Connect with us

Hi, what are you looking for?

သတင်း

တနင်္သာရီတွင် စစ်ကောင်စီတပ်ဒရုန်းဖြင့် ဗုံးကြဲ၍ အမျိုးသမီး သုံးဦးအပါအဝင် လေးဦးဒဏ်ရာရ

ကရင်အမျိုးသားအစည်းအရုံး(KNU) ဘိတ်−ထားဝယ်ခရိုင်၊ တနင်္သာရီ မြို့နယ်တွင် စစ်ကောင်စီတပ်က စစ်ကြောင်းထိုး ဝင်ရောက် လာပြီး ကျေးရွာအတွင်း ဒရုန်းဖြင့် ဗုံးသီးကြဲချတိုက်ခိုက်၍ ပြည်သူလေးဦး ဒဏ်ရာရခဲ့ကြောင်း KNU ဗဟိုက သတင်းထုတ်ပြန်သည်။

စစ်ကောင်စီတပ် ပစ်ခတ်မှုကြောင့် ဒဏ်ရာရသူများအား တွေ့ရစဉ်။ ဓာတ်ပုံ - KNU

ဟန်နွေ/People’s Spring

ကရင်အမျိုးသားအစည်းအရုံး(KNU) ဘိတ်−ထားဝယ်ခရိုင်၊ တနင်္သာရီ မြို့နယ်တွင် စစ်ကောင်စီတပ်က စစ်ကြောင်းထိုး ဝင်ရောက် လာပြီး ကျေးရွာအတွင်း ဒရုန်းဖြင့် ဗုံးသီးကြဲချတိုက်ခိုက်၍ ပြည်သူလေးဦး ဒဏ်ရာရခဲ့ကြောင်း KNU ဗဟိုက သတင်းထုတ်ပြန်သည်။

တနင်္သာရီမြို့နယ် သကျက်ကျေးရွာအုပ်စုအတွင်း စစ်ကြောင်းထိုးဝင်ရောက်လာသည့် စစ်ကောင်စီတပ်က စက်တင်ဘာ ၁၁ရက်တွင် ကျွဲထိန်းကုန်းကျေးရွာအတွင်း ဒရုန်းဖြင့် ဗုံးကြဲတိုက်ခိုက်ခဲ့ရာ အမျိုးသမီး ၃ဦး၊ အသက် (၂၁)နှစ်အရွယ် လူငယ်တစ်ဦးတို့ ဒဏ်ရာရခဲ့သည်ဟု ဖော်ပြသည်။

Public Service Announcement

Public Service Announcement

စက်တင်ဘာ ၁၂ရက်တွင်လည်း စစ်ကောင်စီတပ်က ကွင်းသစ်ကျေးရွာ အတွင်းသို့ ဒရုန်းဖြင့် ဗုံး(၂)လုံး ထပ်မံကြဲတိုက်ခိုက်ခဲ့ရာ နေအိမ်အချို့ ပျက်စီးခဲ့ရသည်ဟု အသိပေးသည်။

စစ်ကောင်စီတပ်သည် လက်ရှိတွင် ဒေသတွင်း ကျေးရွာများအတွင်း ဝင်ရောက်လှုပ်ရှားလျက်ရှိသည်ဟု ဆိုသည်။

စစ်ကောင်စီတပ်သည် ပြည်သူကိုပစ်မှတ်ထားသည့် လက်နက်ကြီးပစ်ခတ်မှုများ၊ လေကြောင်း တိုက်ခိုက်ခှုများ ပြုလုပ်လျက်ရှိ၍ ဒေသခံပြည်သူများ ထိတ်လန့်ကြောက်ရွံ့ပြီး အသက်ဘေးလွတ်ရာ ထွက်ပြေးတိမ်းရှောင်နေရကြောင်း၊ အခြေခံစားနပ်ရိက္ခာ ဆေးဝါးနှင့်နေရာထိုင်းခင်းတို့အတွက် အမိုးအကာများ လိုအပ်လျှက်ရှိကြောင်း KNUဗဟိုက ထုတ်ပြန်သည်။

စစ်ကောင်စီတပ် ပစ်ခတ်မှုကြောင့် ဒဏ်ရာရသူများအား တွေ့ရစဉ်။ ဓာတ်ပုံ – KNU

အာဏာသိမ်းစစ်ကောင်စီတပ်များသည် ပြည်သူလူထုများ ရိက္ခာဝယ်ယူရန်အတွက် အဓိက အသုံးပြုသည့် တနင်္သာရီ−သကျက် လမ်းပိုင်းရှိ ဘောဒိကာ တံတား၌ သွားလာခွင့်ကို ပိတ်ဆို့ထား၍ ရိက္ခာဝယ်ယူရန်အခက်အခဲများရင်ဆိုင်နေရကြောင်းလည်း ဖော်ပြသည်။

စစ်ကောင်စီတပ်သည် KNU အုပ်ချယ်နယ်မြေအတွင်း ပြည်သူများနေထိုင်ရာသို့ လက်နက်ကြီး ပစ်ခတ်ခြင်း၊ လေကြောင်းတိုက်ခိုက်ခြင်း၊ ဒရုန်းဖြင့် ဗုံးကြဲခြင်းများ ဆက်တိုက်ပြုလုပ်နေ၍ အရပ်သား ပြည်သူသေဆုံးထိခိုက်မှုတိုးလာနေသည်။ ထိုသို့ စစ်ကောင်စီ၏ ပြည်သူကို ပစ်မှတ်ထား တိုက်ခိုက်မှုကြောင့် KNU နယ်မြေများ၌ ယခုနှစ်အတွင်း အရပ်သား ရာချီသေဆုံးကာ ဒဏ်ရာရသူများစွာလည်းရှိခဲ့သည်။

ဆက်စပ်သတင်းများ

သတင်း

စစ်ကိုင်းတိုင်း၊ တန့်ဆည်မြို့နယ်က စာသင်ကျောင်းကို စစ်တပ်က ဂျက်ဖိုက်တာ ၂စီးနဲ့ ဗုံးကြဲတိုက်ခိုက်ခဲ့တယ်လို့ ဒေသခံသတင်းရင်းမြစ်တချို့က ပြောပါတယ်။

သတင်း

မြောက်ဦးမြို့၊ လေးမြို့စားရပ်ကွက်ရှိ ယာယီဖွင့်လှစ်ထားတဲ့ သားဖွားဆေးရုံကို အာဏာသိမ်းစစ်တပ်က ဒီနေ့ ညနေပိုင်းမှာ ဗုံးကြဲခဲ့တာကြောင့် ကလေးငယ်၊ အမျိုးသမီးအပါအ၀င် ၄ ဦး သေဆုံးပြီး ၄ ဦးထက်မနည်း ဒဏ်ရာရသွားခဲ့တယ်လို့ ဒေသခံတွေက ပြောကြပါတယ်။

သတင်း

စစ်ကိုင်းတိုင်း၊ မြင်းမူမြို့နယ်မှာ စစ်တပ်က စာသင်ကျောင်း ၃ ကျောင်းအနီး လေကြောင်းကနေ ဗုံးကြဲတိုက်ခိုက်လို့ သက်ကြီးရွယ်အို ၁ ဦးအပါအဝင် ပြည်သူ ၂ ဦး သေဆုံးခဲ့ပါတယ်။

သတင်း

မြောက်ဦးမြို့၊ လေးမြို့စားရပ်ကွက်နဲ့ ကျောက်တော်မြို့နယ် ဝါးတောင်ကျေးရွာအနီး ယိုးချောင်းတံတားတို့ကို အာဏာသိမ်းစစ်တပ်က ဒီကနေ့ ညနေပိုင်းမှာ ဗုံးကြဲခဲ့တာကြောင့် ​ဒေသခံပြည်သူ​ ၁၀ ဦးထက်မနည်း​သေဆုံးပြီး ဒဏ်ရာရသူ​တွေလည်းရှိတယ်လို့ဒေသခံတွေကပြောပါတယ်။

Facebook