ကရင်ပြည်နယ်၊ ကော့ကရိတ်မြို့နယ်မြောက်ပိုင်း ကြောင်သျှာကုန်းရွာမှာ စစ်ကောင်စီတပ်ရဲ့လက်နက်ကြီး ကျည် ကျရောက်ပေါက်ကွဲမှုကြောင့် ဒေသခံတွေရဲ့ နေအိမ်. ၂ လုံး ထိခိုက်ပျက်စီးသွားတယ်လို့ သိရပါတယ်။
ရွာထဲကို လက်နက်ကြီးနဲ့ပစ်ခတ်တာကိုကော့ကရိတ်မြို့အခြေစိုက် စစ်ကောင်စီတပ်ရင်းက ပစ်ခတ်တာလို့ စစ်ကောင်စီတပ်နဲ့တိုက်ခိုက်နေတဲ့ ကျားဖြူစစ်ကြောင်း ရဲ့ပြန်ကြားရေးတာဝန်ခံက ဆိုပါတယ်။
အရပ်သားထိခိုက်မှု မရှိပေမယ့် ဒေသခံတွေ ထွက်ပြေးနေရတယ်လို့ ကျားဖြူစစ်ကြောင်းပြန်ကြားရေးတာဝန်ခံက ပြောပါတယ်။
ဇွန်လ ၉ ရက်ကလည်း ကော့ကရိတ်မြို့တောင်ပိုင်း တောင်ကြားရွာ မှာ လက်နက်ကြီးကျည် ကျရောက်ပေါက်ကွဲလို့ နေအိမ် ၁၀ ခန့် ထိမှန်ပျက်စီးခဲ့ရတယ်လို့သိရပါတယ်။
Public Service Announcement
ကော့ကရိတ်မြို့နယ် ဟာ ထိုင်း − မြန်မာ ကုန်သွယ်ရေးမှာအချက်အချာကျတဲ့လမ်းပိုင်းမှာရှိနေပြီး နယ်စပ်မြဝတီနဲ့မိုင် ၄၀ ကျော်သာကွာဝေးပါတယ်။
ဒါအပြင် ကော့ကရိတ်မြို့နယ်အတွင်း စစ်ကောင်စီတပ်နဲ့ ကရင့်ပူးပေါင်းတပ်တွေကြား တိုက်ပွဲတွေလည်းပြင်းထန်နေတာပါ။
