အောက်ရေဖြူရွာကို အကြမ်းဖက်စစ်တပ်ဝင်စီး၊ အသက်မပြည့်သေးသည့်မိန်းကလေးအပါအဝင် အနည်းဆုံး ၁၂ဦးဖမ်းဆီးခံရ

ထားဝယ်ခရိုင် လောင်းလုံးမြို့နယ် အောက်ရေဖြူကျေးရွာအုပ်စုအတွင်းသို့ ယနေ့ (စက်တင်ဘာ ၁၇ ရက်) နံနက် ၈နာရီခန့်တွင် အကြမ်းဖက်စစ်ကောင် စီတပ်သားအင်အား၇ရခန့်ဖြင့် ဝင်ရောက်စီးနင်းပစ် ခတ်ရာ အသက်မပြည့်သေးသည့် အမျိုးသမီးငယ်တစ်ဦးအပါ အဝင်အနည်းဆုံး ၁၂ဦးဖမ်းဆီးခံရကြောင်း ဒီမိုကရေစီအရေးလှုပ်ရှားမှုသပိတ်ကော်မတီ(ထားဝယ်ခရိုင်)က ထုတ်ပြန်သည်။

အကြမ်းဖက်စစ်ကောင်စီတပ်သားများသည် နံနက် ၁၀နာရီခွဲခန့်တွင် အပြစ်မဲ့ လမ်းသွား၊လမ်းလာပြည်သူများအား အကြောင်းမဲ့ ပစ်ခတ်ခဲ့ကြောင်း ထုတ်ပြန် သည်။

ထိုပစ်ခတ်မှုနှင့်ပတ်သက်၍ “သူတို့ကို မြင်လို့ ကြောက်ပြီးထွက်ပြေးတဲ့ လမ်းသွားလမ်းလာတွေကို လိုက်ပစ်တာဖြစ်ဖို့များတယ်၊ ပစ်တာကတော့ အချက်ရေ ၁၀၀ ကျော်လောက်တောင် ဆက်တိုက်ပစ်တာ၊ တစ်ယောက်မှတော့ ကျည်ဆန်မထိဘူး”ဟုရွာခံသပိတ်လူငယ်တစ်ဦးက ပြောသည်။

ပစ်ခတ်မှုအပြီးတွင် လမ်းသွား၊လမ်းလာများကို မတရားဖမ်းဆီးမှုများပြုလုပ်ခဲ့ပြီး လက်ရှိအချိန်ထိ အဖမ်းခံရသူများမှာ အသက်မပြည့်သေးသည့် အမျိုးသမီးငယ်တစ်ဦးအပါအဝင် အနည်းဆုံး ၁၂ဦးခန့်ရှိပြီဖြစ်သည်ဟု ဖော်ပြထားသည်။

Public Service Announcement

အဖမ်းခံသူများကို အချုပ်ကားဖြင့် အကြမ်းဖက်စစ်ကောင်စီလက်အောက်ခံ လောင်းလုံးမြို့မရဲစခန်းသို့ ခေါ်ဆောင်သွားကြောင်း ထပ်မံဖော်ပြထားသည်။