Connect with us

Hi, what are you looking for?

သတင်း

စစ်ကောင်စီ စစ်အင်အားဖြည့်လာ၍ နောင်ချိုမြို့နယ် နေရာသုံးခု၌ တိုက်ပွဲဖြစ်

ရှမ်းပြည်နယ်မြောက်ပိုင်း၊ နောင်ချိုမြို့နယ်တွင် ယနေ့ (ဩဂုတ် ၂၁ရက်)တွင် နေရာသုံးနေရာ၌ စစ်ကောင်စီတပ်နှင့် တိုက်ပွဲဖြစ်ခဲ့ဟု တအာင်းတပ်မတော်(TNLA)က သတင်းထုတ်ပြန်သည်။

ဟန်နွေ/People’s Spring

ရှမ်းပြည်နယ်မြောက်ပိုင်း၊ နောင်ချိုမြို့နယ်တွင် ယနေ့ (ဩဂုတ် ၂၁ရက်)တွင် နေရာသုံးနေရာ၌ စစ်ကောင်စီတပ်နှင့် တိုက်ပွဲဖြစ်ခဲ့ဟု တအာင်းတပ်မတော်(TNLA)က သတင်းထုတ်ပြန်သည်။

၁၀၂၇ စစ်ဆင်ရေးအပိုင်း(၂) ၅၈ရက်မြောက် ယနေ့တွင် နောင်ချိုမြို့နယ်အတွင်း စစ်အင်အားဖြည့်တင်းလာသည့် စစ်ကောင်စီတပ်နှင့် တိုက်ပွဲဆက်လက်ဖြစ်ပွားခဲ့ဟု အသိပေးသည်။

Public Service Announcement

Public Service Announcement

ယနေ့ နံနက် ၉နာရီကျော်တွင် နောင်ချိုမြို့နယ် တောင်ခမ်းရွာရှိ စစ်ကောင်စီတပ် (၉၀၂) တပ်၊ သရက်ချိုကျေးရွာရှိ စစ်ကောင်စီစခန်းနှင့် ကမ္ဘောဇဘုန်းကြီးကျောင်းတို့၌ တိုက်ပွဲများ ဖြစ်ခဲ့ကြောင်း ဖော်ပြသည်။

တိုက်ပွဲများအတွင်း ထိခိုက်ကျဆုံးအခြေအနေ ဖော်ပြမထားသော်လည်း စစ်ကောင်စီတပ်က တောင်ခမ်းရွာ တိုက်ပွဲတွင် လေကြောင်းပစ်ကူပေး ဗုံးကြဲတိုက်ခိုက်ခဲ့သည်ဟု ဖော်ပြသည်။

စစ်ကောင်စီသည် ရှမ်းပြည်နယ်တောင်ပိုင်း ရပ်စောက်မြို့ ကျောက်ဂူမှ နောင်ချိုမြို့နယ်အတွင်းသို့ စစ်အင်အားပြန်လည်ဖြည့်တင်းရန် ကြိုးပမ်းနေကြောင်း TNLAက ထုတ်ပြန်သည်။

TNLAသည် နောင်ချိုမြို့နယ်ကို ဇူလိုင်ကတည်းက သိမ်းပိုက်ထားခြင်းဖြစ်သည်။

ယနေ့ တိုက်ပွဲဖြစ်ခဲ့သည့် သရက်ချိုရွာနှင့် တောင်ခမ်းရွာတွင် သြဂုတ် ၂၀ရက်ကလည်း တိုက်ပွဲဖြစ်ခဲ့ကြောင်း TNLAက အသိပေးထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

ရှမ်းပြည်နယ်၊ နောင်ချိုမြို့လယ်က ဗလီ အဆောက်အအုံကို နိုင်ငံပိုင်အဖြစ် ချိပ်ပိတ် သိမ်းယူဖို့ အာဏာသိမ်း စစ်တပ် ထိန်းချုပ်ထားရာ တရားရုံးက အမိန့်ချမှတ်ခဲ့တဲ့အပေါ် ကမ္ဘာလုံးဆိုင်ရာ ခရစ်ယာန် ညီညွတ်ရေးအဖွဲ့ (CSW)က ကန့်ကွက် ရှုတ်ချလိုက်ပါတယ်။

သတင်း

၁၀၂၇ စစ်ဆင်ရေးကာလမှာ ပလောင်ပြည်နယ် လွတ်မြောက်ရေးတပ်ဦး PSLF/TNLAနဲ့ ပူးပေါင်းလာတဲ့ လီဆူတပ်ဖွဲ့ဝင် ဦးဂူဆီးဟာ လီဆူတပ်ဖွဲ့ဝင် ၅၀ ကျော်၊ လက်နက် ၅၀ခန့်နဲ့အတူ စစ်တပ်ထံ ပူးပေါင်းသွားကြောင်း PSLF/TNLAက သတင်းထုတ်ပြန်ပါတယ်။

သတင်း

တပ်ဖွဲ့ဝင်တွေစစ်တပ်ထံ အလင်းဝင်ရောက်မှုမရှိဟု TNLA ပြောရေးဆိုခွင့်ရှိသူငြင်းဆို

Facebook