'/%3E%3C/svg%3E){kind=small}
မန္တလေးမှာ နေ့ဘက် အပူချိန်မြင့်တက်နေချိန်မှာပဲ မဟာအောင်မြေမြို့နယ်အတွင်း လူလတ်ပိုင်းအရွယ်အမျိုးသား တစ်ဦး လဲကျ သေဆုံးမှုဖြစ်ပွားခဲ့တယ်လို့ ကူညီကယ်ဆယ်ရေး လုပ်ဆောင်ပေးခဲ့သူအချို့ ထံကသိရပါတယ်။
ဒီနေ့ နေ့ခင်းပိုင်းက မဟာအောင်မြေမြို့နယ် ၄၁ လမ်းနဲ့ ၈၂ လမ်းထောင့်မှာ အသက် ၄၀ အရွယ်အမျိုးသား တစ်ဦး လဲကျသေဆုံးသွားတာပါ။
“လဲကျတာကို သတင်းပေးလို့သွားသယ်တာ။ အပူရှိန်ကြောင့်ဖြစ်မယ် “လို့ အလောင်းကိုသွားရောက်သယ်ဆောင်ပေးခဲ့သူတစ်ဦးကပြောပြပါတယ်။
အဲဒီ ရုပ်အလောင်းကိုသက်ဆိုင်သူရဲ့ မိသားစု ဆန္ဒအရ နေအိမ်ကိုပဲပို့ဆောင်ပေးခဲ့တယ်လို့သိရပါတယ်။
Public Service Announcement
ဒီနေ့ မန္တလေးမြို့ရဲ့အပူချိန်ဟာ ၄၃ ဒီဂရီစင်တီဂရိတ်ဝန်းကျင်ရှိပါတယ်။
ပြီးခဲ့တဲ့ ဧပြီလ ၁၉ ရက်ကလည်း မန္တလေးမှာ အပူချိန်မြင့်တက်နေချိန် အစာအာဟာရပြတ်လပ်ပြီး သေဆုံးတယ်လို့ ယူဆရဖွယ် ပိုင်ရှင်မဲ့ အမျိုးသား ၃ ဦး ရဲ့အလောင်းတွေ ကိုလူမှုကူညီရေးအသင်းတွေက မန္တလေးဆေးရုံကြီး ရင်ခွဲရုံဆီပို့ဆောင်ပေးခဲ့ရတာရှိခဲ့ပါတယ်။
