန်မတို့ ကလေးတွေက ပိုင်မှ တွယ်တာ။ ရဲစခန်းတစ်ခုလုံး ပြာပဲကျန်ခဲ့တော့တယ်”ဟု ဒေသခံတစ်ဦးကပြောသည်