“အဲသင်္ဘောနှစ်စီး ပြန်ဆင်းလာရတယ်။ ဆက်မတက်နိုင်ဘူး။ အခုည ငါးဘတ်ကြီးကျေးရွာဆိပ်ကမ်းမှာ ရပ်ထားတယ်”
— PDF တစ်ဦး
ဧရာဝတီမြစ်ကြောင်းအတိုင်းလေကြောင်းလုံခြုံရေးယူဆန်တက်နေသည့် စစ်ကောင်စီတပ်သင်္ဘော ငါးစင်းအား ရွှေကူမြို့နယ်အတွင်း KIA နှင့် PDF တိုက်ခိုက်မှုကြောင့် ရှေ့ဆက်မတိုးနိုင်ဘဲ ယခုရက်ပိုင်းတိုက်ခိုက်မှုတွင် ၅၀ ဦးထက်မနည်းသေဆုံးသွားကြောင်း သတင်းရရှိသည်။
“ရွှေကူဆိပ်ကမ်းမှာ ရပ်ထားတုန်း ဒရုန်းနဲ့ချတာ ၁၂ ယောက်သေတယ်။ ဒီရက်ထဲ အထက်ကိုဆက်တက်ဖို့ သင်္ဘောနှစ်စီးက မြေပြင်စစ်ကြောင်းစစ်ကူနဲ့လာတာကို ဖြတ်တိုက်တာ ၄၀ လောက်ပြုတ်တယ်”ဟု ရွှေကူမြို့မှ ပြည်သူ့ကာကွယ်ရေးတပ်ဖွဲ့ဝင်တစ်ဦးကပြောသည်။
မန္တလေးမြို့၊ဂေါဝန်ဆိပ်ကမ်းမှထွက်ခွာလာသောစစ်ကောင်စီသင်္ဘောငါးစင်းသည် ရွှေကူဆိပ်ကမ်းသို့ စက်တင်ဘာလ ၃ ရက်တွင် ရောက်ရှိလာခြင်းဖြစ်သည်။ ယင်းနေ့တွင် ဒရုံးဖြင့်တိုက်ခိုက်မှု၌ စစ်ကောင်စီတပ်ဖွဲ့ဝင် ၁၂ ဦးသေဆုံးခဲ့ခြင်းဟုသိရ သည်။
Public Service Announcement
မြစ်ကမ်းဘေးမှစစ်ကူစစ်ကြောင်းနှင့်အတူဗန်းမော်မြို့သို့ ဆန်တက်ရန်ကြိုးစားသည့် စစ်ကောင်စီတပ်ကိုစက်တင်ဘာလ ၁၂ ရက် က တိုက်ခိုက်ရာ ၄၀ ဦးထက်မနည်း သေဆုံးခဲ့သည်ဟု ပြည်သူ့ကာကွယ်ရေးတပ်ဖွဲ့ဝင်တစ်ဦးကပြောသည်။
“အဲသင်္ဘောနှစ်စီး ပြန်ဆင်းလာရတယ်။ ဆက်မတက်နိုင်ဘူး။ အခုည ငါးဘတ်ကြီးကျေးရွာဆိပ်ကမ်းမှာ ရပ်ထားတယ်” ဟု အခြား PDF တစ်ဦးကဆက်ပြောသည်။
ဧရာဝတီမြစ်အတိုင်း မန္တလေးမြို့မှဆန်တက်လာပြီး စစ်ရေယာဥ်များကို ထီးချိုင့်မြို့နယ်သို့ရောက်လာစဥ်တွေ့ရမှု ။ ဓါတ်ပုံ-TR ဧရာဝတီမြစ်အတိုင်း မန္တလေးမြို့မှဆန်တက်လာပြီး စစ်ရေယာဥ်များကို ထီးချိုင့်မြို့နယ်သို့ရောက်လာစဥ်တွေ့ရမှု ။ ဓါတ်ပုံ-TR ဧရာဝတီမြစ်အတိုင်း မန္တလေးမြို့မှဆန်တက်လာပြီး စစ်ရေယာဥ်များကို ထီးချိုင့်မြို့နယ်သို့ရောက်လာစဥ်တွေ့ရမှု ။ ဓါတ်ပုံ-TR ဧရာဝတီမြစ်အတိုင်း မန္တလေးမြို့မှဆန်တက်လာပြီး စစ်ရေယာဥ်များကို ထီးချိုင့်မြို့နယ်သို့ရောက်လာစဥ်တွေ့ရမှု ။ ဓါတ်ပုံ-TR
လက်ရှိတွင် ရွှေကူမြို့ဆိပ်ကမ်း၌စစ်ကောင်စီတပ်သင်္ဘောသုံးစီး ၊ ယင်းနေရာ နှင့် နှစ်မိုင်ခန့်အကွာရှိ ငါးဘတ်ကြီးကျေးရွာဆိပ်ကမ်း၌ စစ်ကောင်စီသင်္ဘော၂ စီး ရှိနေသည်ဟု သတင်းရရှိသည်။
အဆိုပါစစ်ကောင်စီစစ်သင်္ဘောအုပ်စုတွင် လက်နက်၊ စက်သုံးစီ နှင့် ရိက္ခာများပါဝင်လာပြီးမန္တလေးမြို့ ဂေါဝန်ဆိပ်ကမ်းမှ ဩဂုတ်လကုန်တွင် ထွက်ခွာလာပြီး စဉ့်ကူး၊ သပိတ်ကျင်း၊ ထီးချိုင့်၊ ကသာမြို့များကိုဖြတ်ကာ ရွှေကူမြို့ရောက်ရှိလာခြင်းဖြစ်သည်။
ကသာမြို့နယ်ကို ဖြတ်သန်းစဉ် စစ်ကောင်စီ၏ ရမ်းသမ်းပစ်ခတ်မှုကြောင့်အင်းရွာလေး၊ကလုံ နှင့် အင်းရွာတို့တွင် ဒေသခံသုံးဦးသေဆုံးခဲ့သည်။
ယခုအခါ ရွှေကူမြို့မှတဆင့် ဗန်းမော်မြို့သို့ဆန်တက်ရန် ကြိုးစားနေပြီး KIA နှင့် PDF၏တိုက်ခိုက်မှုကြောင့် ခရီးဆက်မရဘဲဖြစ်နေသည်။
