Connect with us

Hi, what are you looking for?

သတင်း

ရေတာရှည်မြို့နယ်တွင် စစ်ကောင်စီ ဒရုန်းဖြင့်တိုက်ခိုက်၍ ပြည်သူ သုံးဦးထက်မနည်းသေဆုံး

ပဲခူးတိုင်း၊ ရေတာရှည်မြို့နယ်၊ ကဲလင်းဆိပ်ကျေးရွာ စာသင်ကျောင်းနှင့် ရှားတောကျေးရွာများအား တိုက်ပွဲဖြစ်ပွားခြင်းမရှိဘဲ စစ်ကောင်စီက ဒရုန်းဖြင့်တိုက်ခိုက်ခဲ့၍ အရပ်သား ပြည်သူ သေဆုံးထိခိုက်မှုများရှိခဲ့ကြောင်း ပြည်သူ့ကာကွယ်ရေးတပ်မတော်(PDF) တောင်ပိုင်းစစ်ဒေသက သတင်းထုတ်ပြန်သည်။

ဟန်နွေ/People’s Spring

ပဲခူးတိုင်း၊ ရေတာရှည်မြို့နယ်၊ ကဲလင်းဆိပ်ကျေးရွာ စာသင်ကျောင်းနှင့် ရှားတောကျေးရွာများအား တိုက်ပွဲဖြစ်ပွားခြင်းမရှိဘဲ စစ်ကောင်စီက ဒရုန်းဖြင့်တိုက်ခိုက်ခဲ့၍ အရပ်သား ပြည်သူ သေဆုံးထိခိုက်မှုများရှိခဲ့ကြောင်း ပြည်သူ့ကာကွယ်ရေးတပ်မတော်(PDF) တောင်ပိုင်းစစ်ဒေသက သတင်းထုတ်ပြန်သည်။

စက်တင်ဘာ ၈ရက် နံနက်တွင် စစ်ကောင်စီက ကဲလင်းဆိပ်ရွာ စာသင်ကျောင်းကို ဒရုန်းဖြင့် တိုက်ခိုက်ခဲ့ရာ ကျောင်းအနီးရှိ ပြည်သူ ၂ဦး ဒဏ်ရာရရှိခဲ့ကြောင်း၊ ယင်းနေ့ နေ့လည်ပိုင်းတွင် ကဲလင်းဆိပ်ရွာ တောင်ခြေလမ်းဆုံအား ဒရုန်းဖြင့် ထပ်မံတိုက်ခိုက်ခဲ့ရာ ပြည်သူ ၇ဦး ဒဏ်ရာရပြီး ၃ဦးသေဆုံးခဲ့ကြောင်း၊ ဆက်လက်၍ ကဲလင်းဆိပ်ရွာအနီး ရှားတောရွာကိုလည်း စစ်ကောင်စီက ဗုံးကြဲခဲ့ရာ ပြည်သူ ၂ဦး ထိခိုက်ဒဏ်ရာရခဲ့ကြောင်း Yedashe Township Informationက ဖော်ပြသည်။

ထိုသို့တိုက်ခိုက်မှုကြောင့် အရပ်သားပြည်သူ သုံးဦးသေဆုံးပြီး ၁၂ဦး ထိခိုက်ဒဏ်ရာ ရရှိခဲ့ဟု တောင်ပိုင်းစစ်ဒေသ၏ ထုတ်ပြန်ချက်၌ ဖော်ပြသည်။ ဒဏ်ရာရသူများထဲတွင် ဒဏ်ရာပြင်းထန်သူများလည်းရှိခဲ့သည်ဟု ဆိုသည်။

Public Service Announcement

Public Service Announcement

ကဲလင်းရွာစာသင်ကျောင်း တိုက်ခိုက်ခံရမှု ရုပ်သံကိုလည်း တောင်ပိုင်းစစ်ဒေသက ဖော်ပြရာ အမျိုးသားတစ်ဦးက “ ခွေး(စစ်ကောင်စီတပ်ဖွဲ့ဝင်)တွေဆီကနေ ဒရုန်းလာကြဲသွားတာပါ။ လူနေအဆောက်အအုံမမဟုတ်ဘူး။ ကလေးတွေရဲ့ အနာဂတ် စာသင်ကျောင်းကိုလာပြီး ဖျက်ဆီးသွားတာပါ”ဟု ပြောကြားထားသည်။

စစ်ကောင်စီသည် တော်လှန်ရေးပူးပေါင်းအဖွဲ့များကို အဘက်ဘက်ကရှုံးနိမ့်လာပြီးနောက် ‌‌‌တောင်ပိုင်းစစ်ဒေသနယ်မြေအပါအဝင် ဒေသအသီးသီးတွင် လေယာဉ်ဖြင့်ဗုံးကြဲတိုက်ခိုက်ခြင်း၊ ဒရုန်းဖြင့်ဗုံးကြဲတိုက်ခိုက်ခြင်းများကို ရည်ရွယ်ချက်ရှိရှိ ဆက်တိုက်ပြုလုပ်လာလျက်ရှိသည်ဟုလည်း တောင်ပိုင်းစစ်ဒေသက သတင်းထုတ်ပြန်သည်။

အာဏာလက်လွှတ်ရန် နီးကပ်နေပြီဖြစ်သော စစ်ကောင်စီက လေကြောင်း တိုက်ခိုက်ပြီး ပြည်သူလူထုအား သတ်ဖြတ်နေမှု အပါအဝင် စစ်ရာဇဝတ်မှု၊ လူသားမျိုးနွယ်အပေါ် ပြစ်မှုကျူးလွန်နေသော အကြမ်းဖက်တိုက်ခိုက်မှု လုပ်ရပ်များကို မှတ်တမ်းတင်ထားရှိပြီး အိမ်နီးနားချင်းနိုင်ငံများ၊ အကြမ်းဖက်တိုက်ခိုက်မှုကို မလိုလားသော ယဉ်ကျေးသည့် နိုင်ငံတကာအဖွဲ့အစည်းများထံပေးပို့သွားမည်ဟု ကိုးကန့်တပ်မတော်(MNDAA)၊ တအာင်းတပ်မတော်(TNLA)၊ ရက္ခိုင်တပ်တော်(AA) တို့က ယနေ့ညတွင် ပူးတွဲထုတ်ပြန်သည်။

စစ်ရှုံးစစ်ကောင်စီက နိုင်ငံအနှံ့ လေကြောင်းမှ နေ့စဉ်ရက်ဆက် ဗုံးကြဲတိုက်ခိုက်နေသည့် လုပ်ရပ်များနှင့်ပတ်သက်ပြီး ညီနောင်မဟာမိတ်သုံးဖွဲ့က စက်တင်ဘာ ၁၀ရက်တွင် သတင်းထုတ်ပြန်ခဲ့ခြင်းဖြစ်သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

မွန်ပြည်နယ်၊ ကျိုက်ထိုမြို့နယ်အတွင်းက ကျေးရွာတွေကို အာဏာသိမ်းစစ်တပ်က ဒရုန်းနဲ့ ဗုံးကြဲခဲ့လို့ ပြည်သူ ၃ဦးသေဆုံးကာ ၁ဦး ဒဏ်ရာရရှိခဲ့ကြောင်း ကရင်အမျိုးသားအစည်းအရုံး(KNU) သထုံခရိုင် သတင်းရင်းမြစ်က ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook