'/%3E%3C/svg%3E){kind=small}
စစ်ကိုင်းတိုင်း အင်းတော်မြို့ပေါ်၌ ယနေ့နံနက်ပိုင်းက စစ်ကောင်စီတပ်ဖွဲ့ဝင်များ မိုင်းဆွဲတိုက်ခိုက် ခံရပြီး ထိခိုက်မှုများရှိခဲ့သည်ဟု အင်းတော်ဒေသခံက ပြောသည်။
အင်းတော်မြို့ ပညာရေးမှူးရုံး အနီးရှိ စစ်ကောင်စီ ၏ စစ်ဆေးရေးဂိတ်သို့ လာသည့် တပ်ဖွဲ့ဝင်များကို ယနေ့(ဇန်နဝါရီ ၇ရက်) နံနက် ၇နာရီခန့်တွင် မိုင်းဆွဲခံရခြင်းဖြစ်သည်ဟု ဆိုသည်။
“နောက်ဆုံးအခြေအအထိအခိုက်ကတော့ သူတို့ ရဲလေးယောက်ထိတယ်။ လေးယောက်မှာ တစ်ယောက် ကတော့ အသက်အန္တရာယ် စိုးရိမ်ရတယ်တဲ့။ သူတို့ အဲဒီမှာ ဒဏ်ရာရတဲ့ဟာတွေကို ပညာရေးမှူးအနောက်မှာ ဂျပန်ဆေးရုံဟောင်းပေါ့ သူတို့ ရိက္ခာကုန်းအဖြစ်နေရာယူထားတာ အဲဒီမှာ ဆေးကုသမှု ခံယူနေရတာ။အရင်ကလည်း အဲဒီဂိတ်တိုက်ခိုက်ခံရတာ ရဲ ၁ယောက်သေသေးတယ်။ ၂၀၂၂ အတွင်းကပဲ သိပ်မကြာသေးဘူး။ နောက်ပြီး ရဲစခန်းတွေ ဝင်ပစ်ခံရတာတွေရှိတယ်” ဟု အင်းတော်ဒေသခံက ပြောသည်။
အဆိုပါ တိုက်ခိုက်မှုကို ပြောက်ကျားအဖွဲ့အစည်းတစ်ခုက ဆောင်ရွက်ခြင်းဖြစ်ကြောင်း Indaw Revolution က ဖော်ပြထားသည်။
Public Service Announcement
မိုင်းဆွဲတိုက်ခိုက်ခံရပြီးနောက် စစ်ကောင်စီတပ် က လက်နက်ကြီးများဖြင့် ရမ်းပစ်ခတ်ခြင်း၊ လာသမျှ ကားဆိုင်ကယ်များကို တားဆီး စစ်ဆေးခြင်းများ လုပ်ဆောင်ခဲ့သည်ဟု ဆိုသည်။
