ချင်းပြည်နယ် မင်းတပ်မြို့နယ်အတွင်း စစ်ကြောင်းထိုးဝင်ရောက်လာသည့် စစ်ကောင်စီတပ်၏ လှုပ်ရှားမှုများအား ဒရုန်းဖြင့်ဝေဟင်ပေါ်မှ ရိုက်ကူးထားသည့် ဓာတ်ပုံမှတ်တမ်းကို ဒေသခံ ဓာတ်ပုံဆရာက ယနေ့ ဖော်ပြခဲ့သည်။
အင်အား ၈၀ ခန့်ရှိ စစ်ကောင်စီတပ်သည် ထင်ချောင်းရွာအနီး ယနေ့ စစ်ရေးလှုပ်ရှားခဲ့ပြီး စံရွာနားသို့လည်း ရောက်ရှိခဲ့ကြောင်း၊ အဆိုပါရွာအနီး ညအိပ်မည်ဟု ခန့်မှန်းရကြောင်း စာဖြင့်ရေးသားဖော်ပြသည်။
“နေ့လည်က ပေါက်တောချောက်ဘက် အသွားပြကာ လမ်းခွဲဇရပ် ရောက်သွားသော စခ ၈၀ ခန့်မှာ ယခု ထင်ချောင်းရွာစေတီကုန်းမှ တဆင့် ချောင်းပြင်ကို ဖြတ်ပြီး စံရွာက်ကို သွားနေကြပါပြီ။ နောက်ချန်ကင်း ၁၀ကောင် ချောင်းနားရှိနေဆဲပါ။ စခ တစ်ကောင် ဂန်းကို ဘေးချပြီး ချောင်းနံဘေး မျက်နှာသစ်နေပါတယ်၊ ဂရုစိုက်သွားလာကြပါ ယောအမျိုးများ”ဟု ဓာတ်ပုံဆရာက ယနေ့မတ်လ ၂၄ရက် ညနေပိုင်း၌ အသိပေးရေးသားခဲ့သည်။
ထင်ချောင်းရွာနှင့် စံရွာဘက်၌ စစ်ကောင်စီတပ်များ၏ ယနေ့လှုပ်ရှားမှုများကို လေမိုင် ၅မိုင် အကွာမှ ရိုက်ကူးထားခြင်းဖြစ်ကြောင်း ဓာတ်ပုံဆရာက အသိပေးသည်။
Public Service Announcement
ထို့ပြင် မင်းတပ် နယ်၌ တာဝန်ကျသည့် စစ်ကောင်စီ ဗိုလ်မှူး မုံရွာဘက်သို့ ပြောင်းရွှေ့သွားကြောင်း၊ အစားဝင်ရောက်လာသည့် အရာရှိမှာ ကရင်ပြည်နယ်ဘက်က ပြောင်းလာသူဖြစ်ကြောင်း လည်း ၎င်းက ရေးသားထားသည်။
