လှိုင် EPCရုံးရှေ့တွက်လည်း ဗုံးနှစ်လုံးပေါက်
“ဗုံးက ၈ နာရီကျော်လောက်က ဘက်စ်ကား စောင့်နေတုန်း မြေနီကုန်း ခုံးတံတားပေါ်မှာ ဗုံးပေါက်တာပါ။ ကားအကြီး ဘီးပေါက်တယ် ထင်တာ ပြီးမှ ဗုံးပေါက်မှန်းသိတာပါ။ ရဲကားနားမှာ ပေါက်တယ်လို့တော့ သိရတယ်။ ဒဏ်ရာရအခြေအနေတော့ သေချာမသိရသေးပါဘူး။ ဆေးရုံကားတွေ ရဲကားတွေတော့ အများကြီးပဲ ရောက် လာတယ် ” ဟု ၎င်းက ပြောသည်။
အဆိုပါ ဗုံးပေါက်မှုကြောင့် အကြမ်းဖက်စစ်ကောင်စီတပ်ဖွဲ့ဝင် အများအပြားရောက်ရှိလာပြီး မြေနီကုန်းခုံးတံတား လမ်းပိတ်ဆို့၍ စစ်ဆေးမှုများ ပြုလုပ်ခဲ့ကြောင်း ဒေသခံများက ဆိုသည်။
ယမန်နေ့ (ဇူလိုင် ၁ ရက်)ကလည်း မြေနီကုန်း လမ်းဆုံမီးပွိုင့်နားရှိ ယာဉ်ထိန်းရဲရုံးတွင်ဗုံးပေါက်ကွဲမှုဖြစ်ပွားခဲ့ပြီး လမ်းသွား၊လမ်းလာအမျိုးသမီးငယ်တစ်ဦးထိခိုက်ဒဏ်ရာ ရရှိခဲ့သည်။
ထို့အပြင် ယနေ့နံနက် ၁၀နာရီခန့် နှင့် ၁၀နာရီ၁၀မိနစ်ခန့်တို့တွင် လှိုင်မြို့နယ် (၉)ရပ်ကွက်ရှိ ဘူတာရုံလမ်းမှတ်တိုင်အနီး လှိုင်EPC ရုံး(မီတာရုံး)ရှေ့ ဗုံးပေါက်ကွဲမှုနှစ်ကြိမ်ဖြစ်ပွားခဲ့သည်။
အဆိုပါပေါက်ပွဲမှုကြောင့် အမျိုးသားတစ်ဦး ဒဏ်ရာရရှိခဲ့သည်။
ထို့အပြင် ၁၀နာရီမိနစ် ၂၀တွင် စသ်ကောင်စီတပ်ဖွဲ့များရောက်လာပြီး ရှာဖွေစစ်ဆေးမှုများပြုလုပ်နေကြောင်း အဆိုပါရပ်ကွက်နေပြည်သူတစ်ဦးက ပြောသည်။
