“အောက်ခြေ တိုက်ပွဲတော့ မရှိဘူးပေါ့။ လေယာဉ်နဲ့တော့၉ ကြိမ်လာပစ်တယ်။တစ်ခါလာနှစ်စီးပေါ့”ဟု ၎င်းက ပြောသည်။
KIA ၏သတင်းရင်းမြစ်တစ်ဦးကလည်း ယနေ့တွင် စစ်ကောင်စီက အထိ့နာနေသော ကြည်းကြောင်းမှ ထိုးစစ်မဆင်လေကြောင်းမှ တိုက်ခိုက်မှု ပိုမိုပြုလုပ်လာပြီး ၊တိုက်လေယာဥ် ကိုးစီးဖြင့်လာရောက်တိုက်ခိုက်ခဲ့ကြောင်းပြောသည်။
လေကြောင်းမှ တိုက်ခိုက်မှု အကြိမ်ကြိမ် ပြုလုပ်ခဲ့သော်လည်း မိုးမောက်မြို့နယ် ရှိ အလော့ဘွမ်တပ်စခန်းကို KIAက ဆက်လက်ထိန်းချုပ်ထားဆဲ ဖြစ်သည်ဟု အဆိုပါဒေသခံက ပြောသည်။
“ခြေလျင်နဲ့ တိုက်မှပဲ သိမ်းလို့ရမှာ။ အခု က တောင်ခြေနဲ့တော်တော်ဝေးတဲ့ နေရာမှာ တိုက်ပွဲဖြစ်နေတာ။လေယာဉ်နဲ့ လာပစ်လည်း ဟိုဘက်က ထိခိုက်ဒဏ်ရာရတာ မရှိသလောက်ပဲ”ဟု ဒေသခံတစ်ဦးက ပြောသည်။
မြေပြင်တိုက်ပွဲ ဖြစ်ပွားမှုတွင် စစ်ကောင်စီဘက်မှ အထိနာလျက်ရှိပြီး မနေ့က ဧပြီ ၂၉ရက် တွင် စစ်ကောင်စီ တပ်ဖွဲ့ဝင် ၂၀ထက်မနည်း သေဆုံးခဲ့ပြီး လက်နက် ၁၈လက် သိမ်းဆည်းရရှိခဲ့ကြောင်း ဒေသခံ က ပြောသည်။
Public Service Announcement
ယခင် စစ်ကောင်စီတက်စွဲထားသည့် အလော့ဘွမ်တပ်စခန်းကို မတ်လ ၂၅ ရက်တွင် KIA က တိုက်ခိုက်သိမ်းပိုက်ခဲ့ရာ စစ်ကောင်စီက တပ်စခန်းပြန်ရရေး ဧပြီ ဒုတိယပတ်မှစ၍ ကြည်းကြောင်း ၊ လေကြောင်းမှ ထိုးစစ်ဆင်လျက်ရှိသည်။
သို့သော် ကြည်းကြောင်းမှထိုးစစ်ဆင်တိုင်း စစ်ကောင်စီတပ်ဖွဲ့ဝင်များသာ တပ်ရင်းအလိုက်ပြုတ်သည်အထိ့ သေဆုံး၊ဒဏ်ရာရခြင်း ၊စစ်သုံပန်းအဖြစ်အဖမ်းခံရခြင်း ၊ထွက်ပြေးရခြင်းများကြုံနေကာ အထိနာနေသည်။
