Connect with us

Hi, what are you looking for?

သတင်း

တပ်ပြောင်းရွှေ့လာသော ရေစကြို ခမရ(၂၅၈) တပ်မှ ဗိုလ်ကြီးဇော်လင်း၏ အိမ်ထောင်ပရိဘောဂပစ္စည်းများပါယာဥ်အား PDF ဖမ်းဆီး

မကွေးတိုင်း၊ ရေစကြိုမြို့နယ်တွင် ခမရ (၂၅၈) တပ်ရင်းမှ တပ်ပြောင်းရွှေ့လာ​သော ဗိုလ်ကြီးဇော်လင်း၏ အိမ်ထောင်ပရိဘောဂပစ္စည်းများတင်ဆောင်လာသော ယာဥ်တစ်စီးအား PDF ရဲဘော်များက ဖမ်းဆီးလိုက်ကြောင်း သတင်းရရှိသည်။

ဖမ်းဆီးရမိသော ဗိုလ်ကြီးဇော်လင်း၏ အိမ်ထောင်ပရိဘောဂပစ္စည်းများတင်လာသည့်ကားအား တွေ့ရစဥ်။ ဓာတ်ပုံ-Southern YSO PDF

ဟာနာဆန်/People’s Spring

မကွေးတိုင်း၊ ရေစကြိုမြို့နယ်တွင် ခမရ (၂၅၈) တပ်ရင်းမှ တပ်ပြောင်းရွှေ့လာ​သော ဗိုလ်ကြီးဇော်လင်း၏ အိမ်ထောင်ပရိဘောဂပစ္စည်းများတင်ဆောင်လာသော ယာဥ်တစ်စီးအား PDF ရဲဘော်များက ဖမ်းဆီးလိုက်ကြောင်း သတင်းရရှိသည်။

ယမန်နေ့(စက်တင်ဘာ ၁ရက်) နံနက် ၇နာရီခန့်က ရေစကြိုမြို့၊ အမှတ်(၂၅၈)ခြေလျင်တပ်ရင်းမှ တပ်ပြောင်းတပ်ချိန်း ပြုလုပ်လာသည့် ပစ္စည်းများသယ်ဆောင်လာသော ကန်ဒါကားတစ်စီးကို ရေစကြို-ပခုက္ကူ လမ်းပိုင်း တစ်နေရာတွင် ဖမ်းဆီးထိန်းသိမ်းလိုက်ကြောင်း Southern YSO PDF အဖွဲ့တာဝန်ခံ ဗိုလ်မောင်းက ပြောသည်။

ဖမ်းဆီးရမိသော ဗိုလ်ကြီးဇော်လင်း၏ အိမ်ထောင်ပရိဘောဂပစ္စည်းများတင်လာသည့်ကားအား တွေ့ရစဥ်။ ဓာတ်ပုံ-Southern YSO PDF

ကားပေါ်ပါပစ္စ​ည်းများသည် ခလရ(၂၅၈) တပ်မှ ဗိုလ်ကြီးဇော်လင်း၏ အိမ်ထောင်ပရိဘောဂ ပစ္စည်းများ​​ဖြစ်ကြောင်း၊ ထို့အပြင် ကားပေါ်ပါ ယာဥ်မောင်းတစ်ဦးနှင့် ရှမ်းမြောက်၌ သေဆုံးခဲ့သော စစ်သား၏ မိသားစုဝင် သားအမိ နှစ်ဦးကိုပါ ဖမ်းဆီးရမိခဲ့ကြောင်း ၎င်းက ပြောသည်။

Public Service Announcement

Public Service Announcement

သို့သော် ၎င်းတို့အား စစ်ဆေးပြီး အပြစ်မရှိပါက ပြန်လွှတ်ပေးရန်စီစဥ်နေကြောင်း Southern YSO PDF အဖွဲ့တာဝန်ခံ ဗိုလ်မောင်းက ပြောသည်။

သိမ်းဆည်းရမိသော ပစ္စည်းများတွင်အိမ်ထောင်ပရိဘောဂပစ္စည်းများ၊ ဗိုလ်ကြီးဇော်လင်း၏ စစ်သင်တန်းဆင်း လက်မှတ်များ၊ အင်းဝဘဏ်စာအုပ်များ၊ တပ်တွင်းအပေါင်ခံ လစာထုတ်ကတ်များ ဗိုလ်ကြီးဇော်လင်း၏ မင်္ဂလာဆောင်မှတ်တမ်း ဓာတ်ပုံများ ပါရှိကြောင်း သိရသည်။

သြဂုတ် ၁၀ ရက်ကလည်း ပခုက္ကူမြို့မှ ရေစကြိုသို့ ထွက်ခွာလာသော စစ်ကောင်စီယာဥ်များ တိုက်ခိုက်ခံရပြီး စစ်ကောင်စီတပ်ဖွဲ့ဝင် အများအပြား သေဆုံးကာ လက်နက်ခဲယမ်းများသိမ်းဆည်းရမိခဲ့သည်။

ဆက်စပ်သတင်းများ

သတင်း

မကွေးတိုင်း၊ရေစကြိုမြို့နယ်၊ဇီးတောပြည်သူ့စစ်စခန်းက ထွက်လာတဲ့ ပြည်သူ့စစ်ခေါင်းဆောင်ဝင်းမြင့်အောင်နဲ့ တပည့်ဖြစ်သူတို့ ပစ်ခတ်ခံရပြီး သေဆုံးကာ လက်နက်သုံးလက်ရရှိတယ်လို့ ပြည်သူ့ကာ ကွယ်ရေးတပ်ဖွဲ့ရေစကြိုမြို့နယ်ကဒီကနေ့(နိုတင်ဘာ ၁) ထုတ်ပြန်ပါတယ်။

သတင်း

မကွေးတိုင်း၊ ရေစကြိုမြို့နယ်မှာ တိုက်ပွဲဖြစ်ပြီး ဇီးတောကျေးရွာ ပြည်သူ့စစ်ခေါင်းဆောင်အပါအ၀င် သေဆုံးသူများပြီး လက်နက်ခဲယမ်းတချို့သိမ်းရတယ်လို့ ဒေသခံနဲ့ စစ်ရေးသတင်းရင်းမြစ်တွေက ပြောပါတယ်။

သတင်း

မကွေးတိုင်း၊ ရေစကြိုမြို့နယ်၊ သစ်ကြီးတောရွာ လေကြောင်းတိုက်ခိုက်မှုမှာ အသက် တစ်နှစ်ခွဲကလေးငယ်ကနေ အသက် ၈၀ အရွယ် အဘွားအိုအထိ ပါဝင်ပြီး သေဆုံးခဲ့သူ ၁၂ ဦးရဲ့ အချက်အလက်တွေကို ရေစကြိုသတင်းအချက်အလက်ကော်မတီက ထုတ်ပြန်လိုက်ပါတယ်။

ဆောင်းပါး

အောက်တိုဘာလ ၁၆ ရက်နေ့ နေ့လယ်ပိုင်းက မကွေးတိုင်း၊ ရေစကြိုမြို့နယ်မြောက်ပိုင်းက သစ်ကြီးတောဆိုတဲ့ ရွာလေးတစ်ရွာဟာ သာမန်နေ့တွေလိုပဲအမွှေးတိုင်လုပ်သူကလုပ်၊ အိမ်အလုပ် လုပ်သူကလုပ်နဲ့ ဖြတ်သန်းနေကြတယ်။ သစ်ကြီးတောရွာဟာ နာလန်ထတာ သိပ်မကြာသေးဘူးရယ်။ တခြားအညာဒေသက ရွာတွေလိုပဲ သစ်ကြီးတောဟာ အာဏာသိမ်းစစ်တပ်ရဲ့ အကြမ်းဖက်မှု​တွေကို ခံခဲ့ရတယ်။

Facebook