Connect with us

Hi, what are you looking for?

LuduNwayOo

News

ကောလင်းတိုက်ပွဲ စစ်ကောင်စီတပ်ဖွဲ့ဝင် ၂၀ခန့်သေဆုံး၊ PDF အချို့ကျဆုံး

စစ်ကိုင်းတိုင်းဒေသကြီး ကောလင်းမြို့နယ်တွင် ယမန်နေ့ညနေပိုင်းက စစ်ကောင်စီယာဉ်တန်းကို ကောလင်းပြည်သူ့ကာကွယ်ရေးတပ်ဖွဲ့(PDF)က ကြားဖြတ်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် သေဆုံးမှုများပြားကြောင်း ဒေသခံတစ်ဦးက People’s Springသို့ ​ပြောသည်။

ကောလင်း -ရွေဘို လမ်းပိုင်း ကုက္ကိုလ်ကုန်းကျေးရွာအနီး၌ တိုက်ပွဲဖြစ်ပွားခဲ့ရာ PDF ၄ဦး ကျဆုံးခဲ့ပြီး စစ်ကောင်စီတပ်ဖွဲ့ဝင် ၂၀ ခန့်သေဆုံးသည်ဟု သိရကြောင်း ၎င်းက ဆိုသည်။

“ဖြစ်စဉ်က ကျွန်တော်တို့ ကြားတာက တပ်ကူလာတဲ့ တပ်ကို လမ်းက ဖြတ်တိုက်တယ်လို့ ကြားတယ်ဗျ။ဟိုနေ့က သစ်ဆိမ့်ကုန်းမှာ ဖြစ်တာ။ အဲဒါကို ကြားလို့ ဒီမှာ အင်အားဖြည့်တဲ့သဘောလို့ထင်တယ်” ဟု ကောလင်းမြို့ခံတစ်ဦးက ပြောသည်။

ကောလင်းမြို့နယ် သစ်ဆိမ့်ကုန်းရွာအနီးတွင် ဇူလိုင် ၂ရက်က စစ်ကောင်စီတပ်ကို PDFက တိုက်ခိုက်ခဲ့၍ တိုက်ပွဲဖြစ်ပွားခဲ့သည်။

ကောလင်းမြို့ပေါ်တွင်ပါ ပစ်ခတ်မှုများ ဖြစ်ပွားခဲ့ရာ မြို့နယ် အုပ်ချုပ်ရေးမှူးရုံး ရှိ စစ်ကောင်စီတပ်က လက်နက်ကြီးပစ်ခတ်၍ မြို့ပေါ်ရပ်ကွက်ရှိ နေအိမ်တစ်လုံး ပျက်ဆီးခဲ့ပြီး အရပ်သား ၂ဦး ဒဏ်ရာရခဲ့သည်။ တိုက်ပွဲဖြစ်ပွားမှု အသေးစိတ်ကို ကောလင်း PDF က သတင်းထုတ်ပြန်မှု မပြုသေးပေ။

ကောလင်းပြည်သူ့လွှတ်တော်အမတ်ဟောင်း ဦးမျိုးဇော်အောင်က “မနေ့ညနေက ကောလင်းတိုက်ပွဲမှာကျဆုံးသွားတဲ့အာဇာနည် အပေါင်းကို အလေးပြုပါတယ်။ ကိုယ့်ညီလိုလည်း ဖြစ်၊ အားကိုးရသူလည်း ဖြစ်တဲ့ သူတွေ ပါသွားတာ ရင်ထဲနာကျင်ရပါတယ်” ဟု ၎င်း၏ လူမှုကွန်ရက်တွင် ယနေ့ ရေးသားထားသည်။

ကောလင်းမြို့နယ်တွင် စစ်ကောင်စီတပ်ကို PDFက တိုက်ခိုက်ရာတွင် ကချင်လက်နက်ကိုင်အဖွဲ့(KIA)က ပါဝင်ပူးပေါင်း တိုက်ခိုက်ပေးနေသည်ဟု ဒေသခံများက ပြောဆိုကြသည်။

KIA သတင်းနှင့် ပြန်ကြား ရေးဌာန ပြောရေးဆိုခွင့်ရှိသူ ဗိုလ်မှူးကြီးနော်ဘူကလည်း ဗဟိုက ညွှန်ကြားချက်မရှိ သော်လည်း KIA အောက်ခြေတပ်များက ဒေသခံ PDFများအား ပူးပေါင်းကူညီမှုများရှိနိုင်ကြောင်း ပြောဆိုထားသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

လမ်းပိုင်းပျက်စီးသွားခြင်းကြောင့် မုံရွာတောင်နယ်နှင့် ချောင်းဦးမြို့နယ်နေ ပြည်သူများအတွက် ကုန်သွယ် ရေး၊ လမ်းသွားလာရေးခက်ခဲလာနိုင်ကြောင်း ဒေသခံများက ပြောသည်။

သတင်း

"တောင်လက်မှာ တပ်စွဲနေတဲ့ စခနှင့်ပျူများပြန်လည်ဆုပ်ခွာသွားပြီ။ ပစ္စည်းတွေဆုံးရှုံးမှုတွေရှိသလို အသေအပျောက်တွေရှိပါတယ်။"ဟု မင်းကင်းဒေသခံတစ်ဦးက ပြောသည်။

သတင်း

ဦးမောင်ဝိတ်ဆီက လာဘ်ယူတယ်ဆိုတဲ့အမှုမှာ စစ်ကောင်စီက ဒေါ်အောင်ဆန်းစုကြည်ကို ထောင်ဒဏ် ၁၅ နှစ်ထိချလို့ရတဲ့အဂတိပုဒ်မနဲ့တရားစွဲထားတာပါ။

သတင်း

မန်တုံမြို့တွင် စက်တင်ဘာ ၂၉ရက်က တိုက်ပွဲစတင်ခဲ့ခြင်းဖြစ်သည်။ မြို့ပေါ်ရှိ စစ်ကောင်စီတပ်နှင့် ရဲစခန်းကို KIA/PDF ပူးပေါင်းတပ်က သွားရောက်တိုက်ခိုက်ခဲ့ခြင်းဖြစ်ပြီး ရဲစခန်းကို မီးရှို့ဖျက်ဆီးခဲ့သည်။