မြောင်နယ် ကျောက်ရစ်စခန်းမှထွက်လာသည့် စစ်အုပ်စုကို ပဒေသာမိုင်းဖြင့် တိုက်ခိုက်

စစ်ကိုင်းတိုင်း၊ မြောင်မြို့နယ်၊ ကျောက်ရစ်စခန်းမှထွက်လာသော စစ်အုပ်စုကို ပဒေသာမိုင်းဖြင့် မိုင်းဆွဲတိုက်ခိုက်ခဲ့ကြောင်း မြောင်ဗိုလ်တောက်ထွန်းအထူးတပ်ဖွဲ့၏ ခေါင်းဆောင် ဗိုလ်တောက်ထွန်းက ပြောသည်။

ယမန်နေ့ (နိုဝင်ဘာ ၂၀ ရက်) ည ၇နာရီခန့်က ကျောက်ရစ်စခန်းမှ ထွက်လာသော စစ်ကောင်စီ တပ်ဖွဲ့ဝင် ၁၀ဦးအား ကျောက်ရစ်နှင့် သရက်သာရွာကြားတွင် ပဒေသာမိုင်း(၂)လုံးဖြင့် တိုက်ခိုက်ခဲ့ကြောင်း မြောင်ဗိုလ်တောက်ထွန်းအထူးတပ်ဖွဲ့၏ ခေါင်းဆောင် ဗိုလ်တောက်ထွန်းက ပြောသည်။

ထိုသို့တိုက်ခိုက်မှုကြောင့် စစ်အုပ်စုဝင် နှစ်ဦးသေဆုံးပြီး သုံးဦး ထိခိုက်ဒဏ်ရာရရှိသွားကြောင်း ဗိုလ်တောက်ထွန်းက ပြောသည်။

“အဲဒီစစ်ကြောင်းက ရက်ခြား ညမှာစစ်​ကြောင်းထိုးတယ်။ အရင်က ​ွေးတွေက ကင်းကို သုံးလေးခါလောက်ဖြုတ်ဖြုတ်သွားတာ။ ဒီတစ်ခါကျ အဲဒီနားမှာပဲ ကင်းယူပြီးစောင့်တာ။ အရှေ့ကင်းပုန်းဝပ်ရင်း လာဖြုတ်ရင်းနေမှာပေါ့။ အဲဒီအချိန် သူတို့အနားမှာရောက်တဲ့အချိန် ခွဲလိုက်တာ။”ဟု ဗိုလ်တောက်ထွန်းက ပြောသည်။

Public Service Announcement

ထို့အပြင် ထိခိုက်သူများအား ကျောက်ရစ်ရွာ၌ ကုသရန်အဆင်မပြေ၍ ညတွင်းချင်း စစ်ကြောင်းထိုးပြီး ချင်းတွင်းမြစ်ကြောင်းဘေး ကျောက်တန်းကျေးရွာသို့ ပို့ဆောင်ခဲ့ကြောင်း သိရသည်။

မြောင်မြို့နယ်တွင်လ​ည်း စစ်ကောင်စီတပ်၏ စစ်ကြောင်းထိုးမီးရှို့ဖျက်ဆီးမှုကြောင့် ကျေးရွာအများအပြား ထွက်ပြေးတိမ်းရှောင်ခဲ့ရသည်။

မြောင်ဗိုလ်တောက်ထွန်းအထူးတပ်ဖွဲ့ဝင်များအား တွေ့ရစဥ်၊ ဓာတ်ပုံ-MBTT