အဆိုပါကြားနာပွဲ၏ ပထမပိုင်းဆွေးနွေးမှုအစီအစဉ်တွင် အမျိုးသားညီညွတ်ရေးအစိုးရ(NUG)၏ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီး ဒေါက်တာဆာဆာ၊ ကရင်ငြိမ်းချမ်းရေး အထောက်အကူပြုကွန်ရက်(Karen Peace Support Network) အထွေထွေအတွင်းရေးမှူး နော်ကညော့ဖော နှင့် တက်ကြွလှုပ်ရှားသူ မသဥ္ဇာရွှန်းလဲ့ရည် တို့က မြန်မာနိုင်ငံ၏ ပကတိ အခြေအနေကို ထွက်ဆိုရှင်းလင်းမည်ဖြစ်သည်။
ဒုတိယပိုင်းဆွေးနွေးမှုအစီအစဉ်တွင် ကုလသမဂ္ဂ၏ မြန်မာနိုင်ငံ လူ့အခွင့်အရေးဆိုင်ရာအထူး အစီရင်ခံစာတင်သွင်းသူ တွမ်အန်ဒရူးစ်၊ Burma Campaign UK ဒါရိုက်တာ မာ့ခ်ဖာမာနား နှင့် Human Rights Watch မှ Asia Advocacy Director ဂျွန်ဆစ်ချ်တန် တို့က ဗြိတိန်၏လုပ်ဆောင်နိုင်စွမ်းအခန်းကဏ္ဍနှင့်ပတ်သက်၍ ဆွေးနွေးမည်ဖြစ်သည်။
အထက်ပါကြားနာပွဲသည် မြန်မာ့အရေးနှင့်ပတ်သက်သော ကော်မတီ၏ အစီရင်ခံစာအကျဉ်းကိုအထောက် အကူပြုစေမည်ဖြစ်ကြောင်း ဗြိတိန်နိုင်ငံခြားရေးရာကော်မတီ၏ ထုတ်ပြန်ချက်၌ ဖော်ပြသည်။