ရခိုင်ပြည်နယ် စစ်တွေမြို့တွင် ဖယောင်းတိုင်မီးမှတစ်ဆင့် မီးစတင်လောင်ခဲ့ရာ နေအိမ်တစ်လုံးနှင့် စျေးဆိုင် ၁၀ခန်း မီးလောင်ဆုံးရှုံးခဲ့ကြောင်း ရခိုင်ပြည်နယ်မီးသတ်ဦးစီးဌာနက အသိပေးထားသည်။
ဇွန်လ ၁၂ ရက် ည ၉ နာရီခွဲခန့်တွင် စစ်တွေမြို့နယ် ဒါးပိုင်(ရွာသစ်) ကျေးရွာ၌ မီးလောင်မှုဖြစ်ခဲ့ခြင်းဖြစ်ပြီး ၁နာရီခန့် မီးငြှိမ်းသတ်ခဲ့ရကြောင်း သတင်းထုတ်ပြန်ထားသည်။
မီးလောင်မှုအကြောင်းရင်းမှာ ဆိုင်ခန်းအတွင်းထွန်းထားသည့် ဖယောင်းတိုင်မီးမှတစ်ဆင့် အနီးရှိ ဝါးထရံကို ကူးစက်လောင်ခဲ့ခြင်းဖြစ်သည်ဟု ဆိုသည်။
မီးလောင်မှုကြောင့် လူနေအိမ် တစ်လုံး နှင့် စျေးဆိုင် ၁၀ခန်းမီးလောင်ဆုံးရှုံးခဲ့ပြီး မီးဘေးဒုက္ခသည် ငါးဦးသည် ၎င်းတို့၏ဆွေမျိုးများထံ၌ ယာယီနေထိုင်နေကြောင်း အသိပေးထားသည်။
Public Service Announcement
မီးလောင်မှုကို ရခိုင်ပြည်နယ်မီးသတ်ဦးစီးမှူး ဦးသန်းထိုက် ဦးဆောင်၍ စစ်တွေခရိုင်/မြို့နယ် မီးသတ်ဦးစီးမှူးများ ၊သန္ဓေ နှင့် အရန်မီးသတ်တပ်ဖွဲ့ဝင် စုစုပေါင်း(၄၀)ဦး၊ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၂)စီး၊ အုပ်ချုပ်မှုယာဉ်(၁)စီးတို့နှင့်သွားရောက်မီးငြှိမ်းသတ်ခဲ့ကြောင်း ရခိုင်ပြည်နယ်မီးသတ်ဦးစီးဌာနကသတင်းထုတ်ပြန်ထားသည်။
