စစ်ကိုင်းတိုင်းတွင် တိုက်ပွဲများပြင်းထန်လာ​​သော်လည်းစစ်​ကောင်စီက ဝန်ထမ်းများကိုမဖြစ်မ​နေရုံးတက်ရန်ဖိအား​ပေး​​နေ

စစ်ကိုင်းတိုင်းတွင် တိုက်ပွဲများ​ပြင်းထန်နေချိန်တွင် တိုင်းအတွင်းရှိ စစ်​​ကောင်စီလက်​အောက်မှဌာနဆိုင်ရာဝန်ထမ်းများကို မဖြစ်မနေ ရုံးတက်ရန် ဖိအားပေးနေ​ကြောင်း ကာယကံရှင်ဝန်ထမ်းအချို့က ပြောသည်။

“ရုံးတွေ မဖြစ်မနေတက်ရမယ်တဲ့။ မတက်ရင် CDM စာရင်းသွင်းမယ်ဆိုပြီး ဖိအားပေးနေတယ်” ဟု ဦးစီးအရာရှိအဆင့် ဌာနဆိုင်ရာဝန်ထမ်းတစ်ဦးက ပြောသည်။

ဒေသဆိုင်ရာ PDFများ၏ ခုခံစစ်ကြောင့် စစ်ကောင်စီအထိနာနေသည့် စစ်ကိုင်းတိုင်းဒေသကြီးကို ထိုးစစ်ဆင်ရန် စစ်ကောင်စီက ပြင်ဆင်နေသည်။ PDFများကလည်း ခုခံစစ်ကို ယခင်ကထက် ထိထိရောက်ရောက် တုန့်ပြန်လာသဖြင့် စစ်ကောင်စီတပ်ဖွဲ့ဝင်များကို နေ့စဥ် သုတ်သင်ရှင်းလင်းနေသည်။ ဒေသတွင်း၌ စစ်ရေးတင်းမာနေစဥ် မဖြစ်မနေရုံးတက်ခိုင်းနေသည့် စစ်ကောင်စီ၏လုပ်ရပ်သည် စိတ်ပျက်စရာကောင်းကြောင်း Non CDM ဝန်ထမ်းအချို့က ပြောသည်။

စစ်ကိုင်းတိုင်း ဒေသအသီးသီးရှိ PDFများက စစ်ကောင် စီအား ခုခံစစ်အရှိန်မြှင့်တော့မည်ဖြစ်၍ ရုံးဝန်ထမ်းများ ရုံးမတက်ကြရန်နှင့် လူထုအနေဖြင့် ရုံးဌာနများနှင့် အနီးဝန်းကျင်ကို ရှောင်ရှားကြရန် သတိပေး ထားသည်။

Public Service Announcement