Connect with us

Hi, what are you looking for?

LuduNwayOo

News

မြန်မာနိုင်ငံကို လက်နက်မရောင်းကြဖို့ ကုလသမဂ္ဂ အထွေထွေ ညီလာခံ တောင်းဆို

မြန်မာနိုင်ငံဆီ လက်နက် ရောင်းချမှုတွေ ပိတ်ပင်ဖို့ ကုလသမဂ္ဂ အထွေထွေ ညီလာခံက တောင်းဆိုလိုက်ပါတယ်။

အာဏာသိမ်း မြန်မာ စစ်တပ်ကို ရှုတ်ချပြီး စစ်လက်နက် ရောင်းချရေး ပိတ်ပင်ဖို့ အဆိုကို ကုလသမဂ္ဂ အထွေထွေ ညီလာခံ (UNGA)မှာ တင်သွင်းခဲ့တဲ့နောက် အဖွဲ့ဝင် နိုင်ငံ ၁၁၉ ခုက ထောက်ခံခဲ့ပါတယ်။ ဘီလားရုစ် တစ်နိုင်ငံတည်းကသာ ကန့်ကွက်ပြီး ရုရှား၊ တရုတ်တို့ အပါအဝင် ၃၆ နိုင်ငံက ကြားနေဖို့ ဆုံးဖြတ်ခဲ့ပါတယ်။ အာဆီယံ အသိုက်အဝန်းမှာ ဘရူနိုင်း၊ လာအို၊ ထိုင်းနဲ့ ကမ္ဘောဒီးယားတို့က ဒီကိစ္စမှာ မဲဝင်မပေးဘဲ လက်ရှောင်သွားခဲ့ပါတယ်။

UNAG အဖွဲ့ဝင် နိုင်ငံ အများစုက မြန်မာနိုင်ငံမှာ ဒေါ်အောင်ဆန်းစုကြည် အပါအဝင် ဖမ်းဆီး ထိန်းသိမ်း ခံထားရတဲ့ နိုင်ငံရေး အကျဉ်းသားတွေ ပြန်လွှတ်ပေးရေးကိုလည်း ထောက်ခံ တောင်းဆိုခဲ့ကြပါတယ်။ UNAG အဆိုပြုချက်ဟာ ဥပဒေ သတ်မှတ်ချက်မျိုး မဟုတ်ပေမယ့် နိုင်ငံရေးအရ အရေးပါတဲ့ ခြေလှမ်းတစ်ခုလို့ ဆိုနိုင်ပါတယ်။

မြန်မာနိုင်ငံမှာ စစ်တပ် အာဏာသိမ်းမှု နောက်ဆက်တွဲ ဂယက်အဖြစ် ပြည်တွင်းစစ်မီး အကြီးအကျယ် တောက်လောင်မယ့် အန္တရာယ်က အမှန်တကယ် ခြိမ်းခြောက်နေပြီဖြစ်ကြောင်း မြန်မာနိုင်ငံဆိုင်ရာ ကုလသမဂ္ဂ အထူးသံတမန် ခရစ္စတင်း ရှရန်နာ ဘန်ဂျန်နာက ပြောပါတယ်။

အချိန်က အရမ်း အရေးကြီးကြောင်း၊ စစ်အာဏာရှင်တွေရဲ့ ကြီးစိုးမှုကို ပြောင်းလဲ ဖယ်ရှားနိုင်မယ့် အခွင့်အလမ်းတွေက တဖြည်းဖြည်း ပါးလျလာနေကြောင်း ဘန်ဂျန်နာက သတိပေးခဲ့ပါတယ်။ တရုတ်နဲ့ ရုရှားတို့ဟာ မြန်မာစစ်တပ်ဆီ လက်နက်တွေ ထောက်ပံ့နေတဲ့ အဓိက အင်အားကြီး နိုင်ငံတွေဖြစ်ပြီး UNGA အဆိုပြုချက်ကို ကန့်ကွက်မဲ ပေးခဲ့တဲ့ ဘီလားရုစ်ဆီကလည်း မြန်မာစစ်တပ်က လက်နက်တွေ ဝယ်ယူလေ့ ရှိပါတယ်။

Public Service Announcement

Public Service Announcement

ကုလသမဂ္ဂရဲ့ ဥရောပ သမဂ္ဂဆိုင်ရာ သံအမတ်ကြီး အိုလော့ဖ် စကော့ဂ်က UNGAရဲ့ အဆိုပြုချက်ဟာ မြန်မာ စစ်အစိုးရကို တရားမဝင်ဘူးလို့ သတ်မှတ်ဖို့၊ ပြည်သူတွေအပေါ် မြန်မာစစ်တပ်ရဲ့ ရက်စက် ကြမ်းကြုတ်မှုတွေနဲ့ ဖိနှိပ်မှုတွေကို ရှုတ်ချဖို့၊ နိုင်ငံတကာ အမြင်မှာ မြန်မာစစ်တပ်ကို ဖယ်ကြဉ်ထားပြီး ဆန္ဒပြဖို့ ရည်ရွယ်ထားကြောင်း မှတ်ချက် ပေးခဲ့ပါတယ်။

မြန်မာနိုင်ငံက ရွေးကောက်ခံ လွှတ်တော်အမတ်တွေ ဦးဆောင် ဖွဲ့စည်းထားတဲ့ NUG အစိုးရကို ကိုယ်စားပြု ရပ်တည်နေတဲ့ ကုလသမဂ္ဂဆိုင်ရာ မြန်မာနိုင်ငံ သံအမတ်ကြီး ဦးကျော်မိုးထွန်းကတော့ အခုလို အဆိုပြုချက်မျိုးကို အထွေထွေ ညီလာခံမှာ အဆိုတင် ဆုံးဖြတ်နိုင်ဖို့ အချိန်တွေ အများကြီး ယူခဲ့ရတဲ့အပေါ် စိတ်ပျက်မိကြောင်း ပြောပါတယ်။

ဗိုလ်ချုပ်မှူးကြီး မင်းအောင်လှိုင် ဦးဆောင်တဲ့ မြန်မာစစ်တပ်ဟာ ဖေဖော်ဝါရီ ၁ ရက်မှာ အာဏာသိမ်းပြီး နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ နိုင်ငံတော် သမ္မတကြီး ဦးဝင်းမြင့် အပါအဝင် ခေါင်းဆောင်တွေကို ဖမ်းဆီး အကျဉ်းချထားခဲ့ပါတယ်။ အဲဒီနောက်ပိုင်းမှာ စစ်တပ်ရဲ့ ရက်ရက်စက်စက် ဖြိုခွင်းမှုတွေကြောင့် ဆန္ဒပြ ပြည်သူတွေ၊ ဒီမိုကရေစီရေး လှုပ်ရှားသူတွေ အပါအဝင် လူပေါင်း ၈၀၀ ကျော် သေဆုံးခဲ့ပြီး ထောင်နဲ့ချီ ဖမ်းဆီးခံထားရဆဲ ဖြစ်ပါတယ်။

ဆက်စပ်သတင်းများ

နိုင်ငံတကာ

စစ်တပ်က အာဏာသက်တမ်း ၅ နှစ်ထပ်တိုးတဲ့ ကိစ္စကို ပြီးခဲ့တဲ့ သီတင်းပတ်ကုန် ညီလာခံမှာ လျင်လျင်မြန်မြန်ပဲ ဆုံးဖြတ်ချက် ချခဲ့ပြီး အဲဒီ ဆွေးနွေးမှုတွေကို နိုင်ငံရေးပါတီတွေ တက်ရောက်ခဲ့ခြင်းလည်း မရှိကြောင်း ဒေသခံ မီဒီယာတွေက ဖော်ပြသွားခဲ့ပါတယ်။

သတင်း

ဟွန်ဆန်က မည်သည့်အတွက်ကြောင့် ဒေါ်အောင်ဆန်းစုကြည်နှင့်တွေ့ဆုံခွင့်ရရန် ခွင့်တောင်းသည်ကို ရှင်းရှင်းလင်းလင်းမသိရသေးပေ။

သတင်း

ဒေသခံအများအပြားသည် ဗန်းမော်မြိုသို့သွားရောက်၍ စစ်ဘေးတိမ်းရှောင်ခဲ့ကြသည်။ထို့နောက် KIA က​မေ ၇ ရက်နံနက်အ​စောပိုင်း၌ နောက်တကြိမ်ထိုးစစ်ဆင်တိုက်ခိုက်ပြီး မြို့ကိုထိန်းချုပ်လိုက်ခြင်းဟု ဒေသခံများကပြောသည်။

ဘာသာပြန် ဆောင်းပါး

အာဏာသိမ်း စစ်တပ်ရဲ့ လုံခြုံရေး တပ်ဖွဲ့ဝင်တွေက ရက်ရက်စက်စက် ဖြိုခွင်းမှုတွေကို ဆန္ဒပြသူတွေက အဆင်ပြေသလို ကြုံရာကျပန် ဖန်တီးထားတဲ့ လက်လုပ်​သေနတ်တွေနဲ့ ခုခံခဲ့ကြပါတယ်။