Connect with us

Hi, what are you looking for?

သတင်း

ဝေါမြို့နယ်တွင်စစ်​ကောင်စီ ဖမ်းဆီးသွား​သောပြည်သူ ၅ဦး နှစ်လအကြာတွင်သေဆုံးပြီဟုမိသားစုထံအကြောင်းကြား

စစ်ကောင်စီတပ်၏ မတရားဖမ်းဆီးခြင်းခံရသူများတွင် ဖိုးစပါယ်ကျေးရွာမှ ၅၂ နှစ်အရွယ် ဦးဝင်းဇော်ဌေး၊ ၅၃ နှစ်အရွယ် ဒေါ်တင်မျိုးခိုင်နှင့် ၄၅ နှစ်အ ရွယ် ကိုဆံရှည်၊ ကျုံပါကျေးရွာမှ ၆၀ နှစ်အရွယ် ဦးမြသိန်း၊ ၃၅ နှစ်အရွယ် ကိုကျော်မြင့်သိန်းတို့ဖြစ် ကြောင်း​ဒေသခံများထံမှသိရသည်။

(​ဝေါမြို့နယ် ၊ဖိုးစပယ်​​ကျေးရွာ(အနီ​ရောင်ပင်အပ်ပြထား)နှင့် ​ညောင်ခါးရှည်ရွာတို့ကို Google Map တွင်​တွေ့ရပုံ)
(​ဝေါမြို့နယ် ၊ဖိုးစပယ်​​ကျေးရွာ(အနီ​ရောင်ပင်အပ်ပြထား)နှင့် ​ညောင်ခါးရှည်ရွာတို့ကို Google Map တွင်​တွေ့ရပုံ)

ပဲခူးတိုင်း၊ ဝေါမြို့နယ်တွင် လွန်ခဲ့သောနှစ်လက စစ်​ကောင်စီတပ်က ဖမ်းဆီးသွားသည့် ပြည်သူငါးဦးမှာသေဆုံးသွားပြီဖြစ်၍ နာရေးပြုလုပ်နိုင်ပြီဖြစ်ကြောင်း မိသားစုဝင်များထံ စစ်ကောင်စီက အကြောင်းကြားလာသည်ဟု ဝေါမြို့နယ် ပြည်သူ့ကာကွယ်ရေးတပ်ဖွဲ့(ပကဖ)မှ တာဝန်ရှိသူတစ်ဦးက People’s Spring သတင်းဌာနသို့ ပြောသည်။

စစ်ကောင်စီလက်အောက်ခံ ညောင်ခါးရှည်ရဲစခန်းတိုက်ခိုက်ခံရပြီးနောက်အဆိုပါတိုက်ခိုက်မှုနှင့်ဆက် စပ်သည်ဆိုကာ ဝေါမြို့နယ် ဖိုးစပါယ်ကျေးရွာမှ ပြည်သူသုံးဦးနှင့် ကျုံပါကျေးရွာမှ ပြည်သူနှစ်ဦးတို့ကို စစ်ကောင်စီတပ်က၂၀၂၃ ခုနှစ် ဧပြီလအတွင်း ဖမ်းဆီးသွားခဲ့ခြင်း ဖြစ်သည်။

ဖမ်းဆီးခံရသူ ၅ ဦးတွင် အမျိုးသမီးတစ်ဦးပါဝင်ပြီး ၊ သက်လတ်ပိုင်းတစ်ဦးနှင့် သက်ကြီးပိုင်း ၄ ဦးကို စစ်​ကောင်စီက စွပ်စွဲဖမ်းဆီးသွားခြင်းဖြစ်သည်။

Public Service Announcement
Public Service Announcement

စစ်ကောင်စီတပ်၏ မတရားဖမ်းဆီးခြင်းခံရသူများတွင် ဖိုးစပါယ်ကျေးရွာမှ ၅၂ နှစ်အရွယ် ဦးဝင်းဇော်ဌေး၊ ၅၃ နှစ်အရွယ် ဒေါ်တင်မျိုးခိုင်နှင့် ၄၅ နှစ်အ ရွယ် ကိုဆံရှည်၊ ကျုံပါကျေးရွာမှ ၆၀ နှစ်အရွယ် ဦးမြသိန်း၊ ၃၅ နှစ်အရွယ် ကိုကျော်မြင့်သိန်းတို့ဖြစ် ကြောင်း​ဒေသခံများထံမှသိရသည်။

Public Service Announcement

Public Service Announcement

“ဖမ်းခံရတဲ့ငါးဦးရဲ့ မိသားစုဝင်တွေဆီကို ရဲကနေတဆင့် ဒီနေ့(ဇွန် ၁၇)မှ စစ်ကောင်စီက အကြောင်းကြားခိုင်းတာ။ ဘယ်အချိန်သေမှန်းလဲမပြောဘူး။ အ လောင်းလည်း မပြဘူး။ ဖမ်းပြီးနှစ်လကြာမှပြောတာ”ဟု ဝေါ ပ.က.ဖ မှ တာဝန်ရှိသူတစ်ဦးက People’s Spring သို့ ဇွန် ၁၇ ရက်တွင် ပြောသည်။

အထက်ပါ ပြည်သူငါးဦး ဖမ်းဆီးခံရသည့်ဖြစ်စဥ်တွင် ကျုံပါရွာမှ ဦးမြသိန်းနှင့် ကိုကျော်မြင့်သိန်းတို့ကို နေအိမ်ခြံဝန်းအတွင်းဝင်ရောက်၍ ပစ်ခတ်ဖမ်း ဆီးခဲ့ခြင်းကြောင့် ဖမ်းဆီးစဥ်ကပင် ထိခိုက်ဒဏ်ရာများ ရရှိခဲ့ကြောင်း သိရသည်။

ဝေါမြို့နယ် ညောင်ခါးရှည်ရဲစခန်းနှင့် အုပ်ချုပ်ရေးမှူးရုံးတို့ကို ‘နန်းထိုက်အောင်စစ်ဆင်ရေး’အဖြစ် ဝေါ ပ.က.ဖ နှင့် ပဲခူးခရိုင် PDF တပ်ရင် ၃၇၀၁ တို့ပူး ပေါင်းပြီး၂၀၂၃ ဧပြီ ၂၇ ရက်ညတွင် တိုက်ခိုက်ခဲ့ခြင်းဖြစ်သည်။

အဆိုပါတိုက်ခိုက်မှုတွင် စစ်ကောင်စီဘက်မှ ရဲတပ် သားတစ်ဦး ပွဲချင်းပြီးသေဆုံးကာ နှစ်ဦးဒဏ်ရာရရှိခဲ့ကြောင်း ပဲခူးတိုင်းစစ်ဒေသခွဲက ထုတ်ပြန်ထား သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။