ပဲခူးတိုင်း ကျောက်တံခါးမြို့နယ်တွင် စစ်ကောင်စီ၏ ပြည်သူ့စစ်သင်တန်းဆင်း ပျူစောထီးခေါင်ဆောင်ဟုဆိုသူတစ်ဦးကို ‘နန်းထိုက်အောင်စစ်ဆင်ရေး’အဖြစ် ပစ်ခတ်ရှင်းလင်းလိုက်ကြောင်း ကျောက်တံခါးမြို့နယ် ပြည်သူ့ကာကွယ်ရေးတပ်ဖွဲ့က ပြောသည်။
ကျောက်တံခါးမြို့နယ် ကညင်ကျိုးကျေးရွာမှ ပျူစောထီးခေါင်းဆောင် ကျော်ဦးဆိုသူကို ယမန်နေ့(ဖေဖော်ဝါရီ ၁၂)ညနေ ၅နာရီခန့်တွင် ကျောက်တံခါးမြို့နယ် ပြည်သူ့ကာကွယ်ရေးတပ်ဖွဲ့ဝင်ရဲဘော်များက ပစ်ခတ်ရှင်းလင်းလိုက်ခြင်းဖြစ်သည်။
“ကညင်ကျိုး တာလမ်းပေါ် ဆိုင်ကယ်မောင်းလာတုန်း သုံးချက်ပစ်ခဲ့တာ”ဟု ကျောက်တံခါးမြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။
အဆိုပါ ပျူစောထီးခေါင်းဆောင် ကျော်ဦးဆိုသူသည် စစ်ကောင်စီကပြုလုပ်သော ပြည်သူ့စစ်အခြေခံ စစ်ပညာသင်တန်းဆင်းထားသူတစ်ဦးဖြစ်ပြီး PDFများ၏ သတင်းများရယူစုစောင်းကာ စစ်ကောင်စီထံ သတင်းပေးနေသူလည်းဖြစ်ကြောင်း အထက်ပါတာဝန်ရှိသူက ဆက်ပြောသည်။
Public Service Announcement
ထို့ကြောင့် ပျူခေါင်းဆောင်ကျော်ဦးအား ပစ်ခတ်ရှင်းလင်းခဲ့ခြင်းဖြစ်သလို လက်ရှိတွင် စစ်ကောင်စီလက်အောက်၌ အုပ်ချုပ်ရေးမှူး၊ ရာအိမ်မှူးအဖြစ်လုပ်ကိုင်နေသူများလည်း ပြည်သူ့ကာကွယ်ရေးတပ်မတော် PDFထံ အလင်းဝင်ကြရန် သတိပေးသည်။
အလားတူ စစ်ကောင်စီမှ မကြာသေးမီကထုတ်ပြန်လိုက်သော လက်နက်ကိုင်ဆောင်ခွင့်မူသည် အိမ်ကြက်ချင်းအိုးမဲသုတ်ပေးသော လုပ်ရပ်ဖြစ်ပြီး ယင်းမူအားအ ကောင်အထည်ဖော်နေကြသည့် ပျူစောထီးများ၊ ဒလန်များနှင့် အုပ်ကြီးများကို ဆက်လက်သုတ်သင်သွားမည်ဟု ကျောက်တံခါးမြို့နယ် ပြည်သူ့ကာကွယ်ရေးတပ်ဖွဲ့က အသိပေးထုတ်ပြန်ထားသည်။
