Connect with us

Hi, what are you looking for?

သတင်း

ရေစကြိုမြို့တွင် ဆိုင်ကယ်ဦးထုပ်မဆောင်းဟုဆိုကာ လူငယ်တစ်ဦးအား စစ်ကောင်စီ ဖမ်းဆီးသတ်ဖြတ်

မကွေးတိုင်း၊ ရေစကြိုမြို့တွင် ဆိုင်ကယ်ဦးထုပ်မဆောင်းဟုဆိုကာ လူငယ်တစ်ဦးအား စစ်ကောင်စီတပ်က ဖမ်းဆီးသတ်ဖြတ်လိုက်ကြောင်း ဒေသခံများက ပြောသည်။

၂၀၂၁ အာဏာသိမ်းကာလအစောပိုင်းက ရေစကြိုမြို့တွင် အေးချမ်းစွာ ဆန္ဒပြနေသည့်ပြည်သူများအား စစ်ကောင်စီတပ်ဖွဲ့ဝင်များက အကြမ်းဖက်လိုက်လံဖြိုခွင်းခဲ့စဥ်။ ဓာတ်ပုံ - CJ

​ဟာနာဆန်/People’s Spring

မကွေးတိုင်း၊ ရေစကြိုမြို့တွင် ဆိုင်ကယ်ဦးထုပ်မဆောင်းဟုဆိုကာ လူငယ်တစ်ဦးအား စစ်ကောင်စီတပ်က ဖမ်းဆီးသတ်ဖြတ်လိုက်ကြောင်း ဒေသခံများက ပြောသည်။

ဇူလိုင် ၂၅ရက်က ရေစကြိုမြို့ပြည်သူ့ဆေးရုံရှေ့တွင် ဆိုင်ကယ်စီးကာ ဖြတ်သန်းလာသော အမှတ်(၈)၊ ဇေယျဝတီရပ်နေ အသက် (၂၃) နှစ်အရွယ် ကိုကုလားလေးဆိုသူအား ဦးထုပ်မဆောင်းဟုဆိုကာ ဆေးရုံတွင် တပ်စွဲထားသော စစ်ကောင်စီတပ်သားနှင့်ပျူစောထီးများက ဖမ်းဆီးရိုက်နှက်ခဲ့ကြောင်း၊ ကုလားလေးဆိုသူမှာ ရရှိသော ဒဏ်ရာများဖြင့် သေဆုံးသွားကြောင်း ရေစကြိုသတင်းအချက်အလက်ကော်မတီ(Info Committee Yesagyo)က ပြောသည်။

Public Service Announcement

Public Service Announcement

ယခင်ကလည်း ရေစကြိုမြို့ပေါ်ရှိ စစ်ကောင်စီတပ်သည် ဆိုင်ကယ်စီးနင်းသူများအား ဖမ်းဆီးရိုက်နှက်လေ့ရှိကြောင်း ဒေသခံများက ပြောသည်။

“အများအားဖြင့်တော့ ပိုက်ဆံ ၂သောင်း ၃သောင်းတောင်းတာ။ ရိုက်တာနှက်တာက တော့ သုံးလေးကြိမ်ရှိတယ်။”ဟု Info Committee Yesagyo၏ တာဝန်ရှိသူက ပြောသည်။

သေဆုံးသူကုလားလေးမှာ အိမ်ထောင်သည် ဖြစ်ပြီး ဇနီးသည်နှင့် ကလေး (၂) ဦးကျန်ရှိခဲ့ကြောင်း သိရသည်။

ဇူလိုင် ၈ရက်ကလည်း အမှတ် (၁)ထင်းတန်းရပ်တွင် မိခင်အားလာရောက်ဖမ်း​ဆီးချိန် မတွေ့၍ သားဖြစ်သူ အသက် (၁၅) နှစ်အရွယ် မောင်ဝဏ္ဏကျော်ကို စစ်ကောင်စီတပ်က ဖမ်းဆီးခေါ်ဆောင်သွားပြီး တစ်ရက်အကြာတွင် ညှဉ်းပန်းနှိပ်စက်သတ်ဖြတ်ကာ အလောင်းကို အိမ်ပြန်ပို့ပေးခဲ့​သေးသည်။

ရေစကြိုမြို့နယ်တွင် စစ်ကောင်စီတပ်က ဖမ်းဆီးနှိိပ်စက်ခြင်း၊ လက်နက်ကြီးဖြင့်ပစ်ခတ်တိုက်ခိုက်ခြင်းများကြောင့် ပြည်သူ ထိခိုက်သေဆုံးမှုများ မကြာခဏဖြစ်ပွားနေသည်။

ဆက်စပ်သတင်းများ

သတင်း

မကွေးတိုင်း၊ရေစကြိုမြို့နယ်၊ဇီးတောပြည်သူ့စစ်စခန်းက ထွက်လာတဲ့ ပြည်သူ့စစ်ခေါင်းဆောင်ဝင်းမြင့်အောင်နဲ့ တပည့်ဖြစ်သူတို့ ပစ်ခတ်ခံရပြီး သေဆုံးကာ လက်နက်သုံးလက်ရရှိတယ်လို့ ပြည်သူ့ကာ ကွယ်ရေးတပ်ဖွဲ့ရေစကြိုမြို့နယ်ကဒီကနေ့(နိုတင်ဘာ ၁) ထုတ်ပြန်ပါတယ်။

သတင်း

မကွေးတိုင်း၊ ရေစကြိုမြို့နယ်မှာ တိုက်ပွဲဖြစ်ပြီး ဇီးတောကျေးရွာ ပြည်သူ့စစ်ခေါင်းဆောင်အပါအ၀င် သေဆုံးသူများပြီး လက်နက်ခဲယမ်းတချို့သိမ်းရတယ်လို့ ဒေသခံနဲ့ စစ်ရေးသတင်းရင်းမြစ်တွေက ပြောပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

မကွေးတိုင်း၊ ရေစကြိုမြို့နယ်၊ သစ်ကြီးတောရွာ လေကြောင်းတိုက်ခိုက်မှုမှာ အသက် တစ်နှစ်ခွဲကလေးငယ်ကနေ အသက် ၈၀ အရွယ် အဘွားအိုအထိ ပါဝင်ပြီး သေဆုံးခဲ့သူ ၁၂ ဦးရဲ့ အချက်အလက်တွေကို ရေစကြိုသတင်းအချက်အလက်ကော်မတီက ထုတ်ပြန်လိုက်ပါတယ်။

Facebook