မန္တလေးမြို့​ပေါ်တိုက်ပွဲကို ​စောင့်ကြည့်​နေပြီး စိုးရိမ်​ကြောင်း ကန်နှင့်က​နေဒါသံရုံးထုတ်ပြန်

မန္တ​လေးမြို့​ပေါ် တိုက်ပွဲဖြစ်ပွားမှုတွင် အရပ်သားများ​သေဆုံး၊ထိခိုက်ဒဏ်ရာရမှုနှင့် ပတ်သက်ပြီး စိုးရိမ်​ကြောင်း ရန်ကုန်မြို့ရှိ အ​မေရိကန်သံရုံးနှင့်က​နေဒါသံရုံးတို့က ထုတ်ပြန်သည်။

“မန္တလေးတွင် အရပ်သားများသေဆုံး၊ ဒဏ်ရာရမှုတို့ ရှိနိုင်သည်ဟူသော အစောပိုင်းသတင်းများအပါအဝင် ဆက်လက်ဖြစ်ပွားနေသော ပစ်ခတ်မှုသတင်းများကို မိမိတို့စောင့်ကြည့်နေပါသည်။ စစ်မက်ရေးရာ တင်းမာလာနေမှုကို စိုးရိမ်ပူပန်မိပြီး အကြမ်းဖက်မှုရပ်တန့်ရန်အရေးပေါ်တောင်းဆိုပါသည်”ဟု ထုတ်ပြန်သည်။

ထို့အပြင် ရန်ကုန်မြို့ရှိ က​နေဒါသံရုံးကလည်း “ယနေ့ မန္တလေးမြို့တွင် ဖြစ်ပွားနေသော တိုက်ခိုက်မှုများအပေါ် မြန်မာနိုင်ငံဆိုင်ရာ ကနေဒါသံရုံးမှ များစွာ စိုးရိမ်မကင်း ဖြစ်နေပါသည်။ အကြမ်းဖက်မှုများ၊ ခြိမ်းခြောက်မှုများ၊ ခြောက်လှန့်မှုများကို ရပ်တန့်ရန်နှင့် အရပ်သားများကို ကာကွယ်ပေးရန်လည်း ကျွန်ုပ်တို့အနေဖြင့် တောင်းဆိုလိုပါသည်။”ဟု ထုတ်ပြန်သည်။