Connect with us

Hi, what are you looking for?

LuduNwayOo

သတင်း

မိုးမောက်မြို့၌ ယနေ့ တိုက်ပွဲငြိမ်သက်နေ၊ ဒေသခံအများစု ဗန်းမော်သို့ စစ်ရှောင်

KIAသည် မိုးမောက်နှင့် လွယ်ဂျယ်မြို့ကြား စိန်လုံတောင်တလျှောက်ရှိ စစ်ကောင်စီစခန်းများကို ပြီးခဲ့သည့် မတ်လဆန်းက တိုက်ခိုက်သိမ်းယူခဲ့သည်။

(မိုးမောက်ဒေသခံများ စစ်ဘေးရှောင်လာကြစဉ်။ ဓာတ်ပုံ - သုညသုခ ပရဟိတလူငယ်အသင်း)
(မိုးမောက်ဒေသခံများ စစ်ဘေးရှောင်လာကြစဉ်။ ဓာတ်ပုံ - သုညသုခ ပရဟိတလူငယ်အသင်း)

နန်းနောင့်နောင့်/People’s Spring

ကချင်ပြည်နယ် မိုးမောက်မြို့တွင် ယနေ့နံနက် ပစ်ခတ်မှုမရှိဘဲ ငြိမ်သက်နေပြီး ဒေသခံများသည် စစ်ဘေးရှောင်ရန် ဗန်းမော်မြို့သို့ ထွက်လာနေကြသည်။

“တိုက်ပွဲက မနေ့က ညနေမှာ စရပ်သွားတာ။ ဒီမနက်အထိ ပစ်ခတ်တာတွေ မရှိတော့ဘူး။ မနေ့တုန်းက လက်နက်ကြီးထိပြီး သေဆုံးတာတွေ ရှိတဲ့အပြင် တိုက်ပွဲလည်း ထပ်ဖြစ်နိုင်တယ်ဆိုပြီး ဒေသခံတွေ ထွက်လာနေ‌ကြတာ”ဟု ဗန်းမော်မြို့ခံတစ်ဦးက ပြောသည်။

မိုးမောက်မြို့မှ ထွက်လာသည့်စစ်ဘေးရှောင်များကို ဗန်းမော်မြို့မှ လူမှုရေးအဖွဲ့များက ယာယီစစ်ဘေးရှောင်စခန်းဖွင့်၍ လက်ခံထားသည်။ စစ်ဘေးရှောင်များ ဝင်ရောက်လာနေဆဲဖြစ်၍ အရေအတွက်အတိအကျမသိရသေးကြောင်းလူမှုကူညီအဖွဲ့များက ပြောသည်။

Public Service Announcement

Public Service Announcement

မိုးမောက်မြို့တွင် ယမန်နေ့ (ဧပြီ၂၂ရက်) နံနက် ၇နာရီမှစ၍ ညနေ ၃နာရီခန့်အထိ ကချင်လွတ်လပ်ရေးတပ်မတော်(KIA) နှင့် စစ်ကောင်စီတိုက်ပွဲဖြစ်ပွားခဲ့သည်။ဗန်းမော်မြို့ပေါ်မှ အင်အား ၁၀၀ခန့်ရှိ စစ်ကောင်စီစစ်ကြောင်းဝင်ရောက်လာ၍ KIA က စောင့်ကြိုတိုက်ခိုက် ခြင်းဟု သတင်းရရှိသည်။

မြေပြင်၌တိုက်ပွဲ ပြင်းထန်နေစဉ် စစ်ကောင်စီက ဗန်းမော်မြို့အခြေစိုက်တပ်ရင်းများမှနေ၍ လက်နက်ကြီးများ ပစ်ခတ်ခဲ့ရာ နေအိမ်အချို့ပေါ်ကျရောက်ပေါက်ကွဲပြီး ကလေးငယ်တစ်ဦး၊ အမျိုးသမီးတစ်ဦးနဲ့ လူငယ်အမျိုးသားတစ်ဦး သေဆုံးခဲ့ကြောင်း ဒေသခံများက ပြောသည်။

မိုးမောက်မြို့နှင့် (၉)မိုင်ခန့်ဝေးသောဗန်းမော်မြို့တွင် အမှတ်(၂၁)စစ်ဆင်ရေးကွပ်ကဲမှုဌာနချုပ်၊ တပ်မ (၈၈)ရှေ့တန်းဌာနချုပ်နှင့် အမြောက်တပ်ရင်း(၃၆၆)အပြင် မိုးမောက်မြို့အနီးရှိ ခမရ-၄၃၇ တပ်ရင်းတို့ ရှိနေသည်။

ထိုနေရာများမှနေ၍ စစ်ကောင်စီက!လက်နက်ကြီးအင်အားသုံးပစ်ခတ်ခဲ့ခြင်းဟု ဒေသခံများက ပြောသည်။

KIAသည် မိုးမောက်နှင့် လွယ်ဂျယ်မြို့ကြား စိန်လုံတောင်တလျှောက်ရှိ စစ်ကောင်စီစခန်းများကို ပြီးခဲ့သည့် မတ်လဆန်းက တိုက်ခိုက်သိမ်းယူခဲ့သည်။

ထိုအချိန်မှစ၍ မိုးမောက်မြို့ပေါ်မှ ဌာနဆိုင်ရာရုံးများ ပိတ်သွားခဲ့ပြီး ဝန်ထမ်းများသည် ဗန်းမော်မြို့သို့ ထွက်ပြေး တိမ်းရှောင်သွားခဲ့ကြသည်။

ဆက်စပ်သတင်းများ

သတင်း

ကော်ဘရာစစ်ကြောင်း(၁) စစ်ကြောင်းမှူး ဗိုလ်စောကော်ကလည်း အောင်ဇေယျစစ်ကြောင်းမှ ထွက်ပြေးသည့် စစ်သုံ့ပန်းများအား ဖမ်းမိထားသည်ဟု က People's Springသို့ ပြောထားသည်။သို့​သော် အ​ရေအတွက်ကိုမူ​ပြောကြားခြင်းမရှိ​ပေ။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။

သတင်း

ပြီးခဲ့သည့် ဖေဖော်ဝါရီက အဆိုပါကျေးရွာ၌ ယောဒေသကာကွယ်ရေးတပ်ဖွဲ့မှ ရဲဘော်နှစ်ဦးကို စစ်ကောင်စီတပ်နှင့် ပျူစောထီးများက မီးရှို့သတ်ဖြတ်ခဲ့သည်။

သတင်း

နှစ်ရက်တာတိုက်ခိုက်မှုအတွင်း စစ်ကောင်စီဘက်က ထိခိုက်သေဆုံးသူမှုများပြီး PDFရဲဘော် ၁၅ဦးခန့်လည်း မစိုးရိမ်ရ ထိခိုက်ဒဏ်ရာရရှိခဲ့ကြောင်း ဗိုလ်မိုက်ခဲက ပြောသည်။