'/%3E%3C/svg%3E){kind=small}
ဓမ္မဘက်တော်သားများကို ရုပ်ပိုင်းဆိုင်ရာ၊ စိတ်ပိုင်းဆိုင်ရာ ညှင်းပန်းနိပ်စက်နေသည့် စစ်ကောင်စီကို နည်းလမ်းမိုးစုံဖြင့် တုံ့ပြန်ရမည်ဖြစ်ကြောင်း အမျိုးသားညီညွတ်ရေးအစိုးရ(NUG) ပြည်ထောင်စုဝန်ကြီးချုပ် မန်းဝင်းခိုင်သန်းက ပြောကြားသည်။
ယနေ့ ပြုလုပ်သည့် အစိုးရအဖွဲ့ အစည်းအဝေးတွင် ပြည်ထောင်စုဝန်ကြီးချုပ်က ယခုကဲ့သို့ ပြောဆိုခြင်းဖြစ်သည်။
“ကျွန်တော်တို့တော်လှန်ရေးအတွက် ဘယ်အလုပ်ကိုလုပ်ဆောင်ရင် ပြည်သူအတွက် အကျိုးရှိမလဲ၊ အင်အားဖြစ်စေမလဲ၊ ဘယ်အလုပ်ကို လုပ်ဆောင်ရင် အကြမ်းဖက်စစ်ကောင်စီတွေ အထိနာစေမလဲ၊ အထိနာတယ် ဆိုရာမှာလည်း ရုပ်ပိုင်းဆိုင်ရာ အထိနာဖို့လိုအပ်သလို၊ စိတ်ပိုင်းဆိုင်ရာထိခိုက်အောင်လည်း လုပ်ဖို့လိုပါတယ်။ ကျွန်တော်တို့ ဓမ္မဘက်တော်သားတွေကို ရုပ်ရောစိတ်ပါ ညှင်းပန်းနှိပ်စက်နေတဲ့ အကြမ်းဖက်သမားတွေကို ကျွန်တော်တို့အနေနဲ့လည်း နည်းလမ်းမျိုးစုံနဲ့ တုံ့ပြန်ရမှာ ဖြစ်ပါ တယ်”ဟု ဝန်ကြီးချုပ်မန်းဝင်းခိုင်သန်းက ပြောသည်။
တော်လှန်ရေး အချိန်ကြာလာသည်နှင့်အမျှ စစ်ကောင်စီတပ်က ရင်းမြစ်အားလုံးကို အသုံးပြုပြီး တော်လှန်ရေးအင်အားစုများကို ဒုက္ခပေးနိုင်ရန် တစ်ခုပြီးတစ်ခု စီစဥ်နေမည်ကို အထူးသတိပြုရမည်ဖြစ်သည်ဟု ၎င်းက ဆိုသည်။
Public Service Announcement
“အဲဒီအတွက် အထူးသတိထားပြီး ကျွန်တော်တို့ဘက်က ပြင်ဆင်ရမှာတွေ၊ တုံ့ပြန်ရမှာတွေ၊ စီစဉ်ရမှာတွေ ရှိမှာ ဖြစ်ပါတယ်။ ကျွန်တော်တို့က တော်လှန် ရေး အင်အားစုတွေ ပေါင်းစပ်လုပ်ဆောင်ကြရတာဖြစ်လို့ တစ်ခါတစ်ရံ ပေါင်းစည်းပြီး အတူတကွ တုံ့ပြန် ဆောင်ရွက်ရမယ့် ကိစ္စတွေမှာ ညှိနှိုင်းဆောင်ရွက်ကြရင်း ကြန့်ကြာတာမျိုးတွေလည်း ရှိပါတယ်။ ဒါတွေအတွက်လည်း လိုအပ်ရင်လိုအပ်သလို ပိုမို ပူးပေါင်းချိတ်ဆက် ဆောင်ရွက်နိုင်အောင် ဝိုင်းဝန်းကြိုးစားပေးကြဖို့ ဝန်ကြီးများကို တိုက်တွန်းလိုပါတယ်”လို့ ပြည်ထောင်စုဝန်ကြီးချုပ်က ပြောကြားသည်။
