Connect with us

Hi, what are you looking for?

News

ကင်းမရွာအတွက် ကိုရီးယားမှ လှူဒါန်းငွေ ကျပ်သိန်း ၁၈၀ကျော် NUGမှတစ်ဆင့် ချိတ်ဆက်လှူဒါန်း

စစ်ကောင်စီအနေဖြင့် ၎င်းတို့၏ အကြမ်းဖက်လုပ်ရပ်ကို ဝန်ခံခြင်းမရှိသည့်အပြင် ရွာကို မီးရှိုသူများမှာ ဒေသခံများဖြစ်သည်ဟု လိမ်ညာပြီး သတင်းထုတ်ပြန်ခဲ့သည်။

အကြမ်းဖက်စစ်ကောင်စီလက်နက်ကိုင်များက ရွာလုံး ကျွတ်နီးပါးမီးရှို့ခဲ့သည့် မကွေးတိုင်းဒေသကြီး ပေါက်မြို့နယ် ကင်းမရွာ အတွက် ကိုးရီးယားနိုင်ငံမှ လှူဒါန်းငွေ ကျပ် သိန်း ၁၈၀ ကျော်ကို မြေပြင် ကယ်ဆယ်ရေးလုပ်ဆောင်နေသည့် အဖွဲ့များနှင့် ချိတ်ဆက်ဆောင်ရွက် ခဲ့ကြောင်း အမျိုးသားညီညွတ်ရေးအစိုးရ(NUG) ၏ လူသားချင်းစာနာထောက်ထားရေးနှင့် ဘေးအန္တရာယ် ဆိုင်ရာ စီမံခန့်ခွဲရေး ဝန်ကြီးဌာနမှ ယနေ့ သတင်းထုတ်ပြန်သည်။

အဆိုပါ ရွာမှ မီးဘေးသင့်ပြည်သူများအတွက် ကိုရီးယားနိုင်ငံ Civilian Fellowship for International Exchange မှ လှူဒါန်းငွေ ကျပ် ၁၈၂ သိန်း ၆သောင်းကို မြေပြင်ကယ်ဆယ်ရေးအဖွဲ့များထံ ဇွန်လ ၁၇ရက် ကချိတ်ဆက်စီမံဆောင်ရွက်ခဲ့ကြောင်း ဝန်ကြီးဌာန၏ ထုတ်ပြန်ချက်၌ ဖော်ပြထားသည်။

ဇွန်လ ၁၆ရက်တွင် ကင်းမရွာကို စစ်ကောင်စီလက်နက် ကိုင်များက ရွာလုံးကျွတ် မီးရှီု့ခဲ့ရာ အိမ်ခြေ ၂၀၀ ခန့် ဆုံးရှုံးပျက်စီးခဲ့သည့်အပြင် သက်ကြီးရွယ်အို ၂ဦးနှင့် အိမ်မွေးတိရိစ္ဆာန်များ အသက်ဆုံးရှုံးခဲ့ရသည်။ မီးဘေးသင့် ပြည်သူ ၁၀၀၀ ကျော် အခက်အခဲများ ကြုံတွေ့နေရသည်။

စစ်ကောင်စီအနေဖြင့် ၎င်းတို့၏ အကြမ်းဖက်လုပ်ရပ်ကို ဝန်ခံခြင်းမရှိသည့်အပြင် ရွာကို မီးရှိုသူများမှာ ဒေသခံများဖြစ်သည်ဟု လိမ်ညာပြီး သတင်းထုတ်ပြန်ခဲ့သည်။

Public Service Announcement

Public Service Announcement

ဆက်စပ်သတင်းများ

သတင်း

အာဏာသိမ်းအကြမ်းဖက် စစ်အုပ်စုသည် မြန်မာနိုင်ငံ ပြိုကွဲမည့် အခြေအနေသို့ တွန်းပို့ဖန်တီးနေသည့် အဓိကတရားခံ ဖြစ်သည့်အပြင် မင်းအောင်လှိုင်နှင့်အပေါင်းအပါတို့သည် လူသားမျိုးနွယ်အပေါ် ကျူးလွန်သည့် ရာဇဝတ်မှုများအတွက် မဖြစ်မနေတာဝန်ခံရမည်ဖြစ်ကြောင်း NUG၊ NUCC အပါအဝင် တော်လှန်ရေးအဖွဲ ၅ဖွဲ့က ပူးတွဲထုတ်ပြန်သည်။

သတင်း

စစ်ကောင်စီတပ်သားနှင့် ရဲ ၁၃ ဦး ပြီးခဲ့သည့် ဇန်နဝါရီအတွင်း ပြည်သူ့ရင်ခွင်ခိုလှုံလာကြောင်း အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာနက ယနေ့(ဖေဖော်ဝါရီ ၁ရက်) သတင်းထုတ်ပြန်သည်။

သတင်း

အမျိုးသားညီညွတ်ရေးအစိုးရ(NUG)က နှစ် ပါတ်တကြိမ်ပြုလုပ်လျက်ရှိသော ပြည်သူလူထုနှင့် နိုင်ငံတကာသို့ သတင်းစကားပြောကြားခြင်း အစီအစဉ်ကို တရုတ်၊ ဂျပန်၊ ထိုင်း နှင့် အိန္ဒိယဘာသာစကား ၄ မျိုးဖြင့်ပါ စမ်းသပ်ထုတ်လွှင့်​နေပြီဖြစ်ကြောင်း NUG ပြည်ထောင်စုဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်ကပြောကြားသည်။

သတင်း

စစ်ရေးပူးတွဲဆောင်ရွက်မှု ပိုမိုအားကောင်းလာမည်ဟု ဆို