စစ်ကိုင်းငလျင်ကြီးနဲ့ မြို့မန္တ​လေး

​ရောင်နီထွန်း/People’s Spring

ပြိုပျက်နေတဲ့ အဆောက်အဦးကြီးကို လူအုပ်ကြီးဝိုင်း‌​နေပါတယ် ။ အ​ဆောက်အအုံက အခုအခါမှာအုတ်ပုံကြီးတခုအဖြစ် မြင်​တွေ့ရပြီး ထိုးထောင်ထွက် နေတဲ့သံ​ချောင်း​တွေကိုကြည့်ပြီးအရင်က ဘယ်လိုအ​ဆောက်အအုံဖြစ်နိုင်တယ်ဆိုတာခန့်မှန်းကြည့်လို့ရပါတယ်။

အ​ဆောင်အအုံပျက်အနီးကို ကပ်ကြည့်လိုက်တဲ့အခါအပုပ်နံ့တချို့ နှာခေါင်းထဲဝင်လာပါတယ်။

အဲဒီအပြိုအပျက်တွေကြားထဲက​နေ မီးခိုးတွေအူထွက်လာ​​နေတာကိုလည်းမြင်ရပါတယ်။

ဒါကသမိုင်းတ​လျှောက်ဖျက်အားအပြင်းဆုံးငလျင်ကြီးလှုပ်ပြီးတစ်ပတ်ကျော်အကြာကမန္တလေးမြို့တ​နေရာရဲ့ မြင်ကွင်းဖြစ်ပါတယ်။

မန္တ​လေးမြို့ရဲ့ လမ်းအားလုံးနီးပါးမှာ ငလျင်ကြီး​ကြောင့်အ​ဆောက်အအုံပျက်​ မရှိတဲ့လမ်း မ​တွေ့ရ​ပါဘူး။

တကယ့်ကိုမြို့ပျက်ကြီးတခုကို မြင်​တွေ့​နေရသလိုဖြစ်ပါတယ် ။

လမ်းတွေပေါ်မှာ​တော့ ငလျင်ကူညီရေးဆိုင်းဘုတ်တပ်ထားတဲ့ကားတွေ၊ကယ်ဆယ်ရေးယာဉ် တွေ၊မီးသတ်ကား​တွေနဲ့ အရေးပေါ်ကားတွေကို မကြခဏတွေ့မြင်​နေရပါတယ်။ကွင်းပြင်ကျယ်ကျယ်တွေမှာ​တော့ငလျင်ဘေးရှောင် ပြည်သူတွေရဲ့ယာယီနေရာထီးအကြီးတွေကိုတွေ့မြင်ရပါတယ် ။

■ငလျင်ကြီးလှုပ်တဲ့အချိန်

မတ်လ ၂၈ ရက်​နေ့ (သောကြာ်နေ့ )​​မြေငလျင်ကြီးမလှုပ်ခင်အထိမြို့ဟာပုံမှန်အတိုင်းလည်ပတ်​နေပါတယ် ။ မကြာခင် ဖျက်အားပြင်းလှတဲ့ ​မြေငလျင်ကြီးလာ​တော့မယ်ဆိုတာ ဘယ်သူမှ မသိကြပါဘူး။

မန္တလေးမြို့ခံလူငယ်တဦးက “အဲဒီအချိန်ကကျွန် တော်ကျုံး ဘေးမှာ သူငယ်ချင်းတ ယောက်နဲ့ ကား မောင်းနေတဲ့အချိန်ပဲ။ရုတ်တရက်ဘာဖြစ်သွားမှန်းမသိလိုက်ဘူး။ကားကြီးလှုပ်လာတယ်။နည်းနည်းကြာမှကားရပ်ပြီး အောက်ဆင်း ပြေးရတာ။လမ်းပေါ်လည်းချက်ချင်းလူအပြည့်ဖြစ်သွားတယ်။သတိပြန်ဝင်တဲ့အချိန်မှာ ကျုံးထဲက နန်းမြို့ရိုးတွေ ပြိုကြနေပြီ။အိမ်ပြန်တော့လမ်းမှာ တိုက်ပြို တွေဆက်တိုက် တွေ့ရတယ်။၅မိနစ်လောက်အတွင်းမှာ မြို့ပျက်ကြီးဖြစ်သွားတယ်”လို့ ငလျင်ကြီးလှုပ်ချိန်အ​တွေ့အကြုံကိုဖွင့်ဟပါတယ်။

အိမ်ပြန်ရောက်တဲ့အချိန်မှာအတွင်းပိုင်းပျက်စီးနေတဲ့ အိမ်ကို တွေ့ရတယ်လို့သူက​ပြောပါတယ်။

လူတွေအားလုံး မိနစ်ပိုင်းအတွင်းလမ်းပေါ်ရောက်လာကြပြီး ဘာလုပ်လို့လုပ်ရမှန်းမသိတဲ့အခြေအနေပါ။ ခဏအကြာမှာ​တော့ပရဟိတလူမှုကယ်ဆယ်ရေးအဖွဲ့​​တွေကား တွေအဆက်မပြတ်ထွက်ပါတယ်။

မန္တ​လေးတက္ကသိုလ်အပါအဝင်၇၃ လမ်းမ‌‌တလျှောက်မီးခိုးတွေ အူထွက်လာလို့ မီးသတ်ကားသံ တွေလည်းနေရာစုံကဆူညံလာပါတယ်။

မိနစ်အနည်းငယ်အတွင်းမှာ ​နောက်ထပ်ငလျင်ကြီးတစ်ခုထပ်လှုပ်တာကြောင့် ကမ္ဘာပျက်သလိုဖြစ်ကုန်ပါတယ် ။ တကယ်​တော့ ၁၂ မိနစ်​လောက်သာခြားတဲ့ ငလျင်ကြီး နှစ်ခုဟာ ​ရှေ့က ငလျင်ကြီးကအ​ဆောက်အအုံ​တွေကို ယိုင်နဲ့သွား​အောင်လှုပ်

ယမ်းလိုက်ပြီး ​နောက်ကငလျင်ကြီးကအ​ဆောက်အအုံ​တွေကိုဖြိုချလိုက်တာဖြစ်ပါတယ် ။

ဖုန်း၊အင်တာနက်၊မီး​တွေအားလုံးပျက်သွားပါတယ်။ တမြို့လုံးဟာ မိနစ်ပိုင်းအတွင်း မြို့ပျက်ကြီးဖြစ်သွားပါတယ်။ခဏကြာ​တော့ မြို့အတွင်းက SKY Villa ကွန်ဒိုကြီးပြိုကျပြီး လူ​တွေသေတယ်ဆိုတဲ့ သတင်း စထွက်လာပါတယ်။ ကောလဟာလမျိုးစုံလည်း ထွက်လာပါ​တော့တယ်။

​​နောက်ထပ်ငလျင်ကြီးထပ်လှုပ်ဦးမယ်ဆိုတဲ့​ကောလဟလက​တော့ ပြည်သူ​တွေကို ​ဆောက်တည်ရမရအ​ကြောက်ပို​စေခဲ့ပါတယ် ။ ဘယ်နှစ်နာရီ​နေရင်ငလျင်လှုပ်​တော့မယ် ၊ဘယ်​နေ့မုန်းတိုင်းလာဦးမယ်ဆိုတဲ့ သတင်းအမှား​တွေကို ရပ်ကွက်ထဲ ​လော်စပီကာနဲ့ကို ​အော်​နေသူ​တွေရှိ​နေတာပါ။ ငလျင်ကိုဘယ်ပညာရှင်မှ ကြိုတင်ခန့်မှန်းနိုင်တာမသိတာမို့ ငလျင်လှုပ်​မယ်​ပြော​နေတာဟာ သတင်းအမှားဖြန့်​နေတယ်ဆိုတာကို လိုက်​ကြေညာ​ပေး​နေသူ​တွေမသိပဲ ယုံယုံကြည်ကြည်ကိုသတင်းအမှားဖြန့်​နေကြတာဖြစ်ပါတယ် ။အဲလိုဆိုရင် ငလျင်သင့်ပြည်သူ​တွေ​ကြောက်ပြီး​နေစရာမရှိကြ​တော့ပါဘူး။

ငလျင်ကြီး အပြီးမှာစစ်​​ကောင်စီရဲ့ယန္တရားအားလုံး​ပျောက်ကုန်ပါတယ်။ ကံ​ကောင်းတာတစ်ခုက ဒီငလျင်ကြီး ၂ ခုက ​​​နေ့ခင်းဘက်လှုပ်လို့ သက်သာတာပါ ။ညဘက်ကြီးမှာသာလှုပ်ခဲ့ရင် မ​တွေးဝံ့​အောင်ပါပဲ။

အိမ်ပြိုသူ တွေလည်းကိုယ့်နည်းကိုယ့်ဟန်နဲ့ လမ်းဘေးမှာ အိပ်နိုင်ဖို့​ဘေးကင်းမယ်ထင်တဲ့​နေရာရှာရပါတယ် ။ ဘယ်အစိုးရ ၊အဖွဲ့အစည်းမှ မရှိသလို ၊ကူညီ​ပေးမယ့်သူလည်းမရှိခဲ့ပါဘူး။

ငလျင်ကြီး​ကြောင့်ပျက်စီးမှုအများဆုံးကြုံတာဟာနေအိမ်​တွေ ၊ဟိုတယ်တွေ စတဲ့​နေရာ​တွေအများဆုံးပြိုကျခဲ့ပါတယ်။

ဒါ့အပြင် လူမသိ၊သူမသိ လောင်းကစားရုံတွေလည်း မလွတ်ပါဘူး။အောင် မြေသာစံမြို့နယ်၊၈၈လမ်း၊၁၁လမ်းအနီးက အထက်မြင့်အ ဆောက်အဦးတခုပြိုကျပြီး အဲဒီထဲမှာ လောင်းကစားဝိုင်းအများအပြားရှိတယ်လို့သိရပါတယ်။

အဲဒီအဆောက်အဦးကို မတ်လ၂၉ရက်နေ့က ရပ်ကွက် နေပြည်သူတွေရဲ့ ပြောကြားချက်အရ ကယ်ဆယ် ရေးအဖွဲ့တခုက လာကြည့်​ပေးသွား​ပေမယ့် ကယ်ဆယ်​တော့မလုပ်ပဲပြန်သွားတယ်လို့သိရပါတယ်။

မတ်လ၃၀ရက် နေ့မှာ​တော့အ​ဆောက်အအုံပျက်​တွေထဲက အပုတ်နံ့ တွေထွက်လာပါတယ်။ အိန္ဒိယကယ်ဆယ်ရေး အဖွဲ့လာကြည့်ခဲ့ပေမယ့် အသက်ရှင်သူမရှိဘူးဆိုပြီး ပြန်သွားတယ်လို့ ရပ်ကွက် နေပြည်သူတဦးက ပြောပါတယ်။

“ဘယ်သူ တွေသေပြီး ဘယ်နှ ယောက်လဲဆိုတာ ဘယ်သူမှမသိဘူး။ပိနေတဲ့ ဆိုင်ကယ်အရေ အတွက်နဲ့ ရမ်းပြီး ခန့်မှန်းနေကြတာ။အဲတာက နာမည်ကြီးဂျင်ဝိုင်း”လို့ ရပ်ကွက် နေပြည်သူတဦးက ပြောပါတယ်။

ချမ်း အေးသာစံမြို့နယ်ထဲကတည်းခိုခန်းတခုပါ။နာရီပိုင်း နဲ့ အခန်းငှားရပြီး အမြဲတမ်းလူပြည့်တဲ့ နေရာဖြစ်တယ်လို့သိရပါတယ်။ဒီတည်းခိုခန်းပြိုကျမှုမှာလည်း သေဆုံးသူများပြီး လူဦး ရေအတိအကျကိုဘယ်သူမှမသိရပါဘူး။

ဒီမြို့နယ်ထဲက တိမ်ဖြူဟိုတယ်ကတော့ ဧပြီလဆန်းမှာ အလောင်း ဖော်တာ တွေဆက်တိုက်လုပ်ခဲ့ပါတယ်။ဒီလိုမျိုး လူမသိသူမသိ သေဆုံးသူတွေ အများအပြားရှိခဲ့ပြီး စစ်ကောင်စီဘက်က မှန်ကန်တဲ့ သတင်းအချက်အလက်မထုတ်နိုင်ခဲ့ပါဘူး။

ငလျင် နောက်ဆက်တွဲအ နေနဲ့ မန္တလေးမြို့ကရပ်ကွက် တွေရဲ့ ၈၀ ရာခိုင်နှုန်းလောက်ကိုတပါတ်ကျော်အထိ ရေ၊မီးဖျက်ထားခဲ့ပါတယ်။

■လုံခြုံရေး

ငလျင် ဘေး ကြောင့် မန္တလေးမြို့မှာ ပြိုမကျဘဲကျန်နေခဲ့တဲ့အဆောက်အဦး တွေဟာ အက် ကြောင်းအရာနဲ့နံရံကွာကျတာတွေ ကြောင့်လမ်းမပေါ်ထွက်အိပ်ကြရပါတယ်။လမ်းမပေါ်အိပ်နေတဲ့ပြည်သူတွေအတွက် စစ်တပ်၊ရဲစတဲ့ စစ်​ကောင်စီ လုံခြုံရေးအဖွဲ့​တွေကိုလုံးဝမမြင်ရပါဘူး။ဒီကာလဟာ မန္တလေးမြို့ ပေါ်မှာရဲနဲ့စစ်တပ် ကြက်ပျောက်၊ငှက်ပျောက် ပျောက်တဲ့ကာလလို့ဆိုရမှာပါ။

အပူပေါ်အပူဆင့်လို့ ဆိုရမှာပါ။အရင်ကတည်းက လုယက်မှုထွန်းကားခဲ့တဲ့ မန္တလေးမြို့ဟာ သူခိုး၊ဓားပြရန်ပူလာရပြန်ပါတယ်။

“ည၈နာရီ လောက်ဆို ဆိုက်တွဲတွေ ဆိုင်ကယ် တွေနဲ့ တုပ်၊ဓားပါတဲ့အဖွဲ့တွေက ရပ်ကွက်ထဲပတ် နေပြီ။အပြင်ထွက်အိတ်တာတောင်ဘေးမှာဓားထားအိပ်ရတာ လို့မြို့ခံတဦးကပြောပါတယ်။

ချမ်း အေးသာစံမြို့နယ်၊၆၃၊၃၂-၃၃လမ်းကြားက ကွန်ဒိုမှာလည်း တိုက်ခန်းပိုင်ရှင် တွေက ပြိုကျမှာကြောက်လို့ ရှောင် နေကြတဲ့အချိန် သူခိုး တွေကအိမ်ထဲက ရေခဲသေတ္တာ၊အိမ်သုံးပစ္စည်းနဲ့ ရွှေငွေ တွေခိုးယူခံခဲ့ရတယ်လို့သိရပါတယ်။

ဧပြီလ၅ရက် နေ့ညပိုင်းမှာလည်း မဟာအောင်မြေမြို့နယ်စိန်ပန်းရပ်ကွက်ထဲအနုကြမ်းဝင်စီးဖို့ကြိုးစားတာမို့ ပြည်သူတွေ ဝိုင်းလိုက်ကြ ပေမယ့်တရားခံလွတ်သွားတယ်လို့သိရပါတယ်။

■စစ်ကောင်စီဘာ တွေလုပ် နေလဲ

ငလျင်လှုပ်ပြီး နာရီပိုင်းမှာနာမည်ကြီး SKY Villa နဲ့ Grate Wall Hotelတို့မှာ စစ်ကောင်စီတပ်သားလုံခြုံရး အနည်းငယ်တွေ့ရပါတယ်။ မတ်လ၂၉ရက် နေ့မှာ အင်အား၄‌ ယောက်နဲ့ စစ်ကားတစီး ကင်းလှည့် နေတာကို တွေ့ရပါတယ်။

ဧပြီလ ၁ ရက် နေ့မှာတော့ လုံခြုံ​ရေးအင်အားအများအပြားနဲ့မန္တ လေးမြို့ကစည်ပင်ရုံးထဲမှာ ငလျင် ဘေးသင့်ပြည်သူ တွေကိုလှူဒါန်းပွဲဆိုတဲ့ခေါင်းစဉ်နဲ့အခမ်းအနားလုပ်ပါတယ်။

ငလျင်လှုပ်ပြီး ၄ရက်အကြာမှ စစ်ကောင်စီရှိ​နေ​သေးတာကို သက်​သေပြနိုင်တဲ့လှုပ်ရှားမှုအနည်းငယ်ကိုသာမြင် တွေ့ခဲ့ရတာပါ။ ငလျင်ကြီးလှုပ်ပြီး စစ်ကောင်စီပထမဆုံး မန္တလေးမြို့မှာထုတ်ခဲ့တဲ့ ထုတ်ပြန်ချက်ကကျုံးအနီနေထိုင်သူတွေကိုပြောင်း‌ ရွေ့ကျဖို့ အမိန့်ပေးတဲ့စာပါ။

ဝေဖန်​နေတဲ့ကြားကပဲ ကျုံးဘေးမှာ စစ်တပ်ယာယီတဲ ၁၀လုံးထိုး ပေးခဲ့ပြီးမကြာခင်မှာပဲ ကျုံးဘေးနေ ပြည်သူတွေကို ကုသိုလ်တော် ဘုရားဝန်းက် အမြန်ရွေ့ပြောင်းခိုင်းတာပါ။

ကယ်ဆယ် ရေး၊လုံခြုံရေး၊ကျန်းမာရေးကိစ္စအဝဝကို ပြည်သူတွေအားလုံး ကိုယ်ထူကိုယ်ထစနစ်နဲ့သာ လုပ်ဆောင်ခဲ့ရတာပါ။

■တပတ်ကျော်အကြာ

တစ်ပါတ်အကြာမှာရုပ်အလောင်းရှာဖွေမှု​တွေကိုကယ်ဆယ် ရေးအဖွဲ့တွေက ဇွဲ​ကောင်း​ကောင်းနဲ့ ဆက်ရှာ​ပေး​နေကြပါတယ်။ ​မြေ​ပေါ်ကိုလုံးလုံးအဆောက်အဦးဖြိုချတာတွေလည်းလုပ်နေကြပါတယ်။

ဧပြီလ ၅ ရက်နေ့မှာ စစ်ကောင်စီရဲ့ မန္တလေးတိုင်းဝန်ကြီးချုပ်ယာဉ်တန်းဟာလုံခြုံရေး တွေနဲ့ မြို့တွင်းလှည့်လည်ခဲ့ပါတယ်။အဲဒီညမှာပဲ ကျုံးဘေးနေထိုင်သူတွေကို ညတွင်းချင်းအပြီး ရွေ့ပြောင်းခိုင်းခဲ့ပါတယ်။ တကယ်​တော့ ဧပြီ ၇ ရက်ျန့မှာ အာဏာသိမ်း​ခေါင်း​ဆောင် မန္တ​​လေးကိုလာမှာမို့ကျုံး​ဘေးမှာယာယီ​နေတဲ့ ငလျင်သင့်ပြည်သူ​တွေကို အမြန်​ရွေ့​ပြောင်းခိုင်းတာ သိကြရပါ​တော့တယ်။

ဧပြီ ၆ရက်နေ့မှာ ဗထူးဘောလုံးကွင်းကို ယာယီတဲတွေ ဆောက်လုပ်ခဲ့ပြီး လမ်း၃၀၊၇၂-၇၃(မင်္ဂလာဈေးဟောင်း)နေရာက ငလျင် ဘေးသင့်ပြည်သူ တွေကိုပြောင်းရွေ့တာတွေပြုလုပ်ခိုင်းခဲ့ပါတယ်။

ချစ်ရတဲ့မိသားစုဝင်​တွေဆုံးရှုံးလို့ ၊ပစ္စည်းဥစ္စာ​တွေဆုံးရှုံးရလို့ ၊အိမ်မရှိ​တော့မန္တ​လေးမြို့က ပြည်သူ​တွေဟာ ဝမ်းနည်းပူ​ဆွေ​နေကြချိန်မှာပဲစစ်​ကောင်စီက​တော့ ရက်ပိုင်းအတွင်း​ရောက်လာမယ့်သင်္ကြန်အတွက်မဏ္ဍပ်ဆောက်နေကြပြန်ပါတယ်။ ။