လွိုင်ကော်မြို့ထိုးစစ်ဆင်နေသည့် စစ်ကောင်စီတပ်မှ တပ်သားတစ်ဦး အလင်းဝင်လာ

ရဲခေါင်/People’s Spring

ကရက်နီပြည်နယ်၊ လွိုင်ကော်မြို့သို့ ထိုးစစ် ဆင်နေသည့် စစ်ကောင်စီတပ်မှ တပ်သားတစ်ဦး အလင်းဝင်လာကြောင်း သတင်းရရှိသည်။

အလင်းဝင်လာသည့် စစ်ကောင်စီတပ်သား ဇော် မင်းနိုင်သည် အရှေ့အလယ်ပိုင်းတိုင်းစစ်ဌာနချုပ်လက်အောက်ခံ မိုင်းနောင်အခြေစိုက် ခလရ(၉)တပ်ရင်းက ဖြစ်သည်။

Public Service Announcement

ဇူလိုင် ၂၅ ရက်တွင် လွိုင်ကော်မြို့အတွင်း စစ်ကောင်စီတပ်ထံမှ ထွက်ပြေးလွတ်မြောက် လာခဲ့ပြီး လွိုင်ကော်မြို့နယ် ဒေသခံပြည်သူ့ကာကွယ်ရေးတပ်ထံသို့ ပူးပေါင်းလာခြင်းဟု အသိပေးသည်။

လွိုင်ကော်မြို့နယ် စစ်ကောင်စီတပ်နှင့် အင်အားဖြည့် စစ်ကြောင်းထိုးရင်းကျည် ၊ ခဲယမ်းနှင့် လက်ပစ်ဗုံး များယူဆောင်လာခဲ့ပြီး ထွက်ပြေး လွတ်မြောက်လာကြောင်း တပ်သားဇော်မင်းနိုင်က ဆိုသည်။

“စစ်ကောင်စီတပ်မှာ ကျနော်လို ထွက်လာချင်တဲ့သူတွေရှိနေတယ်။မြေပြင်သတင်းတွေကို အမှောင်ချထားသလို တပ်တွင်းကျန်ရှိခဲ့တဲ့ မိသားစုနဲ့ အကြပ်ကိုင်ထားတာတွေရှိတယ်”ဟု ၎င်းက ပြောသည်။

အလင်းဝင်လာသည့် တပ်သားကို လုံခြုံသော နေရာသို့ ပို့ဆောင်ထားပြီး ထပ်မံဝင်ရောက်ရပူးပေါင်း လာမည် တပ်သား၊အရာရှိများအားလည်း ကြိုဆိုကြောင်းနှင့် လုံခြုံသော နေရာများ ဖန်တီးပေးသွားမည်ဟုလည်း လွိုင်ကော်မြို့နယ် ဒေသခံပြည်သူ့ကာကွယ်ရေးတပ် အသိပေးသည်။

စစ်တပ်က အာဏာသိမ်းပြီးနောက်ပိုင်းကရင်နီ(ကယား)ပြည်နယ်၌ CDM ပြုလုပ်ထားသည့် ရဲ တပ်ဖွဲ့ဝင် ၃၀၀ကျော်ရှိပြီး စစ်ကောင်စီ တပ်သား ၁၅၀ခန့်ရှိကြောင်း ကရင်နီပြည်သူ့ရင်ခွင်၏ အချက်အလက်များအရ သိရသည်။