မန္တလေးတိုင်းဒေသကြီးအတွင်း အကျဉ်းထောင်တွေမှာ ရာဇသတ်ကြီး ပုဒ်မ ၅၀၅ (က) ၊ ၅၀၅ (ခ) တွေနဲ့ မတရားဖမ်းဆီးထားတဲ့သူတွေထဲက ဒီနေ့မှာ ၂၄၀ ဦးပြန်လွတ်လာပါတယ်။
ဒီထဲမှာ ပုဒ်မ ၅၀၅ (ခ). နဲ့ ထောင် ၃နှစ်ကျခံနေရတဲ့ မိုးကုတ် ရေပူဆရာတော်နဲ့ သံဃာတစ်ပါးလည်း ဒီကနေ့ ညနေမှာ ပြန်လည်လွတ်မြောက်လာပါတယ်။
စစ်အာဏာသိမ်းတာကိုဆန့်ကျင်လို့ မတရားဖမ်းဆီးထားတဲ့ သူတွေထဲက ၅၀၀၀ ကျော်ကို သီတင်းကျွတ်ကာလမှာ လွှတ်ပေးမယ်လို့စစ်ကောင်စီက ကြေညာထားတာပါ။
အဲဒီနောက် ဒီနေ့ ညနေပိုင်းမှာ မန္တလေးတိုင်းအတွင်းမှာရှိတဲ့ အကျဉ်းထောင်တွေက ၂၄၀ ဦးလွတ်လာတာပဲဖြစ်ပါတယ်။
Public Service Announcement
“ဒီကနေလွှတ်ပေးတာက ပြစ်ဒဏ်ကျခံရတဲ့သူတွေပါ။ အမှုပြီးပြတ်လို့ ထောင်၂နှစ် ၃နှစ်ကျခံနေရသူတွေပါ”ဟု အကျဉ်းဦးဌာနက ဝန်ထမ်းတစ်ဦးကပြောပါတယ်။
မန္တလေးအကျဉ်းထောင်က ၈၀ဦး၊မိတ္ထီလာ အကျဉ်းထောင် ၃၈ဦး၊မြင်းခြံအကျဉ်းထောင် ၃၆ဦး၊ညောင်ဦးအကျဉ်းထောင် ၆ဦးနဲ့ ကျောက်ဆည် ၈၀ဦးတို့ကို လွှတ်ပေးခဲ့တယ်လို့သိရပါတယ်။
အမှုကြားနာဆဲသူတွေကိုတော့ မနက်ဖြန် အောက်တိုဘာလ ၁၉ ရက်မှာ ထပ်လွှတ်ပေးမှာဖြစ်ပါတယ်။
