မကွေးတိုင်း ပခုက္ကူမြို့နယ်တွင် ယမန်နေ့က My Tel တာဝါတိုင်နှင့် ပျူစောထီး၊ စစ်ကောင်စီသတင်းပေးတို့၏ နေအိမ်များအပါအဝင် နေရာသုံးနေရာကို ဗုံးဖောက်ခွဲခဲ့ကြောင်း ပခုက္ကူမြို့နယ် ပြည်သူ့ကာကာကွယ်ရေးတပ်ဖွဲ့က သတင်းထုတ်ပြန်သည်။
ယမန်နေ့ (အောက်တိုဘာလ ၁၀ ရက်) မွန်းလွဲ ၁ နာရီခန့်က ပခုက္ကူပေါက်လမ်းမကြီးဘေး၊ ညောင်ပင်လှကျေးရွာအနီးရှိ အကြမ်းဖက်စစ်အုပ်စုခေါင်းဆောင် ပိုင် Mytel တာဝါတိုင်အား မီးရှို့ခြင်း၊ ဗုံးခွဲတိုက်ခိုက်ခြင်းများအား PPDF ၏ မြေပြင်တိုက်ခိုက်ရေးအဖွဲ့ခွဲ K7အဖွဲ့က ပြုလုပ်ခဲ့ကြောင်း ပခုက္ကူ PDFက အသိပေးသည်။
ထို့အပြင် PPDF ၏ ပူးပေါင်းမဟာမိတ်အဖွဲ့ဖြစ်သော Pakokku Generation Z အဖွဲ့မှ ဗိုလ်တိုက်ဂါးဦးဆောင်သောအဖွဲ့သည် ယမန်နေ့ ညနေ ၆နာရီခွဲခန့်တွင် ပခုက္ကူမြို့အမှတ် ၁၁ရပ်ကွက် (၆)လမ်းနှင့် ရွှေလမ်းထောင့်ရှိ ပျူစောထီးဦးတူး၏အိမ်အားလည်းကောင်း၊ သပိတ်စစ်ကြောင်းများအား လိုက်လံနှောက်ယှက်ပြီး မြို့နေလူထုအား အစဉ်အန္တရာယ်ပေးလျက်ရှိသော အမှတ်(၁၅)ရက်ကွက်၊ ၈လမ်းနေ ရဲ ငပိုင်၏အိမ်အားလည်းကောင်း ဗုံးခွဲတိုက်ခိုက်ခဲ့ကြောင်း
ပခုက္ကူ PDFက သတင်းထုတ်ပြန်သည်။
ပြည်သူလူထုများအနေဖြင့်လည်း ယခုရက်ပိုင်းအတွင်း စစ်ကောင်စီပိုင်နေရာများ၊ စစ်ကောင်စီလက်အောက်ခံ နေရာများသွားရောက်ခြင်း၊ မလိုလားအပ်သောနေရာများသို့သွားရောက်ခြင်းများ ရှောင်ရှား ကြပါရန် PPDFမှ တိုက်တွန်းထားသည်။
Public Service Announcement
