မူဆယ်တိုက်ပွဲ စစ်ကောင်စီမှ ရဲအရာရှိတစ်ဦးသေ

မူဆယ်တွင် ယမန်နေ့ညက ဖြစ်ပွားခဲ့သည့် အကြမ်းဖက်စစ်ကောင်စီနှင့် လက်နက်ကိုင်အဖွဲ့တစ်ဖွဲ့၏ တိုက်ပွဲအတွင်း အာဏာသိမ်းစစ်ကောင်စီမှ ရဲအရာရှိတစ်ဦး သေဆုံးခဲ့သည်။

တရုတ်နိုင်ငံနှင့် နယ်စပ်မူဆယ်မြို့နယ် ကျင်ဆန်ကျော့ဂိတ်အနီးတွင် ယမန့်နေ့( အောက်တိုဘာ ၃)ည ၇ နာရီခန့်က တိုက်ပွဲဖြစ်ခဲ့ပြီး စစ်ကောင်စီဘက်မှ ဒုရဲအုပ်စိုးလင်း သေဆုံးခဲ့သည်ဟု ဒေသခံများက ပြောသည်။

“သေတာက မြို့နယ်ရဲတပ်ဖွဲ့ရုံးက ဒုရဲအုပ်စိုးလင်း။ စစ်ကောင်စီဘက်ကကောင်တွေ အထိနာချက်က သေတဲ့ရဲအလောင်းတောင် မနက်ကြမှကောက်နိုင်တယ်” ဟု ဒေသခံတစ်ဦးက ပြောသည်။

အကြမ်းဖက်စစ်ကောင်စီအား တိုက်ခိုက်ခဲ့သည့်အဖွဲ့မှာတအာင်းအမျိုးသားလွတ်မြောက်ရေးတပ်မတော် (TNLA)ဖြစ်ကြောင်း သတင်းထွက်ပေါ်နေသော်လည်း People’s Spring က အတည်ပြုမရပေ။

Public Service Announcement