ခရမ်းမြို့ ပျူစောထီးခေါင်းဆောင် မျိုးနိုင် ပစ်သတ်ခံရ

ခရမ်းမြို့နယ် ပျူစောထီးခေါင်းဆောင်မျိုးနိုင် ယနေ့ (အောက်တိုဘာ ၁၃)နေ့လည် ၁၂ နာရီခန့်က ဗိုလ်တဲလမ်းမတွင် အမည်မသိ အမျိုးသားနှစ်ဦးက သေနတ်ဖြင့်နှစ်ချက် ပစ်သတ်၍ သေဆုံးသွားသည်။

“လမ်းပေါ်မှာပဲ ပစ်သတ်သွားတယ်လို့ကြားတယ်။ နောက် ကျောကို နှစ်ချက်ပစ်သွားတာ။ သူက ပျူစောထီး ခေါင်းဆောင်လို့ နာမည်ထွက်နေတာ”ဟု ခရမ်းမြို့ ပြည်သူတစ်ဦးက ပြောသည်။

အောက်တိုဘာ ၁ ရက်ကလည်း ခရမ်းမြို့ ရိုးကြီးကျေးရွာတွင် အာဏာသိမ်းစစ်ကောင်စီလက် အောက်ခံ ရဲနှစ်ဦးသေနတ်ဖြင့် ပစ်သတ်ခံရမှုဖြစ်ခဲ့သည်။

ယင်းပစ်ခတ်မှုတွင် ဒုရဲအုပ်သက်လင်းအောင်မှာ ဖြစ်စဉ်နေရာတွင် သေဆုံးခဲ့ပြီး ရဲတပ်သားစိုင်းအောင်မှာမူ ဝဲရင်ဘတ် ကျည်ဆံဒဏ်ရာကြောင့် မဂ်လာဒုံစစ်ဆေးရုံ၌ အောက်တိုဘာ ၂ ရက် ညနေပိုင်းတွင် သေဆုံးခဲ့သည်။

Public Service Announcement

ခရမ်းမြို့နယ်အတွင်းရှိ ရပ်ကျေးအုပ်ချုပ်ရေးမှူးများကိုလည်း စစ်ကောင်စီလက်အောက်၌ ဆက်လက်တာဝန်ထမ်းဆောက်ခြင်းမပြုရန်နှင့် အောက်တိုဘာ ၁၅ ရက်နောက်ဆုံးထားနှုတ်မထွက်လျှင် မိသားစုဝင်များ၏လုံးခြုံရေးကို တာဝန်ယူမည်မဟုတ်ဟု သတိပေးထားသည်။

ထို့ကြောင့် သတိပေးစာထုတ်ပြန်သည့် အောက်တိုဘာ ၆ ရက်မှ ၁၂ ရက်နေ့အထိ တစ်ပတ်အတွင်း ရပ်ကျေးအုပ်ချုပ်ရေးမှူး ၅၆ ဦး ရာထူးမှနှုတ်ထွက်ထားသည်။

(ဓာတ်ပုံ – CJ၊ ပစ်သတ်ခံရသော ပျူစောထီးခေါင်းဆောင် မျိုးနိုင်)