မြန်မာနိုင်ငံသားများကို ခိုလှုံခွင့်​ပေးရန်နှင့် စစ်တပ်ကို လက်နက်​ရောင်းချမှု တားမြစ်ပိတ်ပင်ရန် အ​မေရိကန်နှင့်​ တောင်ကိုရီးယားသမ္မတတို့ ​တောင်းဆို

တောင်ကိုရီးယားသမ္မတမွန်ဂျေအင်း၏ အမေရိကန်ခရီးစဉ်အတွင်း အိမ်ဖြူတော်၌ သမ္မတဂျိုးဘိုင်ဒန်နှင့်တွေ့ဆုံခဲ့ရာ ယင်းတွေ့ဆုံမှုအပြီးတွင် ခေါင်းဆောင်နှစ်ဦး၏ ပူးတွဲကြေညာချက်၌ တောင်းဆိုခဲ့ခြင်းဖြစ်သည်။

အရပ်သားပြည်သူများအပေါ် မြန်မာစစ်တပ်နှင့် ရဲတပ်ဖွဲ့က အကြမ်းဖက်ခြင်းအပေါ် ပြတ်သားစွာ ကန့်ကွက်ရှုတ်ချကြောင်း နှင့် အကြမ်းဖက်မှုများချက်ချင်းရပ်တန့်ရန် အထက်ပါခေါင်းဆောင်နှစ်ဦးက တိုက်တွန်းထားသည်။

ယင်းနောက် ဖမ်းဆီးထိန်းသိမ်းခံထားရသူများကို ပြန်လွှတ်ပေးရန်နှင့် ဒီမိုကရေစီလမ်းကြောင်းပေါ် နောက်ပြန်လှည့်ရန် အမေရိကန်နှင့် တောင်ကိုရီးယားခေါင်းဆောင်နှစ်ဦးက ပူးတွဲထုတ်ပြန်သည်။