Connect with us

Hi, what are you looking for?

LuduNwayOo

News

မြန်မာစစ်ခေါင်းဆောင်တွေအပေါ် ထပ်တိုးအရေးယူဒဏ်ခတ်​ရေး သြစတြေးလျအစိုးရကို လွှတ်တော်ဖိအားပေး

မြန်မာစစ်ခေါင်းဆောင်တွေကို ပိတ်ဆို့အရေးယူမှု တိုးချဲ့ဖို့နဲ့ သြစတြေးလျနိုင်ငံမှာ ဆက်လက်နေထိုင်လိုသူတွေကို နိုင်ငံသားပေးဖို့ ဝန်ကြီးချုပ်မော်ရစ်ဆင်အစိုးရကို တောင်းဆိုဖိအားပေးမှုတွေရှိလာပါတယ်။

ဖေဖော်ဝါရီ ၁ရက် အာဏာသိမ်းမှုကြောင့် ရာနှင့်ချီတဲ့ ဆန္ဒပြသူအရပ်သားတွေကို မြန်မာလုံခြုံရေးတပ်ဖွဲ့တွေက သတ်ဖြတ်ခဲ့ပေမယ့် သြစတြေးလျ အစိုးရဟာ နိုင်ငံတကာဖိအား ကြီးကြီးမားမားရင်ဆိုင်နေရတဲ့ မြန်မာစစ်တပ်ထိပ်ပိုင်းဗိုလ်ချုပ်ကြီးတွေကို အရေးယူဒဏ်ခတ်တာ ရပ်တန့်ထားခဲ့ပါတယ်။

သြစတြေးလျအစိုးရရဲ့ ရပ်တည်ချက်နဲ့ပတ်သက်လို့ လစ်ဘရယ်၊ အမျိုးသားရေး၊ လေဘာ နဲ့ ဂရင်းစ်ကိုယ် စားပြု လွှတ်တော်အမတ်တွေဟာ ဒီနေ့ (ဇွန် ၂၄ ရက်)မှာ အစီရင်ခံသစ်တစ်စောင်ထုတ်ပြန်ပြီး မေးခွန်းထုတ်​ဝေဖန်လိုက်ပါတယ်။

သဘောတူဆုံးဖြတ်ထားတဲ့အစီရင်ခံစာမှာ ဆန္ဒပြသူတွေအပေါ် ဖိနှိပ်အကြမ်းဖက်မှုနဲ့ ဒီမိုကရေစီဖယ်ရှားမှုမှာ ပါဝင်ပတ်သက်ခဲ့တဲ့ မြန်မာစစ်တပ်အရာရှိကြီးတွေနဲ့ စစ်တပ်နဲ့ဆက်စပ်တဲ့စီးပွားရေး လုပ်ငန်းတွေကို ပစ်မှတ်ထား ထပ်တိုးအရေးယူဒဏ်ခတ်သင့်တယ်လို့ ဖော်ပြပါတယ်။

အရေးယူမှုမှာ မြန်မာ့စီးပွားရေးကော်ပိုရေးရှင်း(MEC) နဲ့ မြန်မာ့ဦးပိုင်(MEHL)စတဲ့ စီးပွားရေးလုပ်ငန်းတွေကို ထည့်သွင်းသင့်တယ်လို့ နိုင်ငံခြားရေး၊ ကာကွယ်ရေးနှင့်ကုန်သွယ်ရေး ပူးတွဲကော်မတီက ဆိုပါတယ်။

Public Service Announcement

Public Service Announcement

လက်ရှိမှာ မြန်မာစစ်တပ်အပေါ် နိုင်ငံတကာဖိအားတိုးလာပေမယ့် သြစတြေးလျ အစိုးရဟာ စစ်တပ်အာဏာ သိမ်းပြီးနောက်ပိုင်း ထပ်တိုးအရေးယူမှုတစ်ခုမှ ကြေညာထားတာမရှိပါဘူး။

သြစတြေးလျဟာ ၂၀၁၈ က စစ်တပ်အရာရှိကြီး ၅ ဦးကို အရေးယူဒဏ်ခတ်ခဲ့ပေမယ့် အဲဒီစာရင်းမှာ စစ်ခေါင်းဆောင် မင်းအောင်လှိုင်နဲ့ ဒုခေါင်းဆောင် စိုးဝင်းတို့ မပါဝင်ခဲ့ပါဘူး။
ကိုးကား -The Guardian

ဆက်စပ်သတင်းများ

သတင်း

တိုက်ပွဲအတွင်း ချေမှုန်းရေးစစ်ကြောင်းမှ ရဲဘော်များသည် ဘန်ကာ သုံးခုအား ဝိုင်းထားနိုင်ခဲ့သော်လည်း စခန်းအနီးနားရှိ ဆင်အင်းစခန်းမှ တပ်ကူရောက်လာ၍ ပြန်လည်ဆုတ်ခွာခဲ့ကြောင်း 96 Soldiers - PDF(အညာဒေသ)က ဆိုသည်။

နိုင်ငံတကာ

မနှစ်တုန်းက မူအားဖြင့် ဆွေးနွေးထားတဲ့ ကာကွယ်ရေး ပူးပေါင်းဆောင်ရွက်မှု သဘောတူ စာချုပ်ကို အာဏာသိမ်း စစ်ခေါင်းဆောင် သုံးဦးက နိုင်ယာမေ တွေ့ဆုံပွဲမှာ လက်မှတ်ရေးထိုး အတည်ပြုခဲ့တာ ဖြစ်ပါတယ်။

သတင်း

ဒေါက်တာဝင်းကျော်နှင့် ၎င်း၏ ဇနီးဖြစ်သူ ခင်ကေခိုင်တို့က ဦးဆောင်သည့် Mascots Group of Companies က အထက်ပါတရုတ်ကုမ္ပဏီများနှင့် စစ်အုပ်စုအကြား စီးပွားရေးလုပ်ဆောင်နိုင်ရန် ကြားခံပွဲစားအဖြစ် ဆောင်ရွက်ပေးကြောင်း JFM က စုံစမ်းဖော်ထုတ်သည်။

နိုင်ငံတကာ

စစ်တပ်က အာဏာသက်တမ်း ၅ နှစ်ထပ်တိုးတဲ့ ကိစ္စကို ပြီးခဲ့တဲ့ သီတင်းပတ်ကုန် ညီလာခံမှာ လျင်လျင်မြန်မြန်ပဲ ဆုံးဖြတ်ချက် ချခဲ့ပြီး အဲဒီ ဆွေးနွေးမှုတွေကို နိုင်ငံရေးပါတီတွေ တက်ရောက်ခဲ့ခြင်းလည်း မရှိကြောင်း ဒေသခံ မီဒီယာတွေက ဖော်ပြသွားခဲ့ပါတယ်။