Connect with us

Hi, what are you looking for?

သတင်း

ဖားကန့် နမ့်တိန်းဗျူဟာကုန်းကိုKIA ဦး​ဆောင်​သောပူးပေါင်းတပ်တိုက်ခိုက်သိမ်းပိုက်

နမ့်တိန်းဗျူဟာကုန်းကို ​ဖေ​ဖော်ဝါရီ ၂ ရက် ညနေ ၄နာရီမှစ၍ တိုက်ခိုက်ခဲ့ခြင်းဖြစ်​ကြောင်း ဖားကန့်KPDF ထောက်ပို့ရဲဘော်တစ်ဦးကပြောသည်။

(ရှမ်းပြည်နယ်​မြောက်ပိုင်းရှိ နမ့်ဖက်ကာစစ်တပ်ဗျူဟာကုန်းနှင့်စခန်းသိမ်းပြီး​နောက် KIA တပ်ဖွဲ့ဝင်အချို့ကို​တွေ့ရစဥ်။ ဓါတ်ပုံ-CJ)
(ရှမ်းပြည်နယ်​မြောက်ပိုင်းရှိ နမ့်ဖက်ကာစစ်တပ်ဗျူဟာကုန်းနှင့်စခန်းသိမ်းပြီး​နောက် KIA တပ်ဖွဲ့ဝင်အချို့ကို​တွေ့ရစဥ်။ ဓါတ်ပုံ-CJ)

ကချင်ပြည်နယ်၊ ဖားကန့်မြို့နယ်ရှိ စစ်​ကောင်စီတပ်၏ တပ်မ(၃၃)လက်အောက်ခံ နမ့်တိန်းဗျူဟာကုန်းကို ကချင်လွတ်လပ်ရေးတပ်မတော် (KIA) နှင့် KPDF ပူးပေါင်းတပ်က ယမန်နေ့(​ဖေ​ဖော်ဝါရီလ ၂ရက်) ညက တိုက်ခိုက်သိမ်းပိုက်လိုက်ကြောင်း သိရသည်။

နမ့်တိန်းဗျူဟာကုန်းကို ​ဖေ​ဖော်ဝါရီ ၂ ရက် ညနေ ၄နာရီမှစ၍ တိုက်ခိုက်ခဲ့ခြင်းဖြစ်​ကြောင်း ဖားကန့်KPDF ထောက်ပို့ရဲဘော်တစ်ဦးကပြောသည်။

“စတိုက်ပြီး မိနစ်အနည်းငယ်က စပြီး ဖားကန့်ဘက်ကနေ လက်ကြီးပစ်ကူပေးခဲ့တာ။ ဒိစခန်းကို ဝိုင်းထားတာကြာပြီ။ လက်နက်မချလို့ တက်သိမ်းတာ” ဟု KPDF ထောက်ပို့ရဲဘော်တစ်ဦးကဆိုသည်။

(ရှမ်းပြည်နယ်​မြောက်ပိုင်းရှိ နမ့်ဖက်ကာစစ်တပ်ဗျူဟာကုန်းနှင့်စခန်းသိမ်းပြီး​နောက် KIA တပ်ဖွဲ့ဝင်အချို့ကို​တွေ့ရစဥ်။ ဓါတ်ပုံ-CJ)
(ရှမ်းပြည်နယ်​မြောက်ပိုင်းရှိ နမ့်ဖက်ကာစစ်တပ်ဗျူဟာကုန်းနှင့်စခန်းသိမ်းပြီး​နောက် KIA တပ်ဖွဲ့ဝင်အချို့ကို​တွေ့ရစဥ်။ ဓါတ်ပုံ-CJ)

နမ့်တိန်းဗျူဟာကုန်းသည် ဖားကန့်မြို့အဝင်လမ်း၌ တည်ရှိပြီး ဖားကန့်မြို့ပေါ်နှင် ဆယ်မိုင်ခန့် ဝေးကွာသည်။ ယင်းဗျူဟာနှင့်ဝှေခါရွာရဲစခန်း၊ ဝှေခါစစ်တပ်ကုန်းတို့ကို KIA၊KPDF ပူးပေါင်းတပ်ဖွဲ့ကဇန်နဝါရီ ၆ရက်နံနက်တွင် စတင် တိုက်ခိုက်ခဲ့ပြီးဝှေခါရွာရဲစခန်းကို ထိုနေ့တွင်ပင် သိမ်းယူနိုင်ခဲ့ကာ ဝှေခါဗျူဟာကုန်းကို ဇန်နဝါရီလ ၂၀ရက်နံနက်‌အစောပိုင်းတွင်သိမ်းယူခဲ့သည်။

Public Service Announcement

Public Service Announcement

ယမန်နေ့ညက နမ့်တိန်းဗျူဟာကုန်း စခန်းသိမ်းတိုက်ပွဲတွင် ဖားကန့်ဗျူဟာ၊လုံးခင်းဗျူဟာ၊ဆိုင်းတောင်ဗျူဟာနှင့် မဇွပ်ယန်အချုပ်ထောင်၌ တပ်စွဲထားသော ‌ဗျုဟာကုန်းတို့မှ လက်နက်ကြီးဖြင့် အချက်ပေါင်း ၁၀၀ ကျော် ပစ်ခတ်ခဲ့ကြောင်း ​ဒေသခံအချို့က​ပြောသည်။ လက်နက်ကြီးများဖြင့် ရမ်းသမ်း၍ ည၁၂နာရီခန့်အထိ ပစ်ခတ်ခဲ့ကြောင်း ဒေသခံများကပြောသည်။

နမ့်တိန်းဗျူဟာကုန်းစခန်းသိမ်းတိုက်ပွဲနှင့် ပတ်သက်၍ မေးမြန်းရန် ဗိုလ်မှူးကြီးနော်ဘူထံ People’s Spring က ဆက်သွယ်သော်လည်း ဆက်သွယ်မရသေးပေ။

ဖားကန့်​ဒေသတွင် KIA ကစစ်တပ်၏ ​ဝေခါ​မှော်ဗျူဟာကုန်း ၊နမ့်တိန်းဗျူဟာကုန်း တို့ကို သိမ်းပိုက်ပြီး​နောက်ဖားကန့်ဗျူဟာ၊ လမောင်ကုန်းစခန်း၊ ယမ်းချက်စက်ရုံ၊ နန့်ယားစစ်တပ်ကုန်း၊ ကာမိုင်းဗျူဟာစ​သော စစ်တပ်စခန်းများ၊ကုန်များကျန်ရှိ​သေး​ကြောင်းသိရသည်။

KIA ဦ​ဆောင်​သောပူး​ပေါင်းတပ်များက ဇန်နဝါရီ လအတွင် ကချင်ပြည်နယ်နှင့် ရှမ်းပြည်နယ်​​မြောက်ပိုင်းတွင် စစ်​ကောင်စီတပ်၏ ဗျူဟာကုန်း ၊တပ်စခန်း ၁၀ ခု​ကျော်ကိုထိုးစစ်ဆင်သိမ်းပိုက်နိုင်ခဲ့သည်။

ဆက်စပ်သတင်းများ

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

သတင်း

ကချင်ပြည်နယ်၊ ဗန်းမော်မြို့မှာ တိုက်ပွဲတွေ ဆက်လက်ဖြစ်ပွားနေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနရဲ့ နိုဝင်ဘာ ၇ရက် သတင်းဖော်ပြချက်မှာ အသိပေးထားပါတယ်။

သတင်း

ကချင်ပြည်နယ်၊ ဗန်းမော်မြို့နယ် စစ်တပ်ရဲ့ အမှတ်(၂၁) စစ်ဆင်ရေးကွပ်ကဲမှုဌာနချုပ်-စကခ(၂၁)ရဲ့ အနောက်ဘက်ခြမ်းမှာရှိတဲ့ မိုးစိန်းကျွန်းကို သိမ်းပိုက်နိုင်ဖို့ ကချင်လွတ်လပ်ရေးတပ်မတော်(KIA) ပူးပေါင်းတပ်က ထိုးစစ်ဆင်တိုက်ခိုက်နေကြောင်း KIA သတင်းပြန်ကြားရေးဌာနရဲ့ အောက်တိုဘာ ၂၈ရက် သတင်းဖော်ပြပါတယ်။

သတင်း

ကချင်ပြည်နယ်၊ ဗန်းမော်မြို့မှာ ကချင်လွတ်လပ်ရေးတပ်မတော်(KIA)နဲ့ စစ်တပ်တို့တိုက်ပွဲ ဆက်လက်ပြင်းထန်နေပြီး စစ်တပ်က ခလရ(၄၇)တပ်ရင်းဘက်ကို အလုံးအရင်းနဲ့ ထိုးစစ်ဆင်နေသလို KIA ပူးပေါင်းတပ်ကလည်း အမှတ်(၂၁)စစ်ဆင်ရေးကွပ်ကဲမှုဌာနချုပ်-စကခ(၂၁) ကို တန်ပြန်ထိုးစစ်ဆင် တိုက်ခိုက်နေတယ်လို့ စစ်ရေးသတင်းရင်းမြစ်က ပြောပါတယ်။

Facebook