'/%3E%3C/svg%3E){kind=small}
ရန်ကုန်မြို့ လှိုင်မြို့နယ်တွင် ယနေ့ စက်တင်ဘာ ၂၀ ရက် နံနက်ပိုင်း၌ စစ်အာဏာရှင် အမြစ်ဖြတ်ချေမှုန်းရေးအတွက် ကျောင်းသားလူငယ်များက ဦးဆောင်၍ ပြောက်ကြားသပိတ်အဖြစ် ချီတက်ဆန္ဒပြကြသည်။
ယင်းသပိတ်ကို တကသကျောင်းသားများ၊ OCTOPUS မြို့နယ်ပေါင်းစုံ သပိတ်စစ်ကြောင်းများပူးပေါင်း၍ ပြုလုပ်ခြင်း ဖြစ်ပြီး “ခွပ်ဒေါင်းတွန်သံ မိုးသို့ညံ အဆုံးသတ်တိုက်ပွဲ ဒို့ဆင်နွှဲ” ဆိုသည့် ပိုစတာကိုင်ဆောင်ကာ စစ်အာဏာရှင်ချေမှုန်းရေးအတွက် ကြွေးကြော် ဆန္ဒပြခဲ့ကြသည်။
အကြမ်းဖက်စစ်ခေါင်းဆောင်အချို့က ၎င်းတို့၏ အကျိုးစီးပွားအတွက် နိုင်ငံတော်အာဏာကို လုယူ သိမ်းပိုက်ထားသည်မှာ ရက်ပေါင်း ၂၃၃ ရက်ရှိပြီဖြစ်သည်။ စစ်အာဏာရှင်စနစ်ပြုတ်ကျရေး အတွက် နိုင်ငံတစ်ဝန်းမှ ပြည်သူများက အကြမ်းဖက်စစ်ကောင်စီ၏ ရက်စက်သော ဖိနှိပ်မှုများကြားမှ ပုံစံမျိုးစုံဖြင့် နေ့စဥ်ရက်ဆက်ဆန္ဒထုတ်ဖော်နေကြသည်မှာလည်း ရက်ပေါင်း ၂၃၀ ရှိပြီဖြစ်သည်။
