NUG အစိုးရရဲ့တောင်ပိုင်းတိုင်းစစ်ဒေသ လက်အောက်ခံ ကျားဖြူစစ်ကြောင်း (၂) ရဲ့ နောက်တန်းစခန်းဟာ ပြီးခဲ့တဲ့ တနင်္ဂနွေ့နေ့ညပိုင်း မှာ ဗုံးကြဲခံရလို့ တပ်ဖွဲ့ဝင်လူငယ် ၃ဦးကျဆုံးသွားတယ်လို့သိရပါတယ်။
မွန်ပြည်နယ် ရေးမြို့နယ်နဲ့ သံဖြူဇရပ်မြို့နယ်ကြားမှာရှိတဲ့ ကျားဖြူစစ်ကြောင်း (၂) စစ်ကြောင်းရုံး ၊တပ်ခွဲ (၁) ၊ တပ်ခွဲ (၆) ရဲ့နောက်တန်းစခန်း နေရာ ဗုံးကြဲခံရတာလို့ ကျားဖြူစစ်ကြောင်းတပ်ခွဲ (၁) က ဒီနေ့မှာ ထုတ်ပြန်အသိပေးပါတယ်။
မေလ ၇ရက် ညပိုင်း ၁၀ နာရီကျော်မှာ စစ်ကောင်စီတိုက်လေယာဉ်ဟာ ပေါင် ၅၀၀ ဗုံး ၂ လုံး ကြဲချသွားတာလို့ ကျားဖြူ စစ်ကြောင်းတပ်ခွဲ (၁) ရဲ့ထုတ်ပြန်ချက်အရသိရပါတယ်။
အဲဒီနောက် နောက်နေ့ နေ့လယ် ၁၂ နာရီမှာ Mi-35 တိုက်ခိုက်ရေးရဟတ်ယာဉ်နဲ့ ထပ်မံ တိုက်ခိုက်ခဲ့တယ်လို့ ကျားဖြူ စစ်ကြောင်းတပ်ခွဲ (၁) ကဆိုပါတယ်။
Public Service Announcement
စစ်ကောင်စီရဲ့ လေကြောင်းတိုက်ခိုက်မှုအတွင်း ကျဆုံးသွားသူ ၃ ဦးမှာ အမျိုးသမီးတပ်ဖွဲ့ဝင်လည်းပါဝင်ပါတယ်။
