ထားမြတ်/People’s Spring
ကချင်ပြည်နယ် မြစ်ကြီးနား – ဆွမ်ပရာဘွမ်လမ်းပိုင်းရှိ စစ်ကောင်စီတပ်စခန်းတစ်ခုကို ယနေ့(သြဂုတ် ၃)နံနက်တွင် ထပ်မံ သိမ်းပိုက်လိုက်ကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနတာဝန်ခံ ဗိုလ်မှူးကြီးနော်ဘူက အတည်ပြုသည်။
မြစ်ကြီးနား – ဆွမ်ပရာဘွမ်လမ်းရှိ စစ်ကောင်စီစခန်းများကို ဩဂုတ် ၁ရက် နံနက်က စတင်ထိုးစစ်ဆင်ခဲ့ရာ ဩဂုတ် ၂ရက်နံနက်တွင် တီယန်ဇွပ်ရွာအနီးရှိ စစ်ကောင်စီ စခန်း သုံးခုကိုသိမ်းပိုက်နိုင်ခဲ့ပြီး ယနေ့နံနက်တွင် အင်ဆွပ်ရွာရှိ စစ်ကောင်စီစခန်းကို သိမ်းပိုက်နိုင်ခဲ့ခြင်းဖြစ်သည်။
Public Service Announcement
https://www.facebook.com/LuduNwayOo/videos/1557961121456721
အင်ဆွပ်ရွာ စစ်ကောင်စီစခန်းကို နံနက် ၉နာရီခွဲတွင် အပြီးသတ်သိမ်းနိုင်ခဲ့ခြင်းဖြစ်ပြီး စစ်သားအချို့ ထွက်ပြေးသွား၍ လိုက်လံရှာဖွေနေဆဲဖြစ်သည်ဟု ဗိုလ်မှူးကြီးနော်ဘူက ပြောသည်။
မြစ်ကြီးနား – ဆွမ်ပရာဘွမ်လမ်းပိုင်းတွင် မြစ်ဆုံဒေသရှိ စစ်ကောင်စီစခန်းသာကျန်တော့ပြီး ဆွမ်ပရာဘွမ်ဘက်၌ စစ်ကောင်စီစခန်းများ မကျန်တော့ကြောင်း ဗိုလ်မှူးကြီးနော်ဘူက ပြောသည်။
KIAအနေဖြင့် မတ်လ ၇ရက်တွင် စစ်ရှိန်မြှင့်ခဲ့သည့် ထိုးစစ်အတွင်း ဆွမ်ပရာဘွမ်မြို့တစ်ခုလုံးသိမ်းပိုက်ထားခြင်း ဖြစ်သည်။
ဇူလိုင် ၂၄ရက်မှ၍ KIA ပူးပေါင်းတပ်က ပြန်လည် ထိုးစစ်ဆင်နေသည့် မိုးမောက် ခမရ(၄၃၇) တပ်စခန်း တိုက်ပွဲမှာလည်း နှစ်ဖက်တပ်များ ဆက်ရှိနေဆဲဖြစ်ကြောင်း ပြောသည်။
