Connect with us

Hi, what are you looking for?

သတင်း

ထီးချိုင့်မြို့ကို စစ်ကောင်စီ လေကြောင်းမှ ဗုံးကြဲတိုက်ခိုက်

စစ်​ကောင်စီတပ် ဗုံးကြဲ ပြီး မီးရှို့ဖျက်ဆီး ထား​သော ထီးချိုင့်မြို့နယ်မှ ​နေအိမ်များကို ၂၀၂၄ နှစ်ဆန်းပိုင်းတွင် အ​ပေါ်စီးမှ​တွေ့ရစဥ်။ဓါတ်ပုံ-TR

ဇော်ရမ်း/People’s Spring

စစ်ကိုင်းတိုင်း၊ ထီးချိုင့်မြို့ပေါ်ကို စစ်ကောင်စီက ယနေ့ (ဩဂုတ်လ ၂၀ရက်) နံနက်ပိုင်းမှစ၍ ဂျက်ဖိုက်တာဖြင့်ရော Y12 လေယာဉ်ဖြင့်ပါ ဗုံးကြဲတိုက်ခိုက်နေကြောင်း မြေပြင်စစ်ရေးသတင်းရင်းမြစ်များထံမှသတင်းရရှိသည်။

စံပြနှင့်ကုက္ကိုကုန်းရွာအပါအဝင် ဧရာဝတီမြစ်ကမ်းဘေးနေရာများကို ဗုံးကြဲတိုက်ခိုက်ခြင်းဟု သိရသည်။

Public Service Announcement

Public Service Announcement

ယ​နေ့ (သြဂုတ် ၂၀) နံနက် ၄ နာရီခွဲ မှ ၆နာရီ ၇ မိနစ်အတွင်း ဂျက်ဖိုက်တာဖြင့် ပေါင် ၅၀၀ ဗုံး သုံးလုံး၊ Y12 လေယာဉ်ဖြင့် အကြိမ်​ရေ ၁၄ ကြိမ်ဗုံး ၆၇ လုံး ကြဲချတိုက်ခိုက်ခဲ့ကြောင်း ထီးချိုင့်မြို့နယ်ဒေသတွင်း စစ်ရေးသတင်းများဖော်ပြနေသည့် Tigyaing Revolution -TR က သတင်းထုတ်ပြန်ထားသည်။

“စုစုပေါင်း ၁၄ ကြိမ် ဗုန်းချသွား။နီတာ ဘက် ပြည်သူ(၁)ဦး နှင့် နွား(၃)ကောင် အထိအခိုက် ရှိပါကြောင်း နှင့်နဝရတ်၊စံပြ ၊ကုက္ကိုကုန်းနှင့် မြတောင်ဘက်ကမ်းများ ချသွားကြောင်း သိရ”ဟု TR က​ဖော်ပြထားသည်။

ယခုအခါ မြို့ပေါ်မှ ဒေသခံများသည် အနီးဝန်းကျင်ကျေးရွာများနှင့် မြို့အချို့၌ တိမ်းရှောင်နေသည်။ စစ်ကောင်စီတပ်သည် ထီးချိုင့်မြို့ မြသိန်းတန်တောင်ပေါ် စခန်း၊ ထီးချိူင့်တံတားနှင့် မြတောင်လမ်းဆုံ၌ ဘန်ကာအခိုင်အမာတည်ဆောက်၍ တပ်စွဲထားကြောင်း သတင်းရရှိသည်။

ပြည်သူ့ကာကွယ်ရေးတပ်ဖွဲ့များ (PDF )က ထီးချိုင့်မြို့၊ မောင်းကုန်းကျေးရွာအနီးရှိ စစ်ကောင်စီတပ်စွဲထားသည့် တကောင်းနီကယ်စက်ရုံကိုသိမ်းပိုက်ထိန်းချုပ်ခဲ့သည်။မောင်းကုန်းကျေးရွာသည် စစ်ကောင်စီကင်းစင်နယ် မြေဖြစ်ပြီဟုအမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနကဩဂုတ်လ ၂ ရက်တွင်ထုတ်ပြန်ခဲ့သည်။

ထီးချိုင့်မြို့မှ စစ်ကောင်စီတပ်စခန်းများကို ကချင်လွတ်လပ်ရေးတပ်မတော်( KIA) ၊အာရက္ခ‌တပ်တော်(AA)၊ PDF နှင့် ပူးပေါင်းတပ်ဖွဲ့များက၂၀၂၃ နိုဝင်ဘာ ၈ရက်မှစ၍ ထိုးစစ်ဆင်တိုက်ခိုက်ခဲ့ပြီးစခန်းအများအပြားကိုသိမ်းပိုက်နိုင်ခဲ့သည်။သို့​သော်စစ်ကောင်စီတပ်က မြို့ကိုလေကြောင်းမှအပြင်းအထန်တိုက်ခိုက်ပြီး စစ်ကူများထပ်မံ​ပို့

၍ ​တော်လှန်​ရေးတပ်များပြန်လည်ဆုတ်ခွာပေးခဲ့ရသည်။ထို​နောက်စစ်​ကောင်စီတပ်က ထီးချိုင့်မြို့​ပေါ်ရှိ ​နေအိမ်ရာ​ပေါင်းများစွာကို မီးရှို့ဖျက်ဆီးခဲ့သည်။

ဆက်စပ်သတင်းများ

သတင်း

စစ်ကိုင်းတိုင်း ထီးချိုင့်နဲ့ အင်းတော်မြို့နယ်တိုက်ပွဲတွေမှာ စစ်တပ်က သေဆုံးထိခိုက်မှုများပြားခဲ့ပြီး လက်နက်နဲ့ သုံ့ပန်းအချို့ရရှိခဲ့ကြောင်းပြည်သူ့ကာကွယ်ရေးတပ်မတော်-မန္တလေး(MDY PDF)အထူးလှုပ်ရှားတပ်မက ထုတ်ပြန်ပါတယ်။

သတင်း

စစ်ကိုင်းတိုင်း၊ တန့်ဆည်မြို့နယ်က စာသင်ကျောင်းကို စစ်တပ်က ဂျက်ဖိုက်တာ ၂စီးနဲ့ ဗုံးကြဲတိုက်ခိုက်ခဲ့တယ်လို့ ဒေသခံသတင်းရင်းမြစ်တချို့က ပြောပါတယ်။

သတင်း

မြောက်ဦးမြို့၊ လေးမြို့စားရပ်ကွက်ရှိ ယာယီဖွင့်လှစ်ထားတဲ့ သားဖွားဆေးရုံကို အာဏာသိမ်းစစ်တပ်က ဒီနေ့ ညနေပိုင်းမှာ ဗုံးကြဲခဲ့တာကြောင့် ကလေးငယ်၊ အမျိုးသမီးအပါအ၀င် ၄ ဦး သေဆုံးပြီး ၄ ဦးထက်မနည်း ဒဏ်ရာရသွားခဲ့တယ်လို့ ဒေသခံတွေက ပြောကြပါတယ်။

သတင်း

စစ်ကိုင်းတိုင်း၊ မြင်းမူမြို့နယ်မှာ စစ်တပ်က စာသင်ကျောင်း ၃ ကျောင်းအနီး လေကြောင်းကနေ ဗုံးကြဲတိုက်ခိုက်လို့ သက်ကြီးရွယ်အို ၁ ဦးအပါအဝင် ပြည်သူ ၂ ဦး သေဆုံးခဲ့ပါတယ်။

Facebook