မန္တ​လေး-မုံရွာလမ်း​တွင် စစ်​ကောင်စီကားမိုင်းခွဲတိုက်ခိုက်ခံရ၊ အနည်းဆုံး​ခြောက်ဦး​သေဆုံး

မန္တ​လေး-မုံရွာကားလမ်း​တွင် မန္တ​လေးမှ မုံရွာမြို့သို့လာ​သောအာဏာသိမ်းစစ်​ကောင်စီကားနှစ်စီးကို ​ဒေသခံကာကွယ်​​ရေးအဖွဲ့နှစ်ဖွဲ့က မိုင်းခွဲတိုက်ခိုက်ရာ စစ်ကောင်စီတပ်သားများ သေဆုံးထိခိုက်ဒဏ်ရာရသူများရှိကြောင်း ဒေသခံများက ​ပြောသည်။

ယနေ့(စက်တင်ဘာလ ၂၃ရက်) နံနက် ၈ နာရီဝန်းကျင်က ချောင်းဦးမြို့နယ် နတ်ရေကန်ကျေးရွာနှင့် ရေပိုးစားကျေးရွာအကြား စစ်ကောင်စီတပ်သားများ လိုက်ပါလာသည့် စစ်ကားအကြီးနှစ်စီးအား ချောင်းဦး PDF နှင့် မုံရွာသံမဏိအဖွဲ့တို့ပူးပေါင်းကာ မိုင်းဆွဲခဲ့ခြင်းဖြစ် ကြောင်း၊ ကားနှစ်စီးလုံး၏ ဘယ်ဘက်ခြမ်းများ ပျက်စီးသွားပြီး စစ်ကောင်စီတပ်သား​ခြောက်ဦးထက်မနည်း သေဆုံးကြောင်း ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့ကလည်း သတင်းထုတ်ပြန်သည်။

“ပေါက်ကွဲသံ ခုနစ်ချက်နီးပါးလောက်ရှိမယ်။ အသံကအရမ်းကျယ်တယ်။ ရေစကြိုနယ်ဘက်ကတောင်ကြားရတယ်”ဟု ဒေသခံတစ်ဦးက ပြောသည်။

ချောင်းဦးပြည်သူ့ကာကွယ်ရေးတပ်ဖွဲ့သည် စစ်အာဏာ ရှင် ကျဆုံးရေးအတွက် မဟာမိတ်တပ်ဖွဲ့များနှင့် ပူး ပေါင်း၍ ခုခံစစ်များဆင်နွှဲနေကြောင်း ချောင်းဦး PDF က အသိပေးသည်။

Public Service Announcement

မန္တ​လေး-မုံရွာ လမ်းမသည် ​နေစဥ်ကားအစီး​ရေများစွာဖြတ်သန်းအသုံးပြု​နေ​သော အဓိကလမ်းမကြီးဖြစ်ပြီး ၊အဆိုပါလမ်း​ပေါ်တွင်စစ်​ကောင်စီတပ်များကို ​ဒေသခံကာကွယ်​ရေးတပ်ဖွဲ့များက တိုက်ခိုက်မှုမှာ ပထမဆုံးအကြိမ်ဖြစ်သည်။