စစ်ကိုင်းတိုင်း၊ မုံရွာ – အရာတော်လမ်းပိုင်းတွင် စစ်ကောင်စီတပ်များ ခြေရှုပ်နေ၍ ဖြတ်သန်းသွားလာခွင့်ယာယီပိတ်ထားကြောင်း သတင်းရရှိသည်။
ယနေ့ (စက်တင်ဘာလ ၂၇ ရက်) နံနက် ၇ခန့်မှစတင် ကာ မုံရွာ – အရာတော်လမ်းပိုင်းတွင် စစ်ကောင်စီတပ်များ ခြေရှုပ်နေသဖြင့် ယခုအချိန်မှစ၍ အဆိုပါလမ်းပိုင်းအား အရေးပေါ်ကိစ္စမှအပ အသုံးမပြုကြပါရန် God Of Monywa အဖွဲ့က မေတ္တာရပ်ခံသည်။
ပြန်လည်အသုံးပြုနိုင်မည့်အချိန်ကို ထုတ်ပြန် ကြေညာပေးမည်ဟု ဆိုသည်။
အဆိုပါလမ်းပိုင်းအပြင် စစ်ကိုင်း – မုံရွာလမ်းပိုင်း၊ စစ်ကိုင်း -ရွှေဘိုလမ်းပိုင်းများ၌ နံနက် ၅ နာရီမှ ည ၈ နာရီအထိသာ သွားလာကြရန်၊ ည ၈ နာရီမှ နံနက် ၅ နာရီအထိ သွားလာခြင်းလုံးဝမပြုရန် ဒေသကာကွယ် ရေးအဖွဲ့များက ထုတ်ပြန်ထားသည်။
Public Service Announcement
သတ်မှတ်တားမြစ်ထားသည့်အချိန် ကျန်းမာရေးအရ အရေးပေါ်သွားလာမှု ပြုလုပ်လိုလျှင် သက်ဆိုင်ရာနယ်မြေဒေသအဖွဲ့အစည်းများကို အသိပေးပြီးမှသာ ဖြတ်သန်းကြရန်နှင့်စစ်ကောင် စီကားများအား ကပ်လိုက်ခြင်း၊ စစ်ကောင်စီတပ်သားများတင်ဆောင် ခြင်း၊ စစ်ကောင်စီထောက်ပို့ပစ္စည်းများကို သယ်ဆောင်ခြင်းမပြုလုပ်ရန် အထူးသတိပေးထားသည်။
ထို့အပြင် မည်သည့်ကားမဆို မှန်ချမောင်းနှင်ရန် နှင့် မလိုအပ်ဘဲ မိုးကာအုပ်ခြင်းမပြုရန်၊ စစ်ရေးအခြေအနေအရ လမ်းအသုံးမပြုရန် တားမြစ်သည့်အချိန်၌ အတိအကျလိုက်နာပေးကြရန် ဒေသကာကွယ်ရေးအဖွဲ့များက မေတ္တာရပ်ခံထားသည်။
