ကရင်အမျိုးသားအစည်းအရုံး(KNU) ကျိုက်ထိုမြို့နယ်တွင် စစ်ကောင်စီတပ်က လက်နက်ကြီးဖြင့် ပစ်ခတ်၍ အမျိုးသမီးတစ်ဦး ဒဏ်ရာရခဲ့ကြောင်း KNUက သတင်းထုတ်ပြန်သည်။
အောက်တိုဘာ ၅ရက် မွန်းလွဲပိုင်းက သိမ်ဇရပ်အခြေစိုက် အမြောက်တပ်က လက်နက်ကြီးဖြင့် ကျိုက်ထိုမြို့နယ် သုံးခွရွာသို့ ပစ်ခတ်ခဲ့၍ သုံးခွရာခံ အမျိုးသမီးတစ်ဦး လက်နက်ကြီး ထိမှန်ခဲ့ခြင်းဖြစ်သည်ဟု ဆိုသည်။
လက်နက်ကြီးကျည်သည် သုံးခွကျေးရွာရှိ ကိုအောင်အောင်၏ နေအိမ်ခြံဝန်းအတွင်းကျရောက်ပေါက်ကွဲ ခဲ့ရာ ဇနီးဖြစ်သူ အသက် (၃၁) နှစ်ရှိ မမာလာဝင်း၏ မေးရိုးနှင့်ညာဖက်ပေါင်ကို လက်နက်ကြီးစ ထိမှန်ခဲ့ကြောင်း၊ လက်ရှိတွင် ဆေးကုသမှုခံယူနေကြောင်း ဒေသခံ၏ ပြောကြားချက်ကို ကိုးကား၍ KNUက ဖော်ပြသည်။
“လက်နက်ကြီးက ခမရ (၂၀၇) ကပစ်တာ၊ ကျတာကအိမ်နဲ့ (၁၅) ပေလောက်ပဲကွာတယ် မမာလာကတော့ အိမ်နောက်ဖေးမှာ ပန်းကန်ဆေးနေတာ ညာဖက်ပေါင်ကနေတစ်ဆင့် လက်နက်ကြီးစက ဗိုက်ထဲဝင်လို့ ဆေးရုံမှာ ခွဲထုတ်ခဲ့ရတယ်၊ မေးရိုးကိုလည်းထိသွားတယ်” ဟု သုံးခွရွာခံတစ်ဦးက ပြောကြားကြောင်း KNU၏ ထုတ်ပြန်ချက်၌ ပါရှိသည်။
Public Service Announcement
အာဏာသိမ်း စစ်ကောင်စီတပ်အနေဖြင့် အရပ်သားပြည်သူများ နေထိုင်ရာ နေရာများကို လက်နက်ကြီးများဖြင့် ပစ်မှတ်ထားတ တိုက်ခိုက်မှုများ မကြခဏ လုပ်ဆောင်နေ၍ အရပ်သားပြည်သူများသေဆုံးထိခိုက်မှု များစွာဖြစ်ပေါ်ခဲ့သည်။
