တနင်္သာရီတိုင်း ပုလောမြို့နယ် ပဝတ်ဖျားကျေးရွာအနီး တိုက်ပွဲဖြစ်ပွားရာ စစ်ကောင်စီတပ်မှ ၁၃ဦးခန့်သေဆုံးကြောင်း မြိတ်ခရိုင် PDF တပ်ရင်း (၁) ပုလောပြည်သူ့ကာကွယ်ရေးတပ်ဖွဲ့က People’s Springသို့ ပြောသည်။
ယမန်နေ့ (မတ်လ ၂၁ ရက်) နံနက် ၁၀ နာရီခွဲခန့်က ပုလောနယ် ပဝတ်ဖျားနှင့် မင်းထိန်ကျေး ရွာကြားတွင် အင်အား ၁၅၀ခန့်ပါ စစ်ကောင်စီတပ်စစ်ကြောင်းကို KNDO၊ ပုလော (ပ.က.ဖ)၊ KPDF၊ KRDF နှင့် မြိတ်ခရိုင် တပ်ရင်း (၁)တို့ ပူးပေါင်းတိုက်ခိုက်ခဲ့ခြင်း ဖြစ်သည်။
အဆိုပါ စစ်ကောင်စီတပ်စစ်ကြောင်းနှင့် နှစ်ကြိမ်ထိတွေ့တိုက်ပွဲဖြစ်ပွားပြီး စစ်ကောင်စီတပ်မှ ၁၃ဦးခန့်သေဆုံးသည်ကို မျက်မြင်အတည်ပြုနိုင်ခဲ့ကာ PDF ပူးပေါင်းတပ်မှ ရဲဘော်တစ်ဦး မစိုးရိမ်ရ ဒဏ်ရာရရှိခဲ့ကြောင်း တပ်ရင်း(၁)မှ တာဝန်ရှိသူက People’s Springသို့ အတည်ပြုသည်။
ထိတွေ့မှုနှစ်ကြိမ်တွင် စစ်တပ်ခြေကျင်စစ်ကြောင်းအား PDF ပူးပေါင်းတပ်က မိုင်းဖြင့် ကနဦးတိုက်ခိုက်ခဲ့ပြီး ယင်းနောက်တွင်မှ အပြန်အလှန်ပစ်ခတ်တိုက်ခိုက်ခဲ့ခြင်းဖြစ်သည်ဟု ၎င်းတာဝန်ရှိသူက ဆိုသည်။
Public Service Announcement
မတ်လ ၁၃ ရက် နေ့လည်ပိုင်းကလည်း မင်းထိန်ရွာဘက် စစ်ကြောင်းထိုးလာသည့် စစ်ကောင်စီတပ်ကို PDF ပူးပေါင်းတပ်ဘက်မှ တောကြီးမြွေဟောက်အဖွဲ့က မိုင်းဆွဲတိုက်ခိုက်သည့်အပြင် အနီးကပ်တိုက်ပွဲဖြစ်ပွားခဲ့ရာ စစ်ကောင်စီတပ်မှ ၁၀ဦးခန့် သေဆုံးခဲ့သည်။
