ပဲခူးတိုင်း၊ အုတ်ဖိုမြို့နယ်၊ ဝိုင်းကျေးရွာရှိစစ်ကောင်စီ၏ ရဲစခန်းအား သာယာဝတီခရိုင် PDF တပ်ရင်း နှစ်ရင်း၏ တပ်ခွဲအဖွဲ့ နှစ်ဖွဲ့ ကတိုက်ခိုက်ခဲ့ကြောင်း ပဲခူးတိုင်းစစ်ဒေသခွဲက ထုတ်ပြန် သည်။
ယနေ့ (အောက်တိုဘာ ၂၀ ရက်) နံနက် ၂ နာရီခန့်က ဝိုင်းကျေးရွာရှိ ရဲစခန်းအားသာယာဝတီခရိုင် တပ်ရင်း ၃၈၀၁တပ်ခွဲ (၄) MRF နတ္တလင်းနှင့် ခရိုင်တပ်ရင်း ၃၈၀၂ တပ်ခွဲ (၄) အုတ်ဖိုမြို့နယ်မြေအာက်ပြောက်ကျားတပ်ဖွဲ့တို့က ၄၀ မမအပါအဝင် လက်နက် ငယ်များဖြင့် ပစ်ခတ်တိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ ထိခိုက်သေဆုံးရှိနိုင်သည်ဟု ပဲခူးတိုင်းစစ်ဒေသခွဲနှင့် MRFနတ္တလင်းတို့ကထုတ်ပြန်သည်။
စစ်ကောင်စီ၏ ရဲစခန်းဘက်မှလည်း ပြန်လည်ပစ်ခတ်ခဲ့ရာ အပြန်အလှန် ပစ်ခတ်မှု (၁၇)မိနစ်ကျော် ဖြစ်ပွားခဲ့သည်ဟုသိရသည်။
စစ်ကောင်စီရဲ ၅ ဦးသေဆုံးသည်ဟုထောက်လှမ်းသိရပြီးလက်နက်ရရှိခဲ့ခြင်းမရှိကြောင်း NRFနတ္တလင်းမှတာဝန်ရှိသူကပြောသည်။
Public Service Announcement
“အရာရှိပါတယ်လို့တော့မကြားရဘူးခင်ဗျ ။ ရဲဘော်လို့ပဲပြောပါတယ်”ဟု သေဆုံးသူများနှင့်ပါတ်သပ်၍တာဝန်ရှိသူကပြောသည်။
ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ အောင်မြင်စွာ ဆုတ်ခွာနိုင်ခဲ့သည်ဟုဆိုသည်။
ပဲခူးတိုင်း PDF တပ်ဖွဲ့ဝင်များအနေဖြင့် အကြမ်းဖက်စစ်ကောင်စီတပ်ဖွဲ့များကို တိုက်ခိုက် ချေမှုန်းလျက်ရှိရာ ဆက်လက်၍ မိမိတို့ စိုးမိုးနယ်မြေများအတွင်း ကျူး ကျော်လာသော အကြမ်းဖက်စစ်ကောင်စီတပ်များကိုလည်း ချေမှုန်းတိုက်ခိုက်သွားမည်ဟု ပဲခူးတိုင်းစစ်ဒေသခွဲကအသိပေးထားသည်။ တိုက်ပွဲဖြစ်စဥ်နှင့်ပတ်သပ်၍ပဲခူးတိုင်းစစ်ဒေသခွဲသို့ဆက်သွယ်မေးမြန်းရန်ကြိုစားသော်လည်းဆက်သွယ်၍မရသေးပါ။
ပဲခူးတိုင်းစစ်ဒေသခွဲတွင်ယခုရက်ပိုင်း စစ်ဆင်ရေးများဆက်တိုက်ပြုလုပ်နေသည်။
“ကျွန်တော်တို့အနေနဲ့ဆက်လက်ပိုမိုထိရောက်တဲ့စစ်ဆင်ရေးတွေလုပ်ဖို့လက်နက်အင်အား ခဲယမ်းအင်အားအရမ်းလိုအပ်ပါတယ်။ အကောင်းဆုံးတွေချပြဖို့ရှိပါတယ် ။အတက်နိုင်ဆုံးလှူပေးဖို့သွေးမအေးဖို့ပြောချင်ပါတယ်”ဟု သာယာဝတီခရိုင် တပ်ရင်း ၃၈၀၁တပ်ခွဲ (၄) MRF နတ္တလင်းမှတာဝန်ရှိသူကပြောသည်။
