Connect with us

Hi, what are you looking for?

သတင်း

ကျောက်မဲမြို့တွင် တိုက်ပွဲများဆက်ဖြစ်​နေ

ရှမ်းပြည်နယ်မြောက်ပိုင်း ကျောက်မဲမြို့သို့ စစ်ကောင်စီတပ်စစ်ကူများ ရောက်ရှိလာပြီး တိုက်ပွဲများဆက်လက်ပြင်းထန်နေသလို ဒေသခံများ​၏ နေအိမ်များအတွင်း ဝင်ရောက်နေရာယူထားကြောင်း သတင်းရရှိသည်။

ကျောက်မဲမြို့ တနေရာ ယနေ့နံနက်မြင်ကွင်းနှင့် မြို့ခံအချို့ စစ်ဘေးရှောင်ရန် ထွက်ခွာနေစဉ်။ ဓာတ်ပုံ - CJ

မိထက်/People’s Spring

ရှမ်းပြည်နယ်မြောက်ပိုင်း ကျောက်မဲမြို့သို့ စစ်ကောင်စီတပ်စစ်ကူများ ရောက်ရှိလာပြီး တိုက်ပွဲများဆက်လက်ပြင်းထန်နေသလို ဒေသခံများ​၏ နေအိမ်များအတွင်း ဝင်ရောက်နေရာယူထားကြောင်း သတင်းရရှိသည်။

“ဒီမနက် ရှမ်းတောင်ဘက်က‌နေ စစ်ကူတွေရောက်လာတယ်။ တိုက်ပွဲတော်တော်ပြင်းထန်ပါတယ်။ စစ်တပ်ယုတ်တာက ဒေသခံတွေ အိမ်ထဲ ဝင်ခိုနေတာပါ။ အိမ်တွေကို ဖောက်တယ်။ သူတို့ကို ဟောင်တဲ့ ခွေးတွေကိုပါ ပစ်သတ်ပါတယ်”ဟု မြို့ခံအမျိုးသမီးတစ်ဦးက ပြောသည်။

Public Service Announcement

Public Service Announcement

ကျောက်မဲမြို့ ပေါ်တွင် ဇူလိုင် ၂၀ရက်မှစ၍ တိုက်ပွဲပြင်းထန်နေခြင်းဖြစ်ပြီး ‌ယနေ့ အထိ့သုံးရက် မြောက်အထိ မြေပြင်တိုက်ပွဲဖြစ်ပွားနေသလို စစ်ကောင်စီက လေကြောင်းဖြင့်ပါ တိုက်ခိုက် နေသည်ဟု ဒေသခံများက ပြောသည်။

ယနေ့နံနက်ပိုင်းတွင် ကျောက်မဲမြို့ ကားကြီးကွင်း၊အထက(၁) ကျောင်းနှင့် ရန်ကင်းတောင် ဘက်ခြမ်းတွင် တိုက်ပွဲအပြင်းအထန်ဖြစ်ပွားနေခြင်းဟု သတင်းရရှိသည်။

တိုက်ပွဲအတွင်း ပိတ်မိနေသူပြည်သူအများအပြားရှိနေပြီး စိုးရိမ်စရာအနေအထားဖြစ်ကြောင်း စစ်ဘေးရှောင်များက ပြောသည်။

ကျောက်မဲမြို့တွင် ဇွန်လ ၂၅ရက်မှစ၍ တိုက်ပွဲပြင်းထန်စွာဖြစ်ပွားပြီးနောက် ဒေသခံအများစုမှာ မန္တလေးမြို့အပြင် အနီးနားကျေးရွာများသို့ သွားရောက်တိမ်းရှောင်ခဲ့ကြသည်။ မြို့အတွင်းပိတ်မိနေသူများလည်းရှိပြီး နေအိမ် များ၌ နေထိုင်ကြသလို စစ်ဘေးရှောင်စခန်းများ၌လည်း သွားရောက်တိမ်းရှောင်နေကြရသည်။

ထို့အပြင် တိုက်ပွဲအတွင်း အရပ်သားထိခိုက်သေဆုံးမှုများလည်းရှိနေသည်။

ကျောက်မဲမြို့ရှိ စစ်ကောင်စီစခန်းများနှင့် ဌာနဆိုင်ရာရုံးများအားလုံးကို TNLA ပူးပေါင်းတပ်က တိုက်ခိုက်သိမ်းယူထားသည်။ မြို့မြောက်ဘက် ၂ မိုင်အကွာရှိ စစ်ကောင်စီ ခြေမြန်တပ်ရင်း (ခမရ) အမှတ်(၅၀၁၊ ၅၀၂)တပ်စခန်းနှစ်ခု ကျန်ရှိနေသေးသည်။

ယခင်ရက်များက မြို့အတွင်း တိုက်ပွဲဖြစ်ပွားခြင်းမရှိခဲ့ဘဲ ယခုအခါ သုံးရက်ဆက်တိုက်ပွဲပြင်းထန်နေခြင်းဟု ဒေသခံများက ပြောသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook