ယနေ့ နေ့လည်ပိုင်းတွင် ကောလင်းမြို့ သစ်စိမ့်ကုန်း တွင် ဒေသခံ ပြည်သူ့ကာကွယ်ရေး တပ်ဖွဲ့(PDF)နှင့် စစ်ကောင်စီတို့ တိုက်ပွဲဖြစ်ပွားခဲ့သည်ဟု ဒေသခံအချို့က ပြောကြား သော်လည်း အသေးစိတ်အခြေအနေကို အတည်ပြုနိုင်ခြင်းမရှိသေးပေ။
“အခုလောလောဆယ်တော့ မြို့ပေါ်မှာတော့ ပစ်သံခတ်သံကြားရတယ်။ နေ့လည် ၂နာရီလောက်ကစပြီး ပစ်တာပဲ။ ထွေအုပ်ရုံးအတွင်းထဲက ပစ်တဲ့ဟာက အနီးအနားအိမ်ကို လက်နက်ကြီးကျပြီးတော့မှ နှစ်ယောက် သုံးယောက်ဒဏ်ရာရတယ်” ဟု ကောလင်းမြို့ခံက ယနေ့ ညနေပိုင်းတွင် ပြောသည်။
ကောလင်းမြို့ပေါ်ရှိ လက်နက်ကြီးထိမှန်ခဲ့သည့် နေအိမ်အပျက်အစီးနှင့် ဒဏ်ရာရသူ အမျိုးသမီး နှစ်ဦး၏ ဓာတ်ပုံများကိုလည်း လူမှုကွန်ရက်တွင် ဖော်ပြမှုများ တွေ့ရသည်။
“အပြင်းအထန်တော့ မဟုတ်ဘူး အပေါ်ဒဏ်ရာပေါ့” ဟု ကောလင်းမြို့ခံက ပြောသည်။လက်ရှိတွင် မြို့ပေါ်၌ ပြည်သူထူလုများအသွားအလာမရှိသလောက်နည်းပါးလျက်ရှိုသည်ဟု ဆိုသည်။
Public Service Announcement
