'/%3E%3C/svg%3E){kind=small}
ရွေးကောက်ပွဲအတွက် စစ်ကောင်စီက မန္တလေးမြို့ပေါ်မှာ လူဦးရေစာရင်းကောက်ယူတဲ့ ရက်ကစတင်ပြီး ၁၄ ရက်တာကာလအတွင်း ၁၀ ကြိမ်ထက်မနည်းတိုက်ခိုက်ခံလိုက်ရပါတယ်။
တိုက်ခိုက်မှုတွေကို မြို့ပြပြောက်ကျားအဖွဲ့တွေက မန္တလေးမြို့ပေါ်မြို့နယ်တွေဖြစ်တဲ့ မဟာအောင်မြေ ၊ ချမ်းမြသာစည် ၊ ပြည်ကြီးတံခွန် ၊ အမရပူရ ၊ အောင်မြေသာစံ ၊ချမ်းအေးသာစံ မြို့နယ်တွေ အတွင်းဆောင်ရွက်ခဲ့တာလို့သိရပါတယ်။
တိုက်ခိုက်ခံရတဲ့ နေရာတွေဟာ မဲစာရင်းကောက်ယူတဲ့နေရာတွေ ၊ရပ်ကွက်ရုံး ၊ လဝက ရုံး၊ထွေအုပ် ရုံး နေရာတွေဖြစ်တာတွေ့ရပါတယ်။
အဲဒီတိုက်ခိုက်မှုမှာတွေ ဗုံးကိုအသုံးပြုပြီး အသံဗုံးလည်း ပါကာ လူထိခိုက်သေဆုံးမှု မရှိဘူးလို့သိရပါတယ်။
Public Service Announcement
တိုက်ခိုက်မှု မှာပါဝင်ခဲ့တဲ့ မန္တလေးမြို့ပြပြောက်ကျားအဖွဲ့ ဖြစ်တဲ့ NMD က ပထမအဆင့်အနေနဲ့ သတိပေး ဖောက်ခွဲတာဖြစ်တယ်လို့ ဆိုထားပါတယ်။
စစ်ကောင်စီဟာ ရွေးကောက်ပွဲအတွက် လူဦးရေစာရင်းကောက်ယူတာကို ရန်ကုန် ၊မန္တလေးမြို့ကြီးတွေအပါအဝင် နိုင်ငံအနှံမှာ ဇန်နဝါရီလ ၉ ရက်ကစတင်ပြီး ဇန်နဝါရီလကုန်ထိ ကောက်ယူနေတာပါ။
စစ်ကောင်စီကျင်းပမယ့်ရွေးကောက်ပွဲဟာ အတုအယောင်ဖြစ်တာမို့ လူဦးရေမဲစာရင်းကောက်ယူတဲ့အခါ မပူးပေါင်းကြဖို့ ၊ စာရင်းကောက်ယူသူတွေကို အကြမ်းဖက်ဥပဒေနဲ့ အရေးယူမယ်လို့ NUG က တရားဝင် ထုတ်ပြောထားပါတယ်။
